நீங்கள் எதிர்பார்ப்பது பட்ஜெட் விலையில் ஒரு மொபைல் என்றால், நிச்சயம் இந்த ஸ்மார்ட்போன் உங்களுக்கானது தான். அது Moto G32 ஸ்மார்ட்போன் ஆகும்.
இதில் இன்னொரு சுவாரசியம் என்னவென்றால், மோட்டோ ஜி32 மாடலை தொடர்ந்து, மோட்டோரோலா நிறுவனத்தின் புதிய 5G ஸ்மார்ட்போனாக Moto G62 மொபைலும் இந்தியாவில் அறிமுகமாகிறது. அதுவும் கூட பட்ஜெட் விலையில் தான் அறிமுகம் ஆகிறது.
அறிமுகம் எப்போது?
இந்தியாவில், மோட்டோரோலா நிறுவனம் தனது ஜி-சீரிஸின் கீழ் 2 புதிய ஸ்மார்ட்போன்களை வெளியிட தயாராக உள்ளது. ஆனால் இந்த ஸ்மார்ட்போன்கள் ஒரே நாளில் அறிமுகம் ஆகாது; மாறாக தனித்தனியாக இந்தியாவில் அறிமுகம் செய்யப்பட உள்ளன. அதாவது மோட்டோ ஜி32 ஆனது ஆகஸ்ட் 9 ஆம் தேதி அறிமுகமாகும். மோட்டோ ஜி62 5ஜி ஆனது ஆகஸ்ட் 11 ஆம் தேதி வெளியாகும்.
லெனோவாவுக்கு சொந்தமான இந்நிறுவனம் மோட்டோ ஜி32 ஸ்மார்ட்போனின் இந்திய அறிமுகத்தோடு, அது ஒரு பட்ஜெட் ஸ்மார்ட்போனாக இருக்கும் என்பதையும் உறுதி செய்துள்ளது. மை ஸ்மார்ட் ப்ரைஸ் (my smart price) உடன் இணைந்து டிப்ஸ்டர் யோகேஷ் பிரார் வெளியிட்டுள்ள தகவலின்படி, ஆகஸ்ட் 9 இல் அறிமுகமாகும் Moto G32 ஸ்மார்ட்போனின் விலை ரூ.11,000 முதல் ரூ.13,000 க்குள் இருக்கும்.
இந்த மோட்டோ ஜி32 ஸ்மார்ட்போனை Flipkart வழியாக வாங்க முடியும். இதில் 4GB RAM, 64GB அளவிலான சேமிப்புத்திறனும் இருக்கலாம். இதன் சேமிப்புத்திறனை மைக்ரோ எஸ்டி கார்டை பயன்படுத்தி 1 டிபி வரை நீட்டிக்க முடியும். இது தவிர்த்து Moto G32 ஆனது சாடின் சில்வர் (satin silver) மற்றும் மினரல் கிரே (mineral gray) என்கிற 2 நிறத் தேர்வுகளில் வரும் என்றும் எதிர்பார்க்கப்படுகிறது.
மோட்டோ ஜி32வில் இருக்கும் அம்சங்கள்
Moto G32 ஆனது 6.5 அங்குல LCD டிஸ்ப்ளேவைக் கொண்டிருக்கும். இது 90 ஹெர்ட்ஸ் ரெஃப்ரெஷ் ரேட் (refresh rate) மற்றும் Full HD plus ரெசல்யூஷனை வழங்கும். இதன் டிஸ்பிளேவில் செல்ஃபி கேமராவிற்கான பஞ்ச்-ஹோல் கட்அவுட்டும் இடம்பெறும். மோட்டோரோலோவின் இந்த பட்ஜெட் ஸ்மார்ட்போன் Qualcomm Snapdragon 680 சிப்செட் உடன் வரும்.
கேமரா, இயங்குதளம், பேட்டரி?
மொபைலின் பின்பக்கம் 50MP + 118-டிகிரி FOV லென்ஸுடன் 8MP அல்ட்ரா-வைட் சென்சார் + 2MP மேக்ரோ கேமரா என்கிற ட்ரிபிள் கேமரா செட்டப்பைக் கொண்டிருக்கிறது. முன்பக்கத்தை பொறுத்தவரை, 16MP செல்ஃபி கேமரா இருக்கும். ஆண்ட்ராய்டு 12 அடிப்படையிலான UI கொண்டு இயங்கும் Moto G32 ஆனது 5,000mAh பேட்டரி மூலம் சக்தியூட்டப்படுகிறது. இது 30W fast charging-ஐ கொண்டிருக்கிறது.
Moto G62 5G விலை என்ன?
முன்னரே குறிப்பிட்டபடி, இந்தியாவில் ஆகஸ்ட் 9 ஆம் தேதி, மோட்டோ ஜி32 ஸ்மார்ட்போன், ரூ15,000 என்கிற பட்ஜெட்டை ஒட்டி அறிமுகமாகும். பின்னர், ஆகஸ்ட் 11 ஆம் தேதியன்று அறிமுகமாகும் மோட்டோ ஜி62 5ஜி ஸ்மார்ட்போன் அதிகபட்சமாக ரூ.17,000 வரை செல்லலாம் என்றும் கூறப்படுகிறது.
மோட்டோ G62 5G ஆனது இந்த ஆண்டின் தொடக்கத்தில் Snapdragon 480+ SoC உடன் அறிமுகப்படுத்தப்பட்டது. ஆனால் இந்தியாவில் இது சற்றே சக்தி வாய்ந்த ஸ்னாப்டிராகன் 695 மூலம் இயக்கப்படலாம். இந்த ஸ்மார்ட்போனின் பின்புறத்தில் ட்ரிபிள் ரியர் கேமரா செட்டப் இருக்கிறது. அதில் 50MP முதன்மை கேமரா + 8எம்பி அல்ட்ராவைடு கேமரா (இது டெப்த் சென்சார் ஆகவும் செயல்படும்) + 2எம்பி மேக்ரோ சென்சார் உள்ளது. இந்த 5ஜி ஸ்மார்ட்போன் 20W ஃபாஸ்ட் சார்ஜிங் ஆதரவுடனான 5000mAh பேட்டரியை கொண்டிருக்கிறது. மேலும் இது 120Hz ரெஃப்ரெஷ் ரேட் உடனான 6.5-அங்குல LCD டிஸ்பிளேவையும் கொண்டுள்ளது.
