டிஸ்ப்ளே
Infinix Note 12i ஸ்மார்ட்போன் செப்டம்பர் 2022 இல் இந்தோனேசியாவில் அறிமுகம் செய்யப்பட்டது. அதன்படி இதன் அம்சங்கள் குறித்த விவரங்களை பார்க்கலாம். Infinix Note 12i 2022 ஸ்மார்ட்போனானது முழு HD+ தெளிவுத்திறனுடன் கூடிய 6.7 அங்குல அமோலெட் டிஸ்ப்ளேவைக் கொண்டிருக்கிறது. இந்த டிஸ்ப்ளே ஆனது 100% DCI-P3 கவரேஜ், 92% ஸ்க்ரீன் டூ பாடி விகிதம் உள்ளிட்ட பல்வேறு ஆதரவுகளைக் கொண்டிருக்கிறது.
சிப்செட்
Infinix Note 12i ஸ்மார்ட்போனானது ஆக்டோ கோர் மீடியாடெக் ஹீலியோ ஜி85 சிப்செட் மூலம் இயக்கப்படுகிறது. இந்த இன்ஃபினிக்ஸ் ஸ்மார்ட்போனானது வெப்பச் சிதறலுக்காக 3D 6-லேயர் கிராபெனின் குளிரூட்டும் அமைப்பைக் கொண்டிருக்கிறது.
மெமரி
இது 6 ஜிபி ரேம் மற்றும் 128 ஜிபி இன்டெர்னல் ஸ்டோரேஜ் ஆதரவை கொண்டுள்ளது. ஒரு மைக்ரோ எஸ்டி கார்ட் ஸ்லாட் மூலமாக 2டிபி வரை இதன் சேமிப்புத்திறனை விரிவாக்கம் செய்யலாம்.
கேமரா
Infinix Note 12i ஸ்மார்ட்போனின் பின்புறத்தில் 50 எம்பி பிரைமரி ஷுட்டர், 2 எம்பி டெப்த் சென்சார் மற்றும் ஏஐ சென்சார் என டிரிபிள் ரியர் கேமரா அமைப்பைக் கொண்டிருக்கிறது. டிஸ்ப்ளேயில் வாட்டர் டிராப் நாட்ச் வசதியுடன் 8 எம்பி செல்பி கேமரா பொருத்தப்பட்டிருக்கிறது.
இயங்குதளம்
இந்த ஸ்மார்ட்போன் ஆண்ட்ராய்டு 12 ஓஎஸ் அடிப்படையிலான XOS 10.6 ஸ்கின் மூலம் இயக்கப்படுகிறது.இதன் பாதுகாப்பு அம்சத்துக்கு என பக்கவாட்டில் கைரேகை ஸ்கேனர் பொருத்தப்பட்டிருக்கிறது.
கனெக்டிவிட்டி
3.5 மிமீ ஆடியோ ஜாக், 4ஜி VoLTE, ஸ்டீரியோ ஸ்பீக்கர்கள், DTS ஆடியோ, FM ரேடியோ மற்றும் USB டைப்-சி போர்ட் உள்ளிட்ட பல்வேறு இணைப்பு ஆதரவுகள் இருக்கிறது. 5000mAh பேட்டரி ஆதரவுடன் 33 வாட்ஸ் ஃபாஸ்ட் சார்ஜிங் வசதி இதில் இடம்பெற்றிருக்கிறது. இதுதான் தவறு! ரூ.10,000 விலையில் இந்தியாவுக்கு வரும் Infinix Note 12i.
விலை
Infinix Note 12i 2022 மொபைல் இந்தோனேசிய ரூபாய் மதிப்பில் 2,299,000 என நிர்ணயம் செய்யப்பட்டுள்ளது. அதாவது இதன் இந்திய விலை மதிப்பு ரூ.12,500 ஆகும். இது பட்ஜெட் விலை ஸ்மார்ட்போன் என்பதை கருத்தில் கொள்ள வேண்டும். இந்த ஸ்மார்ட்போனானது Force Black, Alpine White மற்றும் Metaverse Blue வண்ண விருப்பங்களில் வெளியாகி இருக்கிறது. இதே அம்சங்களுடன் இந்த ஸ்மார்ட்போன் இந்திய சந்தையில் அறிமுகம் செய்யப்படுமா என்பது தெளிவாகத் தெரியவில்லை. அப்படி அறிமுகம் செய்யப்படும் பட்சத்தில் ரூ.10,000 விலைப் பிரிவில் இந்த ஸ்மார்ட்போன் வெளியாகலாம்.
ஒரே ஒரு குறை
இதில் உள்ள குறை என்னவென்றால், இது ஒரு 4ஜி மொபைல். சமீபகாலமாக வெளியாகும் பட்ஜெட் விலை ஸ்மார்ட்போனில் கூட 5ஜி ஆதரவு இருக்கிறது என்பது குறிப்பிடத்தக்க விஷயம். வாடிக்கையாளர்களின் கவனம் 5ஜி ஸ்மார்ட்போன்கள் மீது இருக்கும் சமயத்தில் இந்த 4ஜி ஸ்மார்ட்போன் எவ்வளவு வரவேற்பு பெறும் என்பதை பொருத்திருந்து தான் பார்க்க வேண்டும்.