இந்தியாவில் சாம்சங் ஸ்மார்ட்போன்களுக்கென பெரிய அளவிலான ரசிகர் கூட்டம் இருக்கிறது. இதனால், புதிய Samsung மொபைல் போன்களின் அறிமுகங்கள் மட்டுமின்றி, சாம்சங் போன்களின் மீது அறிவிக்கப்படும் விலைக்குறைப்புகள், வங்கி சலுகைகள் மற்றும் இ-காமர்ஸ் ஆபர்களை பற்றியும் கூற வேண்டி உள்ளது.
அந்த வகையில் Samsung Galaxy S21 FE மாடல் போனுக்கு ரூ5000 தள்ளுபடி வழங்கப்பட்டுள்ளது. இது இந்த ஆண்டில் அறிமுகப்படுத்தப்பட்ட நிறுவனத்தின் முதல் பிளாக்ஷிப் ஸ்மார்ட்போன் ஆகும். இது கடந்த 2021 ஆம் ஆண்டு மார்ச் மாதத்தில் அறிமுகப்படுத்தப்பட்ட கேலக்ஸி எஸ்21 சீரிஸின் ஃபேன் எடிஷன் (Fan Edition) ஸ்மார்ட்போன் ஆகும். மற்ற ஃபிளாக்ஷிப் ஃபேன் எடிஷன் போன்களைப் போலவே, Samsung Galaxy S21 FE மாடலும், வெண்ணிலா வேரியண்ட் ஆன சாம்சங் கேலக்ஸி எஸ்21-ஐ விட அதிக சக்திவாய்ந்த அம்சங்களை பேக் செய்கிறது.
ஒருவேளை நீங்கள் ஒரு புதிய Galaxy S21 ஸ்மார்ட்போனின் ஃபேன் எடிஷன் ஸ்மார்ட்போனை வாங்க இருக்கிறீர்கள் என்றால் ரூ.5,000 என்கிற விலைக்குறைப்பு கிடைக்கும். இந்த குறிப்பிட்ட விலைக்குறைப்பானது S21 FE ஸ்மார்ட்போனின் இரண்டு ஸ்டோரேஜ் வகைகளின் மீதும் கிடைக்கிறது.
Samsung கேலக்ஸி எஸ்21 FE மொபைல் இரண்டு ஸ்டோரேஜ் ஆப்ஷன்களின் கீழ் அறிமுகமானது – ஒன்று 8GB + 128GB, மற்றொன்று 8GB + 256GB. இதன் அசல் விலைகள் முறையே ரூ.54,999 மற்றும் ரூ.58,999 ஆகும் தற்போது இந்த இரண்டு ஸ்டோரேஜ் ஆப்ஷன்களுமே ரூ.5,000 என்கிற விலைக்குறைப்பை பெற்றுள்ளன. ஆக வாடிக்கையாளர்கள் இப்போது 128 ஜிபி வேரியண்ட்டை ரூ.49,999 க்கும் மற்றும் 256 ஜிபி ஆப்ஷனை ரூ.53,999 க்கும் வாங்கலாம்.
சாம்சங் கேலக்ஸி S21 FE ஸ்மார்ட்போனின் இந்த புதிய விலையில் சாம்சங் நிறுவனத்தின் அதிகாரப்பூர்வ இணையதளத்திலும், பிரபல இகாமர்ஸ் வலைத்தளமான அமேசானிலும் கிடைக்கிறது. அமேசானில் கூடுதலாக எக்ஸ்சேஞ்ச் ஆபரும் கிடைக்கும். அதன் கீழ் தகுதியான ஸ்மார்ட்போன்களை எக்ஸ்சேன்ஜ் செய்யும் போது, உங்களால் சாம்சங் கேலக்ஸி S21 FE-ஐ ரூ.12,500 முதல் வாங்க முடியும்.
விலைக்குறைப்பு மற்றும் எக்ஸ்சேன்ஜ் தள்ளுபடிகளை தவிர்த்து, அமேசான் மற்றும் சாம்சங்கின் சொந்த இணையதளம் ஆகிய இரண்டிலுமே சில வங்கி சலுகைகளும் அணுக கிடைக்கிறது. HDFC வங்கியின் டெபிட் மற்றும் கிரெடிட் கார்டுகளுக்கு சாம்சங் நிறுவனம் கூடுதலாக ரூ.2,000 என்கிற தள்ளுபடியை வழங்குகிறது. மேலும் இந்த சாம்சங் ஸ்மார்ட்போன் மீது நோ காஸ்ட் இஎம்ஐ (No cost EMI) விருப்பங்களும் அணுக கிடைக்கிறது அமேசான் வலைத்தளத்தை போலவே சாம்சங் நிறுவனமும், இந்த ஸ்மார்ட்போனின் மீதான எக்ஸ்சேஞ்ச் சலுகையை வழங்குகிறது, இதன் கீழ் வாடிக்கையாளர்கள் ரூ.12,599 முதல் என்கிற விலைக்கு கேலக்ஸி எஸ் 21 எஃப்-ஐ வாங்க முடியும். Samsung Galaxy S21 FE ஆனது ஆலிவ், கிராஃபைட், லாவெண்டர் மற்றும் ஒயிட் என்கிற 4 நிறத் தேர்வுகளில் கிடைக்கிறது.
சாம்சங் Galaxy S21 FE ஆனது 6.4-அங்குல அளவிலான FHD+ டைனமிக் AMOLED 2X டிஸ்ப்ளேவுடன் வருகிறது. இது 120Hz ரெஃப்ரெஷ் ரேட், கேம் மோட்-இல் 240Hz டச் சாம்ப்ளிங் ரேட் (touch sampling rate), AI அடிப்படையிலான ப்ளூ லைட் கண்ட்ரோல் உடனான Eye Comfort Shield போன்ற அம்சங்களும் இருக்கின்றன.
இந்த ஸ்மார்ட்போன் Qualcomm Snapdragon 888 Octa-core ப்ராசஸர் மூலம் இயக்கப்படுகிறது. மேலும் இது 4,500mAh பேட்டரி மூலம் சக்தியூட்டப்படுகிறது. இது 25W வயர்டு சார்ஜிங் மற்றும் 15W வயர்லெஸ் சார்ஜிங்கை ஆதரிக்கிறது. இந்த ஸ்மார்ட்போன் வயர்லெஸ் பவர்ஷேரையும் ஆதரிக்கிறது; ஆனால் அதற்கான சார்ஜர் தனியாக விற்கப்படுகிறது.
கேமராக்களை பொறுத்தவரை, சாம்சங் கேலக்ஸி எஸ்21 எஃப்இ ஆனது f/2.2 மற்றும் 123˚ ஃபீல்ட் ஆஃப் வியூ கொண்ட 12MP அல்ட்ரா-வைட் கேமரா + f/1.8 உடனான 12MP வைட் அங்கிள் கேமரா + 30x ஸ்பேஸ் ஜூம் மற்றும் f/2.4 உடனான 8MP டெலிஃபோட்டோ கேமரா என்கிற ட்ரிபிள் ரியர் கேமராக்களைக் கொண்டு இருக்கிறது. முன்பக்கத்தில், f/2.2 உடனான 32MP செல்ஃபி கேமரா உள்ளது. மேலும் இந்த ஸ்மார்ட்போன் ஆண்ட்ராய்டு 12 ஓஎஸ் அடிப்படையிலான One UI 4 மூலம் இயங்குகிறது. ஆப்டிகல் ஃபிங்கர் பிரிண்ட் சென்சார் உடன் வரும் இது IP68 மதிப்பீட்டையும் கொண்டுள்ளது. இதன்மூலம் இது 5 அடி நீர் ஆழத்தில் சுமார் 30 நிமிடங்கள் வரை தாக்குப்பிடிக்கும்!