Infinix நிறுவனம் Infinix HOT 30i என்ற புதிய ஸ்மார்ட்போனை இந்தியாவில் வெளியிட்டுள்ளது. புதிய Infinix HOT 30i ஒரு மலிவு விலை ஸ்மார்ட்போன் ஆகும். மேலும் இது 90Hz புதுப்பிப்பு வீதம், MediaTek G37 சிப்செட் மற்றும் பல அம்சங்களுடன் 6.6 அங்குல ஃபுல்-வியூ டிஸ்ப்ளே போன்ற அம்சங்களுடன் வருகிறது. மேலும், ஸ்மார்ட்போனின் முக்கிய சிறப்பம்சங்களில் ஒன்று.. அதன் 16 ஜிபி ரேம் ஆகும். ஆனால் அதில் குறிப்பிடத்தகுந்த விஷயம் ஒன்று உள்ளது.அதைப் பற்றி பின்னர் பார்க்கலாம்.
இன்ஃபினிக்ஸ் நிறுவனத்தின் கூற்றுப்படி, புதிதாக அறிமுகப்படுத்தப்பட்ட இந்த ஸ்மார்ட்போன் பயனர்களுக்கு லாபகரமானதாக இருக்கும். ஏனெனில் இது மலிவு விலையில் சுவாரஸ்யமான அம்சங்களை வழங்கும் என்று கூறப்படுகிறது. இன்ஃபினிக்ஸ் HOT 30i மொபைலின் விலை, கிடைக்கும் தன்மை மற்றும் விவரக்குறிப்புகள் ஆகியவற்றைப் பார்ப்போம்.
Infinix HOT 30i விலை, கிடைக்கும் தன்மை, வண்ணங்கள்
Infinix HOT 30i இந்தியாவில் ரூ.8,999 என்ற விலைக்கு வெளியாகி இருக்கிறது. மேரிகோல்டு, டயமண்ட் ஒயிட், கிளேசியர் ப்ளூ மற்றும் மிரர் பிளாக் உள்ளிட்ட நான்கு வண்ண விருப்பங்களில் இந்த ஸ்மார்ட்போன் ஏப்ரல் 3 ஆம் தேதி முதல் Flipkart இல் கிடைக்கும்.
Infinix HOT 30i விவரக்குறிப்புகள்
Infinix HOT 30i ஆனது 90Hz புதுப்பிப்பு வீதம், 180Hz டச் சாம்ப்ளிங் ரேட் மற்றும் 500 NITS உச்ச பிரகாசத்துடன் 6.6 அங்குல ஃபுல் HD டிஸ்ப்ளேவைக் கொண்டுள்ளது. கேமராவைப் பொறுத்தவரை, ஸ்மார்ட்போன் 50MP இரட்டை AI பின்புற கேமரா மற்றும் 5MP செல்ஃபி கேமராவுடன் வருகிறது. முன் மற்றும் பின்புற கேமரா அமைப்புகளில் இரட்டை எல்இடி ஃபிளாஷ் உள்ளது என்பதை கவனத்தில் கொள்ள வேண்டும். வைடு செல்ஃபிகள், AI பியூட்டி மற்றும் போர்ட்ரெய்ட் உள்ளிட்ட படங்களைக் கிளிக் செய்வதற்கு பலவிதமான மோடுகள் உள்ளன.
சிப்செட்
Infinix HOT 30i ஆனது Arm Mali-G57 GPU உடன் இணைந்து MediaTek G37 சிப்செட் மூலம் இயக்கப்படுகிறது. இந்த ஸ்மார்ட்போன் 16ஜிபி ரேம் வரை வழங்குவதாக கூறப்படுகிறது, ஆனால், உண்மையில், இது 8ஜிபி பிசிகல் ரேம் மற்றும் 8ஜிபி மெய்நிகர் (விர்சுவல்) ரேம் ஆகியவற்றை வழங்குகிறது. இதை இன்ஃபினிக்ஸ் நிறுவனம் ‘மெம்ஃப்யூஷன்’ தொழில்நுட்பம் என்று அழைக்கிறது. Infinix HOT 30i ஆனது 128GB உள்ளக சேமிப்பகத்தைக் (internal storage) கொண்டுள்ளது, அதை 1TB வரை விரிவாக்கலாம். இந்த மொபைல் Android 12 இல் இயங்குகிறது.
And it's here!
The #SmartphonesKaBAAP, yaane ki Infinix ka naya #HOT30i is here at a special launch day price of just Rs. 8,999! ???
Sales start 3rd April, 12 noon, only on @flipkart ? pic.twitter.com/87jd3JtZ9D
— Infinix India (@InfinixIndia) March 27, 2023
பேட்டரி
Infinix HOT 30i ஆனது பவர் மராத்தான் தொழில்நுட்பத்தால் ஆதரிக்கப்படும் 5,000mAh உயர் திறன் கொண்ட பேட்டரியுடன் வருகிறது. நிறுவனத்தின் கூற்றுப்படி, இந்த தொழில்நுட்பம் ஸ்மார்ட்போனின் சக்தியை நிலைநிறுத்துகிறது மற்றும் 25 மணிநேரத்திற்கு மேல் அழைப்பு மற்றும் 30 நாட்களுக்கு மேல் ஸ்டேண்ட்-பை நேரத்தை உறுதி செய்கிறது. பாதுகாப்புக்காக ஃபேஸ் அன்லாக் அம்சம் மற்றும் மல்டிஃபங்க்ஸ்னல் சைட்-மவுண்டட் கைரேகை சென்சார் உள்ளது.
Infinix Hot 30i முக்கிய விவரக்குறிப்புகள்
- சிப்செட் – MediaTek Helio G37 | 8 ஜிபி
- திரை – 6.6 அங்குலம் (16.76 செமீ)
- டிஸ்ப்ளே – 90Hz புதுப்பிப்பு வீதத்துடன் கூடிய HD+ டிஸ்ப்ளே
- பின்பக்க கேமரா – இரட்டை LED ப்ளாஷ் கொண்ட 50MP இரட்டை AI கேமரா
- முன்பக்க கேமரா – இரட்டை LED ப்ளாஷ் கொண்ட 5MP கேமரா
- பேட்டரி – 5000 mAh