இன்பினிக்ஸ் (Infinix) நிறுவனம் இப்போது இந்திய ஸ்மார்ட்போன் சந்தையில் புதிதாக இன்பினிக்ஸ் ஸ்மார்ட் 7 (Infinix Smart 7) என்ற புதிய என்ட்ரி லெவல் ஸ்மார்ட்போனை அறிமுகப்படுத்தியுள்ளது . இந்த மொபைல் யூனிசாக் SC9863A1 சிப்செட் மூலம் இயக்கப்படுகிறது. இது Redmi A1, POCO C50 மற்றும் Tecno Pop 7 Pro போன்றவற்றுடன் நேரடியாக போட்டியிடுகிறது
சிறப்பம்சங்கள்
Infinix Smart 7 ஆனது தரமான டிஸ்பிளேவுடன், 6000mAh கொண்ட பெரிய பேட்டரி உடன், 13MP பின்புற கேமரா மற்றும் 5MP முன்பக்க கேமராவுடன் மலிவு விலையில் அறிமுகம் செய்யப்பட்டுள்ளது. பின்புறத்தில் பிங்கர் பிரிண்ட் ஸ்கேனரையும் கொண்டுள்ளது. Infinix இன் இந்த நுழைவு-நிலை ஸ்மார்ட்போனில் என்னென்ன அம்சங்கள் உள்ளது என்று இப்போது பார்க்கலாம்
டிஸ்ப்ளே
இது 6.6 அங்குல IPS LCD கொண்ட HD+ உடன் கூடிய 1612 × 720 பிக்சல் கொண்ட 60Hz ரெப்ரெஷ் ரேட் டிஸ்பிளேவை கொண்டுள்ளது. இது 500nits உச்ச பீக் பிரைட்டினஸ் உடன் வருகிறது. இந்த போனில் டிஸ்பிளே பேனல் ஒரு வாட்டர் டிராப் நாட்ச் உடன் வருகிறது.
சிப்செட்
இது Unisoc SC9863A1 சிப்செட் உடன் PowerVR GPU உள்ளது. இந்த மொபைல் ஆண்ட்ராய்டு 12 அடிப்படையாகக் கொண்ட XOS 12 இயங்குதளத்தில் இயங்குகிறது.
மெமரி
இந்த மொபைல் 4ஜிபி ரேம் மற்றும் 64ஜிபி இன்டெர்னல் ஸ்டோரேஜைக் கொண்டுள்ளது. இதுதவிர இந்த போனில் விர்ச்சுவல் ரேம் அம்சமும் உள்ளது, இதன் மூலம் உங்களுக்கு கூடுதலாக 3ஜிபி ரேம் கிடைக்கிறது. கூடுதலாக இதில் மைக்ரோ எஸ்டி கார்டு ஸ்லாட் உள்ளது. இதன் மூலம் இந்த மொபைலின் சேமிப்புத்திறனை ஒரு மைக்ரோ எஸ் டி கார்டை பயன்படுத்துவதன் மூலம் அதிகரித்துக்கொள்ள முடியும்.
கேமரா
இதன் பின்புறத்தில், 13MP பிரைமரி ஷூட்டர் மற்றும் 2MP செகண்டரி சென்சாரை உள்ளடக்கிய டூயல் கேமராக்கள் உள்ளன. கூடவே டூயல் எல்இடி ஃபிளாஷ் செட்டப்பும் இதில் இருக்கிறது. இதன் முன்பக்கத்தில், 5MP செல்ஃபி ஷூட்டர் மற்றும் எல்இடி ஃபிளாஷ் ஆகியவை இடம்பெறுகிறது.
பேட்டரி
இது 6000mAh பேட்டரியை பேக் செய்கிறது. இந்த விலைக்கு 6000mAh பேட்டரி வருவது மிகவும் லாபகரமான விஷயம். USB Type-C போர்ட் மூலம் 10W சார்ஜிங்கை ஆதரிக்கிறது. இது கைரேகை ஸ்கேனரை கொண்டுள்ளது மற்றும் ஃபேஸ் அன்லாக்கை ஆதரிக்கிறது.
கனெக்டிவிட்டி
Infinix Smart 7 ஆனது Azure Blue, Emerald Green மற்றும் Night Black ஆகிய மூன்று வண்ணங்களில் வருகிறது. இந்த ஸ்மார்ட்போனின் இணைப்பு விருப்பங்களில் டூயல் சிம், 4ஜி, வைஃபை 802.11 பி/ஜி/என், புளூடூத் 4.2, ஜிபிஎஸ், க்ளோனாஸ் மற்றும் பெய்டூ ஆகியவை அடங்கும்.
விலை
Infinix Smart 7 ஸ்மார்ட்போனின் 4ஜிபி ரேம் + 64ஜிபி வேரியண்ட் மாடல் ரூ.7,299 விலையில் விற்பனைக்கு வர இருக்கிறது. இந்த மொபைலை பிப்ரவரி 27 முதல், ஃப்ளிப்கார்ட் இணையதளம் வழியாக வாங்க முடியும்.