இன்பினிக்ஸ் நிறுவனம் புதிய Infinix Hot 20 Play எனும் ஸ்மார்ட்போனை இந்தியாவில் அறிமுகம் செய்துள்ளது. இந்த போன் தற்போது அறிமுகம் மட்டுமே செய்யப்பட்டுள்ளது. விரைவில் இதன் விலை மற்றும் விற்பனை தேதி அறிவிக்கப்படும் என்று தகவல் தெரிவிக்கப்பட்டுள்ளது.
டிஸ்பிளே
இன்பினிக்ஸ் ஹாட் 20 பிளே ஸ்மார்ட்போன் ஆனது 6.82 அங்குல எச்டி பிளஸ் எல்சிடி டிஸ்பிளே வசதியுடன் வெளிவந்துள்ளது. பெரிய டிஸ்பிளே என்பதால் பயன்படுத்த அருமையாக இருக்கும். மேலும் 720×1640பிக்சல்ஸ், 90 ஹெர்ட்ஸ் ரெஃப்ரெஷ் ரேட் மற்றும் சிறந்த பாதுகாப்பு வசதியுடன் வெளிவந்துள்ளது. இன்ஃபினிக்ஸ் நிறுவனம் இந்த போனின் வடிவமைப்புக்கு அதிக கவனம் செலுத்தியுள்ளது.
ஆண்ட்ராய்டு 12
இன்பினிக்ஸ் ஹாட் 20 பிளே ஸ்மார்ட்போனில் மீடியாடெக் ஹீலியோ ஜி37 சிப்செட் வசதி உள்ளது. எனவே இந்த போன் இயக்குவதற்கு மிகவும் அருமையாக இருக்கும். மேலும் ஆண்ட்ராய்டு 12 இயங்குதளத்தை கொண்டு வெளிவந்துள்ளது. அதேபோல் இந்த போனுக்கு ஆண்ட்ராய்டு அப்டேட் கிடைக்கும் என்று தெரிவிக்கப்பட்டுள்ளது.
கேமரா
இன்பினிக்ஸ் ஹாட் 20 பிளே ஸ்மார்ட்போன் ஆனது 13எம்பி முதன்மை கேமரா + ஏஐ லென்ஸ் என்கிற டூயல் ரியர் கேமராக்களைக் கொண்டுள்ளது. முன்புறத்தில் செல்ஃபிகளுக்கும், வீடியோகால் அழைப்புகளுக்கும் என்றே 8எம்பி கேமரா வழங்கப்பட்டுள்ளது. மேலும் எல்இடி பிளாஷ் மற்றும் பல கேமரா அம்சங்களை கொண்டுள்ளது இந்த இன்பினிக்ஸ் போன்.
ஸ்டோரேஜ்
4ஜிபி ரேம் உடன் வெளியாகும் இந்த இன்பினிக்ஸ் ஹாட் 20 பிளே மொபைல் 64ஜிபி மற்றும் 128ஜிபி என இரண்டு விதமான இன்டர்னல் ஸ்டோரேஜ் வசதியைக் கொண்டு வெளிவந்துள்ளது. மேலும் கூடுதலாக மெமரி நீட்டிப்பு வசதியும் இருக்கிறது. அதாவது மெமரி கார்டை பயன்படுத்தி சேமிப்புத்திறனை அதிகரித்துக் கொள்ள ஒரு மைக்ரோ எஸ்டி கார்டு ஸ்லாட் வழங்கப்பட்டு உள்ளது.
பேட்டரி
இன்பினிக்ஸ் ஹாட் 20 பிளே ஸ்மார்ட்போனில் 6000 எம்ஏஎச் பேட்டரி உள்ளது. எனவே சார்ஜ் பற்றிய கவலை இருக்காது. அதாவது நீண்ட நேரம் பேட்டரி பேக்கப் கிடைக்கும். 18 வாட்ஸ் பாஸ்ட் சார்ஜிங் வசதி, கைரேகை ஸ்கேனர் உள்ளிட்ட பல சிறப்பு அம்சங்களுடன் இந்த ஸ்மார்ட்போன்அறிமுகம் செய்யப்பட்டுள்ளது. ரேசிங் ப்ளாக் (Racing Black), லூனா ப்ளூ (Luna Blue), ஆரோரா க்ரீன் (Aurora Green), மற்றும் ஃபேண்டஸி பர்ப்பிள் (Fantasy Purple) என்ற நான்கு வண்ணங்களில் இந்த மொபைல் வெளியாகிறது.
கனெக்டிவிட்டி
இது ஒரு டூயல் சிம் வசதி கொண்ட போன் ஆகும். இதில், 4ஜி எல்டிஇ, வைஃபை 802.11 ஏசி, புளூடூத் 5.0, ஜிபிஎஸ், யூஎஸ்பி டைப்-சி, 3.5mm ஆடியோ ஜாக் போன்ற பல கனெக்டிவிட்டி ஆதரவுகள் உள்ளன. இந்த இன்பினிக்ஸ் ஹாட் 20 பிளே ஸ்மார்ட்போன் ஸ்மார்ட்போன் ரூ.10,000-க்குள் அறிமுகமாகும் என்று எதிர்பார்க்கப்படுகிறது. இதன் எடை 209.6 கிராம் ஆகும்.