Infinix நிறுவனம் கடந்த வாரம், Infinix Note 12 Pro என்ற புதிய ஸ்மார்ட்போனை இந்தியாவில் அறிமுகம் செய்தது. இந்த புதிய Infinix Note 12 Pro ஸ்மார்ட்போன் இன்று முதல் விற்பனைக்கும் வந்து இருக்கிறது.
சலுகை
இன்பினிக்ஸ் நோட் 12 ப்ரோ பிரத்தியேகமாக பிளிப்கார்ட் மூலம் விற்பனைக்குவந்து இருக்கிறது. அறிமுகச் சலுகையாக கேஷ் ஆன் டெலிவரி கொடுக்காமல், நேரடியாக ப்ரீபெய்டு பரிவர்த்தனை மேற்கொள்ளும் போது ரூ. 1,500 உடனடி தள்ளுபடி கிடைக்கிறது. கூடுதலாக, Flipkart Plus உறுப்பினர்கள் SuperCoins உடன் 500 ரூபாய் தள்ளுபடியைப் பெறவும் வாய்ப்புள்ளது.
விலை
Infinix Note 12 Pro இன்று முதல் இந்தியாவில் விற்பனைக்கு கிடைக்கிறது. இந்த புதிய இன்ஃபினிக்ஸ் நோட் 12 ப்ரோ ஒற்றை வேரியண்ட் மாடலாக மட்டுமே வருகிறது. இது 8ஜிபி ரேம் + 256ஜிபி ஸ்டோரேஜ் உடன் விற்பனைக்கு வருகிறது. இதன் விலை ரூ.16,999 மட்டுமே என்பது குறிப்பிடத்தக்கது. அறிமுகச் சலுகையைப் பயன்படுத்தும் போது உங்களுக்கு இதன் விலை இன்னும் கணிசமாகக் குறைய அதிக வாய்ப்புள்ளது.
சிறப்பம்சம்
இந்த டிவைஸ் 6.7 அங்குலம் கொண்ட முழு HD+ AMOLED டிஸ்பிளேவை கொண்டுள்ளது. இது 180Hz டச் சாம்பிளிங் உடன் 100% DCI-P3 அம்சத்துடன் 1000nits வரை பிரைட்னஸ் உடன் வாட்டர் டிராப் நாட்ச் அம்சத்தில் வெளிவருகிறது. இது கார்னிங் கொரில்லா கிளாஸ் 3 லேயர் மூலம் பாதுகாக்கப்படுகிறது. இந்த ஸ்மார்ட்போன் ஆக்டா கோர் மீடியாடெக் ஹீலியோ ஜி99 சிப்செட் உடன் மாலி ஜி57 ஜிபியூவுடன் வருகிறது.
கேமரா
முன்பே சொன்னது போல், இந்த ஸ்மார்ட்போன் 8 ஜிபி ரேம் மற்றும் 256 ஜிபி இன்டெர்னல் ஸ்டோரேஜ் உடன் வருகிறது. இந்த சாதனம் 5ஜிபி வரை விர்ச்சுவல் ரேமையும் ஆதரிக்கிறது. இது ஆண்ட்ராய்டு 12 அடிப்படையிலான XOS 10.6 இயங்குதளத்தில் இயங்குகிறது. இது ஒரு பட்ஜெட் சீரிஸ் ஸ்மார்ட்போன் சாதனம் என்றாலும் கூட, இதில் 108MP பிரைமரி சென்சார், 2MP டெப்த் சென்சார், AI லென்ஸ் மற்றும் குவாட்-எல்இடி ஃபிளாஷ் கொண்ட ட்ரிபிள் ரியர் கேமராக்களைக் கொண்டுள்ளது. முன்பக்கத்தில் செல்ஃபி போட்டோ எடுக்கவும், வீடியோ அழைப்புகளை மேற்கொள்ளவும் 16MP ஷூட்டர் பிரண்ட் டூயல் எல்இடி ஃபிளாஷ் உடன் வருகிறது.
வசதிகள்
கூடவே இந்த ஸ்மார்ட்போனில் 5,000mah பேட்டரியும் அதனை சார்ஜ் செய்யக்கூடிய 33வாட் ஃபாஸ்ட் சார்ஜிங் உடன் வருகிறது. இந்த சாதனம் Tuscany Blue, Alpine White மற்றும் Volcanic Gray வண்ண விருப்பங்களில் வருகிறது. இது டூயல் சிம், 4ஜி, வைஃபை 802.11 ஏ/பி/ஜி/என்/ஏசி, புளூடூத் 5.0, என்எப்சி, ஜிபிஎஸ் மற்றும் க்ளோனாஸ் ஆகியவற்றை ஆதரிக்கிறது.
இந்த Infinix Note 12 Pro ஸ்மார்ட்போன் Redmi Note 11S, Realme 9 மற்றும் Moto Edge 20 Fusion போன்றவற்றுக்கு எதிராகப் போட்டியிடும் திறனைக் கொண்டிருக்கிறது. இது தவிர செப்டம்பர் 5 ஆம் தேதி அறிமுகம் செய்யப்பட உள்ள POCO M5 ஸ்மார்ட்போன் மாடலுக்கு நிகரான அம்சங்களைக் கொண்டுள்ளது என்பது கவனிக்கத்தக்கது. உண்மையைச் சொல்லப் போனால் Infinix Note 12 Pro பட்ஜெட் விலையில் கிடைக்கும் ஒரு சிறந்த போன் என்பதில் சந்தேகமில்லை.
