சமீபத்தில், இன்பினிக்ஸ் நிறுவனம் Infinix Zero Ultra என்ற போனை அறிமுகம் செய்தது. அதனைத் தொடர்ந்து Infinix Zero 20 என்ற மாடலை அறிவித்தது. இப்போது, Infinix Hot 20 5G என்ற புதிய 5ஜி மொபைலை நேற்று அறிமுகப்படுத்தி இருக்கிறது.
இன்பினிக்ஸ் ஹாட் சீரிஸ் வரிசையின் கீழ் அறிமுகம் செய்யப்படும் முதல் 5G ஸ்மார்ட்போன் இது ஆகும். இதற்கு முன், ஹாட் சீரிஸ் வரிசையில் 4ஜி மாடல்கள் மட்டுமே அறிமுகம் செய்யப்பட்டிருந்தது. இந்த ஸ்மார்ட்போன் MediaTek Dimensity 810 சிப்செட் மற்றும் 4ஜிபி ரேம் உடன் வருகிறது. இந்த Infinix Hot 20 5G போனில் 120Hz டிஸ்பிளே, 50MP கேமரா மற்றும் 18W ஃபாஸ்ட் சார்ஜிங் ஆதரவு போன்றவையும் உள்ளன.
விலை
புதிய Infinix Hot 20 5G ஸ்மார்ட்போன் ஆனது 4GB + 128GB ஸ்டோரேஜ் வேரியண்ட் மாடலாக அறிமுகம் செய்யப்பட்டுள்ளது. இதன் விலை €180 ஆக நிர்ணயம் செய்யப்பட்டுள்ளது. இந்திய மதிப்பில் இந்த புதிய ஸ்மார்ட்போன் தோராயமாக ரூ. 14,500 வரலாம். இந்த புதிய Infinix Hot 20 5G ஸ்மார்ட்போனை AliExpress வழியாக வாங்க முடியும். விரைவில் இந்திய விற்பனை தளங்களில் கிடைக்குமென்று எதிர்பார்க்கப்படுகிறது.
சிறப்பம்சம்
இந்த புதிய Hot 20 5G ஸ்மார்ட்போன் 120Hz IPS LCD டிஸ்பிளே பேனலைக் கொண்டுள்ளது. இது 6.6 அங்குல அளவு கொண்ட முழு HD+ குவாலிட்டி உடன் செயல்படுகிறது. இது 240Hz டச் சாம்பிளிங் வீதத்தை ஆதரிக்கிறது. மேலும் இது வாட்டர் டிராப் நாட்ச் வடிவமைப்பில் வருகிறது. இந்த புதிய ஹாட் சீரிஸ் 5ஜி ஸ்மார்ட்போன் ஆக்டா கோர் மீடியாடெக் டைமென்சிட்டி 810 சிப்செட் மூலம் இயங்குகிறது. இது இந்த ஆண்டு பல பட்ஜெட் செக்மென்ட் ஸ்மார்ட்போன்களில் இடம்பெற்ற சிறந்த சிப்செட் ஆகும்.
ஸ்டோரேஜ் மற்றும் OS
இந்த புதிய Infinix Hot 20 5G ஸ்மார்ட்போன் 4ஜிபி ரேம் மற்றும் 128ஜிபி கொண்ட ஸ்டோரேஜ் அம்சத்துடன் வருகிறது. கூடுதல் ஸ்டோரேஜ் தேவைப்படுபவர்கள் மைக்ரோ எஸ்டி கார்டு மூலமாக சேமிப்புத்திறனை அதிகரித்துக் கொள்ள மெம்ரி ஸ்லாட் வழங்கப்பட்டுள்ளது. இந்த போன் ஆண்ட்ராய்டு 12ஐ அடிப்படையாகக் கொண்ட XOS 10.6 உடன் இயங்குகிறது. இது ஒரு பட்ஜெட் விலை 5ஜி ஸ்மார்ட்போனாக வெளியாகி இருக்கிறது.
கேமரா
இந்த இன்பினிக்ஸ் ஹாட் 20 5G ஸ்மார்ட்போன் டூயல் ரியர் கேமரா அமைப்பைக் கொண்டுள்ளது. இதில் சாம்சங் JN1 சென்சார் கொண்ட 50MP பிரைமரி ஷூட்டர் உடன் 2MP செகண்டரி சென்சார் மற்றும் LED ஃபிளாஷ் உடன் வருகிறது. முன்பக்கத்தில் செல்ஃபிகள் மற்றும் வீடியோ அழைப்பை ஆதரிக்கும் 8MP ஸ்னாப்பரை இந்த ஸ்மார்ட்போன் கொண்டுள்ளது. பட்ஜெட் விலையில் 50MP கேமரா ஒரு டீசெண்டான ஸ்பெக்ஸ் தான்.
பிற அம்சங்கள்
புதிய ஹாட் சீரிஸ் ஸ்மார்ட்போன் 5000mAh பேட்டரியோடு வருகிறது. இது 18W ஃபாஸ்ட் சார்ஜிங் ஆதரவும் வழங்கப்பட்டுள்ளது. இந்த சாதனம் டைப்-சி போர்ட் உடன் சைடில் பொருத்தப்பட்ட பிங்கர் பிரிண்ட் ஸ்கேனரைக் கொண்டுள்ளது. Infinix Hot 20 5G ஆனது ரேசிங் பிளாக், ஸ்பேஸ் ப்ளூ மற்றும் பிளாஸ்டர் கிரீன் ஆகிய 3 நிறத் தேர்வுகளில் வருகிறது. குறைந்த விலையில் நிறைவான வசதிகளுடன் வெளிவந்துள்ளதால் இந்த போனுக்கு நல்ல வரவேற்பு கிடைக்கும் என்று எதிர்பார்க்கலாம்.
