சலுகை விலையில் ஐபோன் 12 அல்லது ஐபோன் 13ஐ வாங்க முடிவெடுத்து இருக்கிறீர்களா? உங்களுக்கு அதே பட்ஜெட்டில் புதிய லேட்டஸ்ட் ஐபோனே கிடைக்க இருக்கிறது. ஏனெனில், 6.1 அங்குல அளவிலான ஒரு புதிய iPhone விரைவில் வெளிவர இருக்கிறது. அதுவும் ரூ.30,000 என்கிற பட்ஜெட் விலையில்!
iPhone SE 4
கடந்த மாதம், ஆப்பிள் நிறுவனத்தின் லேட்டஸ்ட் ஐபோன் மாடல்களாக ஐபோன் 14 சீரீஸ் அறிமுகமானது. இதற்கிடையில், ஆப்பிள் நிறுவனம் கூடிய விரைவில் அதன் ஐபோன் எஸ்இ 4 (iPhone SE 4) மாடலை அறிமுகப்படுத்த தயாராகி வருவதாக கூறப்படுகிறது.
அறிமுகம்
ஐபோன் எஸ்இ 4 குறித்து, எந்த விதமான அதிகாரப்பூர்வமான அறிவிப்பும் வெளியாகவில்லை. அதுவொரு பக்கம் இருக்க, ஐபோன் எஸ்இ 4 ஆனது இந்த மாதமே, அதாவது 2022 அக்டோபர் 31 ஆம் தேதியன்று அறிமுகம் செய்யப்படலாம் என்கிற தகவல் வெளியாகி உள்ளது.
அம்சங்கள் & விலை
ஐபோன் எஸ்இ 4 ஆனது என்னென்ன அம்சங்கள் இருக்கும்? என்ன விலைக்கு கிடைக்கும்? என்கிற லீக்ஸ் தகவல்கள் தொடர்ச்சியாக வெளியானபடி இருக்கிறது. அதன்படி, அடுத்த தலைமுறை iPhone SE மாடல் ஆனது 6.1 அங்குல அளவிலான எல்சிடி டிஸ்ப்ளேவைக் கொண்டு இருக்கும்.
வடிவமைப்பு
ஐபோன் எஸ்இ4 மாடலின் டிஸ்பிளேவின் மேற்புறத்தில் நாட்ச் கட்அவுட் இடம்பெறலாம் என்றும் கூறப்படுகிறது. அதாவது ஐபோன் எஸ்இ 4 ஆனது ஐபோன் எக்ஸ்ஆரின் வடிவமைப்பை பின்பற்றலாம் என்பது போல் தெரிகிறது. ஆப்பிள் இதுவரை அதன் பட்ஜெட் ஐபோன் சீரிஸான எஸ்இ சீரிஸின் கீழ் மொத்தம் 3 மாடல்களை அறிமுகப்படுத்தி உள்ளது. கடைசியாக இந்த ஆண்டு மார்ச் மாதம், ஐபோன் எஸ்இ-யின் மூன்றாம் தலைமுறை மாடலான ஐபோன் எஸ்இ (2022) அறிமுகம் செய்யப்பட்டது. அதன் விலை ரூ.43,900 ஆகும்!
ஆனால், வர இருக்கும் ஐபோன் எஸ்இ 4 ஆனது ரூ.33,674 க்கு அறிமுகம் செய்யப்படலாம். ஆனால் இந்த விலை நிர்ணயம் எந்த அளவிற்கு உண்மையானதாக இருக்குமென்று தெரியவில்லை. ஆனால் இது பெரும்பாலும் ஒரு 5ஜி போனாகவே வெளியாகும். மேலும் பட்ஜெட் விலை நிர்ணயத்தின் காரணமாக இந்த மாடலில் ஃபேஸ் ஐடி இடம்பெறாமல் போகலாம்!
iPhone SE (2022) ஆனது 4.7 அங்குலம் என்கிற சிறிய அளவிலான டிஸ்பிளேவையே வழங்குகிறது. அதுவொரு ரெடினா எச்டி டிஸ்ப்ளே ஆகும். பார்க்க ஐபோன் 8-ஐ போலவே இருக்கும் 2022 மாடல் ஆனது ஆப்பிளின் A15 Bionic சிப்செட் மூலம இயக்கப்படுகிறது.
ஐபோன் எஸ்இ 2022 மாடல் ஆனது சிங்கிள் 12 மெகாபிக்சல் ரியர் கேமராவை கொண்டுள்ளது. செல்ஃபிகள் மற்றும் வீடியோ கால்களுக்காக முன்பக்கத்தில் 7 மெகாபிக்சல் கேமரா வழங்கப்பட்டுள்ளது. 256GB வரையிலான ஸ்டோரேஜை வழங்கும் இந்த மாடலில் பேஸ் ஐடி அம்சமும் வழங்கப்பட்டுள்ளது குறிப்பிடத்தக்கது.