- இன்பினிக்ஸ் நிறுவனம் ஏற்கனவே அறிவித்தப்படி புதிய நோட் 12 ப்ரோ ஸ்மார்ட்போனினை அறிமுகம் செய்து இருக்கிறது.
- இந்த ஸ்மார்ட்போன் 8 ஜிபி ரேம், 256 ஜிபி இண்டர்னல் மெமரி கொண்டிருக்கிறது.
இன்பினிக்ஸ் நிறுவனம் இந்திய சந்தையில் புதிய நோட் 12 ப்ரோ 4ஜி ஸ்மார்ட்போனினை அறிமுகம் செய்தது. இதில் 6.7 அங்குல FHD+AMOLED ஸ்கிரீன், யு வடிவ நாட்ச், 16MP செல்பி கேமரா, மீடியாடெக் ஹீலியோ ஜி99 4ஜி பிராசஸர் வழங்கப்பட்டு இருக்கிறது. இந்தியாவில் ஹீலியோ ஜி99 பிராசஸருடன் அறிமுகமாகி இருக்கும் முதல் ஸ்மார்ட்போன் நோட் 12 ப்ரோ 4ஜி ஆகும்.
இந்த ஸ்மார்ட்போன் 8 ஜிபி ரேம், 256 ஜிபி மெமரி, கூடுதலாக 5ஜிபி வரை விர்ச்சுவல் ரேம், DTS ஸ்டீரியோ ஸ்பீக்கர்கள், 5000 mAh பேட்டரி மற்றும் 33 வாட் பாஸ்ட் சார்ஜிங் வசதி கொண்டிருக்கிறது.
இன்பினிக்ஸ் நோட் 12 ப்ரோ மொபைல் போனில் பலவிதமான அம்சங்கள் உள்ளன. 6.7 அங்குல 2400×1080 பிக்சல் FHD+ AMOLED ஸ்கிரீன் உள்ளது. இது கார்னிங் கொரில்லா கிளாஸ் 3 மூலம் பாதுகாக்கப்படுகிறது, இந்த போனில் ஆக்டா கோர் மீடியாடெக் ஹீலியோ ஜி99 பிராசஸர் Arm மாலி-G57 MC2 உடன் பயன்படுத்தப்பட்டு இருக்கிறது. ஏற்கனவே குறிப்பிட்டது போல் இந்த ப்ராஸசரை பயன்படுத்தும் முதல் மொபைல் போன் இதுவாகும். 8 ஜிபி ரேம் மற்றும் 256 ஜிபி சேமிப்புத்திறனைக் கொண்டு இருக்கிறது. சேமிப்புத் திறனை அதிகரித்துக் கொள்ள micro SD வசதியும் வழங்கப்பட்டு இருக்கிறது.
இந்த இன்பினிக்ஸ் நோட் 12 ப்ரோ ஸ்மார்ட்போனில் இரட்டை சிம் ஸ்லாட் வசதி உள்ளது. இயங்குதளமாக ஆண்ட்ராய்டு 12 மேல் எக்ஸ் ஒஎஸ் 10.6 வழங்கப்பட்டு இருக்கிறது. கேமராவைப் பொருத்தவரை, பின்பக்கத்தில் 108MP பிரைமரி கேமரா, f/1.75, குவாட் எல்இடி பிளாஷ் 2MP டெப்த் சென்சாரும் வழங்கப் பட்டு இருக்கிறது. முன்பக்கத்தில் வீடியோ கால் பேசவும். புகைப்படம் எடுக்கவும் AI லென்ஸ் 16MP செல்ஃபி கேமரா வழங்கப்பட்டு இருக்கிறது. இதோடு, டூயல் எல்இடி பிளாஷ் பக்கவாட்டில் கைரேகை சென்சார் 3.5 எம்எம் ஆடியோ ஜாக், ஸ்டீரியோ ஸ்பீக்கர்கள், டிடிஎஸ் டூயல் 4ஜி வோல்ட்இ, வைபை, ப்ளூடூத் 5, யுஎஸ்பி டைப் சி போன்ற வசதிகள் இருக்கின்றன. கூடுதலாக இந்த இன்பினிக்ஸ் நோட் 12 ப்ரோ ஸ்மார்ட்போனில் 5000 mAh பேட்டரி 33 வாட் பாஸ்ட் சார்ஜிங் ஆதரவுடன் உள்ளது.
இன்பினிக்ஸ் நோட் 12 ப்ரோ ஸ்மார்ட்போன் ஆல்பைன் வைட், வொல்கானிக் கிரே மற்றும் டஸ்கனி புளூ நிறங்களில் கிடைக்கிறது. இந்த ஸ்மார்ட்போனின் விலை ரூ. 16,999 என நிர்ணயம் செய்யப்பட்டு உள்ளது. இதன் விற்பனை செப்டம்பர் 1 ஆம் தேதி (நாளை) துவங்குகிறது. அறிமுக சலுகையாக ரூ. 1500 வரை தள்ளுபடி மற்றும் 500 சூப்பர் காயின்கள் போன்றவை வழங்கப்படுகிறது.
