புதிய Moto E22s ஸ்மார்ட்போன் ஒரு என்ட்ரி லெவல் ஸ்மார்ட்போன் மாடலாக ஐரோப்பா சந்தையில் அறிமுகம் செய்யப்பட்டுள்ளது. குறைந்த விலையில் சிறந்த அம்சங்களுடன் இந்த சாதனம் அறிமுகம் செய்யப்பட்டுள்ளதால் பெரும் எதிர்பார்ப்பை உருவாக்கியுள்ளது. விரைவில் இந்த மோட்டோரோலா போன் இந்தியாவிலும் அறிமுகம் செய்யப்பட இருக்கிறது.
E சீரிஸ் வரிசையில் புது வரவு
Motorola இந்த ஆண்டின் தொடக்கத்தில் இந்தியாவில் Moto E32s என்ற மாடலை இதே E சீரிஸ் வரிசையில் அறிமுகப்படுத்தியது. இது மோட்டோரோலாவின் E சீரிஸ் வரிசையில் சேரும் புதிய மொபைல் ஆகும். இது 16MP பிரைமரி கேமரா, MediaTek Helio G37 சிப்செட், 6.5 அங்குல IPS LCD டிஸ்பிளே மற்றும் 5,000mAh பேட்டரி உடன் வருகிறது. இது பேஸ் அன்லாக், பவர் பட்டனோடு ஒருங்கிணைந்த பிங்கர் பிரிண்ட் ஸ்கேனர் உடன் வருகிறது.
சிறப்பம்சம்
Moto E22s ஸ்மார்ட்போன் HD+ தரத்துடன் 6.5 அங்குல IPS LCD டிஸ்பிளேவைக் கொண்டுள்ளது. இந்த டிஸ்பிளே பஞ்ச் ஹோல் கட் அவுட் உடன் வருகிறது. இந்த டிஸ்பிளே 90Hz ரெஃப்ரெஷ் ரேட்-ஐ கொண்டு இருக்கிறது. இது ஒரு என்ட்ரி லெவல் ஸ்மார்ட்போன் என்பதனால் இதில் ஆக்டா கோர் MediaTek Helio G37 சிப்செட் வழங்கப்பட்டுள்ளது. இது புதிய ஆண்ட்ராய்டு 12 இயங்குதளத்தில் இயங்குகிறது என்பது கவனிக்கத்தக்கது.
சேமிப்புத்திறன் மற்றும் கேமரா
இந்த புதிய மோட்டோ E22s சாதனம் 4GB ரேம் கொண்டுள்ளது. Moto E22s சாதனம் 64GB ஸ்டோரேஜ் உடன் வருகிறது. இருப்பினும், உங்களுக்கு ஸ்டோரேஜ் பற்றிய கவலையே வேண்டாம், ஏனெனில் இது மைக்ரோ SD கார்டு மூலம் 1TB வரை கூடுதல் ஸ்டோரேஜை ஆதரிக்கிறது. இது 16MP பிரைமரி சென்சார் உடன் 2MP டெப்த் சென்சர் உடன் கூடிய டூயல் ரியர் கேமராவை கொண்டுள்ளது. செல்பி மற்றும் வீடியோ காலிங்கிற்காக 8MP சென்சார் வழங்கப்பட்டுள்ளது.
பேட்டரி
இது 5,000mAh பேட்டரி மற்றும் 10W சார்ஜிங் உடன் வருகிறது. பயோமெட்ரிக் பாதுகாப்பிற்காக, போனில் பிங்கர் பிரிண்ட் ஸ்கேனர் மற்றும் பேஸ் அன்லாக் அம்சமும் இதில் உள்ளது. இப்போது, இந்த புதிய ஸ்மார்ட்போன் ஐரோப்பிய சந்தையில் என்ன விலையில் அறிமுகம் செய்யப்பட்டுள்ளது என்பதைப் பார்க்கலாம். அதே சமயம் இந்தியாவில் இந்த புதிய ஸ்மார்ட்போன் சாதனத்தை நாம் என்ன விலையில் வாங்கலாம் என்பதையும் தெரிந்துகொள்ளலாம்.
Moto E22s ஸ்மார்ட்போனின் விலை என்ன? இந்தியாவில் எப்போது இதை எதிர்பார்க்கலாம்?
மோட்டோரோலா அறிவிப்பின் படி, மோட்டோ E22s சாதனம் ஒற்றை வேரியண்ட் மாடலாக 4ஜிபி ரேம் + 64ஜிபி ஸ்டோரேஜ் உடன் வருகிறது. இதன் விலை EUR 159.99 ஆகும். இந்திய மதிப்பின்படி இது தோராயமாக ரூ. 12,700 விலையாகும். இது ஆர்க்டிக் ப்ளூ (ortic blue) மற்றும் ஈகோ பிளாக் (eco black) ஆகிய இரண்டு நிறத் தேர்வுகளில் கிடைக்கும். இந்தியாவிற்கு இந்த போன் விரைவில் வரும் என்று எதிர்பார்க்கப்படுகிறது.