ஐகூ (iQOO) நிறுவனம் அதன் 10 சீரிஸ் ஸ்மார்ட்போன்களை சீனாவில் அறிமுகம் செய்து இருக்கிறது. அதன்படி ஐகூ 10 (iQOO 10) மற்றும் ஐகூ 10 ப்ரோ ஆகிய மாடல்கள் ஐகூ 10 சீரிஸில் இடம்பெற்று உள்ளது.
ஐகூ 10-ல் 120Hz refresh rate உடன் கூடிய 6.78 அங்குல Full HD+ AMOLED திரையும், ஐகூ 10 ப்ரோவில் 6.78 அங்குல Quad HD+ curved E5 LTPO AMOLED திரையும் இடம்பெற்று இருக்கிறது. இந்த இரண்டு மாடல்களும் Snapdragon 8+ Gen 1 புராசஸரை கொண்டுள்ளது.
கேமராவை பொறுத்தவரை ஐகூ 9-ல் இருந்த அதே கேமரா செட் அப் ஐகூ 10 மாடலில் இடம்பெற்று உள்ளது. ஆனால் ஐகூ 10 ப்ரோ மாடலில் ஜி.என்.5 சென்சார் உடன் கூடிய 50 மெகாபிக்சல் முதன்மை கேமராவும், 50 மெகாபிக்சல் அல்ட்ரா ஒயிடு ஆங்கிள் கேமராவும், 14.6 மெகாபிக்சல் டெலிபோட்டோ கேமராவும் இடம்பெற்று உள்ளது.
10 ப்ரோ மாடலில் 200W fast charging சார்ஜிங் வசதி வழங்கப்பட்டு உள்ளது. இதன்மூலம் உலகின் அதிவேக சார்ஜிங் திறன் கொண்ட ஸ்மார்ட்போனாக இது விளங்குகிறது. ஐகூ 10 ப்ரோ மாடலில் மட்டுமே 200W பாஸ்ட் சார்ஜிங் வசதி வழங்கப்பட்டிருக்கும் நிலையில், ஐகூ 10 மாடலில் 120W பாஸ்ட் சார்ஜிங் வசதி மட்டுமே வழங்கப்பட்டு இருக்கிறது. இதன்மூலம் ஐகூ 10 ப்ரோ ஸ்மார்ட்போனை 10 நிமிடங்களில் 100 சதவீதம் சார்ஜ் செய்ய முடியும் என்றும், அதேபோல் 120 வாட் பாஸ்ட் சார்ஜிங் வசதி கொண்ட ஐகூ 10 ஸ்மார்ட்போனை 19 நிமிடங்களில் 100 சதவீதம் சார்ஜ் செய்ய முடியும் என்றும் தெரிவிக்கப்பட்டு இருக்கிறது.
ஐகூ 10 மாடலில் 8GB + 128GB சேமிப்புத்திறன் கொண்ட மாடலின் விலை இந்திய மதிப்புப் படி ரூ.43,825 எனவும், அதன் 12GB + 512 GB சேமிப்புத்திறன் கொண்ட மாடலின் விலை ரூ. 55,645 ஆகவும் நிர்ணயம் செய்யப்பட்டு உள்ளது. அதேபோல் ஐகூ 10 ப்ரோ மாடலின் 8GB + 256GB சேமிப்புத்திறன் கொண்ட மாடலின் ரூ.59,225 எனவும், 12GB + 512 GB சேமிப்புத்திறன் கொண்ட மாடலின் விலை ரூ. 71,550 எனவும் நிர்ணயம் செய்யப்பட்டு உள்ளது.
