இந்தியாவில் 5ஜி சேவை அறிமுகம் செய்யப்பட்டதைத் தொடர்ந்து பல நிறுவனங்கள் சிறந்த 5ஜி ஸ்மார்ட்போன்களை அறிமுகம் செய்து வருகின்றன. அதேபோல் சில செல்போன் நிறுவனங்கள் சற்று உயர்வான விலையில் விற்பனை செய்யப்பட்ட 5ஜி போன்களின் விலையை குறைத்து பட்ஜெட் விலையில் விற்பனை செய்யத் தொடங்கிவிட்டன. இந்நிலையில், பட்ஜெட் விலையில் பாஸ்ட் சார்ஜிங் வசதியுடன் கிடைக்கும் அசத்தலான ஐந்து 5ஜி ஸ்மார்ட்போன்களைப் பற்றி இப்போது பார்க்கலாம்.
போக்கோ எம்4 ப்ரோ 5ஜி | 33W
போக்கோ எம்4 ப்ரோ 5ஜி ஸ்மார்ட்போனை ரூ.12,499-விலையில் வாங்க முடியும். குறிப்பாக இந்த ஸ்மார்ட்போன் 33 வாட்ஸ் பாஸ்ட் சார்ஜிங் வசதியுடன் வெளிவந்துள்ளது. அதேபோல் இந்த போன் மீடியாடெக் Dimensity 810 சிப்செட் வசதி, 50எம்பி டூயல் ரியர் கேமரா, 16எம்பி செல்ஃபி கேமரா, 5000 எம்ஏஎச் பேட்டரி, 6.6 அங்குல ஃபுல் எச்டி பிளஸ் டிஸ்பிளே வசதியுடன் இந்த ஸ்மார்ட்போன் வெளிவந்துள்ளது. பட்ஜெட் விலையில் கிட்டத்தட்ட அனைத்து அம்சங்களையும் வழங்குகிறது இந்த போக்கோ ஸ்மார்ட்போன்.
சாம்சங் கேலக்ஸி எம்23 5ஜி | 25W
6ஜிபி ரேம் மற்றும் 128ஜிபி ஸ்டோரேஜ் கொண்ட சாம்சங் கேலக்ஸி எம்23 5ஜி ஸ்மார்ட்போனை ரூ.15,390-விலையில் வாங்க முடியும். இந்த சாம்சங் போன் 25 வாட்ஸ் பாஸ்ட் சார்ஜிங் ஆதரவுடன் வெளிவந்துள்ளது. மேலும் குவால்காம் ஸ்னாப்டிராகன் 750ஜி சிப்செட்,50எம்பி ட்ரிபிள் ரியர் கேமரா, 8எம்பி செல்ஃபி கேமரா, 6.6 அங்குல டிஸ்பிளே, 5000 எம்ஏஎச் பேட்டரி உள்ளிட்ட பல சிறப்பு அம்சங்களுடன் இந்த சாம்சங் ஸ்மார்ட்போன் வெளிவந்துள்ளது. அதேபோல் இந்த ஸ்மார்ட்போனில் மெமரி கார்டை பயன்படுத்த ஒரு மைக்ரோ எஸ்டி கார்டு ஸ்லாட் ஆதரவும் உள்ளது.
ரெட்மி நோட் 11டி 5ஜி | 33W
6ஜிபி ரேம் மற்றும் 128ஜிபி ஸ்டோரேஜ் கொண்ட ரெட்மி நோட் 11டி 5ஜி ஸ்மார்ட்போனை ரூ.16,999-விலையில் வாங்க முடியும். இந்த ரெட்மி போன் 33 வாட்ஸ் பாஸ்ட் சார்ஜிங் வசதியுடன் வெளிவந்துள்ளது. எனவே விரைவில் சார்ஜ் செய்துவிட முடியும். அதேபோல் 50எம்பி டூயல் ரியர் கேமரா, 8எம்பி செல்ஃபி கேமரா, ஆக்டோ-கோர் மீடியாடெக் Dimensity 810 சிப்செட், 5000 எம்ஏஎச் பேட்டரி, கைரேகை ஸ்கேனர், 6.6 அங்குல ஃபுல் எச்டி பிளஸ் டிஸ்பிளே வசதியைக் கொண்டுள்ளது இந்த ரெட்மி நோட் 11டி 5ஜி ஸ்மார்ட்போன்.
ரியல்மி narzo 50 5ஜி | 33W
4ஜிபி ரேம் மற்றும் 64ஜிபி ஸ்டோரேஜ் கொண்ட ரியல்மி narzo 50 5ஜி ஸ்மார்ட்போனை ரூ.15,999-விலையில் வாங்க முடியும். குறிப்பாக இந்த ரியல்மி போன் 33 வாட்ஸ் பாஸ்ட் சார்ஜிங் வசதியுடன் வெளிவந்துள்ளது. 48எம்பி டூயல் ரியர் கேமரா, 8எம்பி செல்ஃபி கேமரா, 5000 எம்ஏஎச் பேட்டரி, 6.6-அங்குல ஃபுல் எச்டி பிளஸ் டிஸ்பிளே, மீடியாடெக் Dimensity 810 சிப்செட் உள்ளிட்ட பல சிறப்பு அம்சங்களை இந்த ரியல்மி ஸ்மார்ட்போன் கொண்டுள்ளது.
iQOO Z6 | 44W
6ஜிபி ரேம் மற்றும் 128ஜிபி ஸ்டோரேஜ் கொண்ட iQOO Z6 ஸ்மார்ட்போன் மாடலை ரூ.15,999-விலையில் வாங்க முடியும். குறிப்பாக இந்த ஸ்மார்ட்போன் 44 வாட்ஸ் பாஸ்ட் சார்ஜிங் ஆதரவைக் கொண்டுள்ளது. பின்பு 5000 எம்ஏஎச் பேட்டரி, 6.44 அங்குல ஃபுல் எச்டி பிளஸ் டிஸ்பிளே, 50எம்பி ரியர் கேமரா, இன்-டிஸ்பிளே கைரேகை ஸ்கேனர், ஆக்டோ-கோர் ஸ்னாப்டிராகன் 680 சிப்செட் உள்ளிட்ட பல சிறப்பு அம்சங்களுடன் இந்த iQOO Z6 ஸ்மார்ட்போன் வெளிவந்துள்ளது.
5ஜி சேவைக்கு தகுந்தபடி அருமையான பேட்டரி மற்றும் பாஸ்ட் சார்ஜிங் அம்சங்களுடன் பட்ஜெட் விலையில் ஸ்மார்ட்போன்களை வாங்க நினைக்கும் பயனர்களுக்கு இந்த 5 ஸ்மார்ட்போன்கள் மிகவும் பயனுள்ள வகையில் இருக்கும்..
