லேட்டா வந்தாலும் லேட்டஸ்டா வந்திருக்கு சோனி Xperia 5 IV

சோனி Xperia 5 IV

சோனி நிறுவனம் நீண்ட நாட்களுக்குப் பிறகு Sony Xperia 5 IV எனும் அசத்தலான ஃப்ளாக்‌ஷிப் ஸ்மார்ட்போனை அறிமுகம் செய்து இருக்கிறது. ஐபோன்களுக்கு போட்டிக் கொடுக்கும் வகையில் மிகவும் அட்டகாசமான வடிவமைப்பில் வெளிவந்துள்ளது இந்த சோனி Xperia 5 IV.

சிப்செட்

சோனி Xperia 5 IV ஸ்மார்ட்போனில் புதிய, சிறந்த ஸ்னாப்டிராகன் 8 ஜென் 1 சிப்செட் பொறுத்தப்பட்டு இருக்கிறது. எனவே கேமிங் பயனர்கள் இந்த ஸ்மார்ட்போனை நம்பி வாங்கலாம். இந்த சோனி ஸ்மார்ட்போன் ஆனது ஆண்ட்ராய்டு 12 இயங்குதள வசதியுடன் வெளிவந்துள்ளது

ஆடியோ

இந்த புதிய சோனி போன் டால்பி அட்மோஸ், ஹை-ரெஸ் ஆடியோவுடன் கூடிய பிரீமியம் ஸ்டீரியோ ஸ்பீக்கர்களைக் கொண்டுள்ளது. எனவே இந்த ஸ்மார்ட்போன் சிறந்த ஆடியோ அனுபவத்தை வழங்கும் என்பது குறிப்பிடத்தக்கது.

டிஸ்பிளே

சோனி Xperia 5 IV ஸ்மார்ட்போனில் 6.1 அங்குல Full HD plus டிஸ்பிளே வசதி இருக்கிறது. மேலும் 120 ஹெர்ட்ஸ் ரெஃப்ரெஷ் ரேட், HDR ஆதரவு, 21:9 ஆஸ்பெக்ட் ரேஷியோ, 240 ஹெர்ட்ஸ் டச் சாம்ப்ளிங் ரேட் மற்றும் கொரில்லா கிளாஸ் விக்டஸ் பாதுகாப்பு வசதியுடன் வெளிவந்துள்ளது.

கேமரா

புதிய சோனி Xperia 5 IV ஸ்மார்ட்போன் ஆனது 12எம்பி பிரைமரி சென்சார் (f/1.7 aperture) +12எம்பி அல்ட்ரா வைடு கேமரா + 12எம்பி டெலிபோட்டோ கேமரா என்கிற ட்ரிபிள் ரியர் கேமரா ஆதரவைக் கொண்டுள்ளது. மேலும் lens coating, LED flash, panorama, HDR, eye tracking போன்ற வசதிகளும் உள்ளன. குறிப்பாக இந்த போனில் 4கே வீடியோக்களை பதிவு செய்ய முடியும். அதேபோல் செல்ஃபிகளுக்கும், வீடியோகால் அழைப்புகளுக்கும் என்றே 12எம்பி செல்ஃபி கேமரா வழங்கப்பட்டு இருக்கிறது.

பேட்டரி

சோனி Xperia 5 IV ஸ்மார்ட்போனில் 5000 எம்ஏஎச் பேட்டரி பொருத்தப்பட்டுள்ளது. எனவே சார்ஜ் பற்றிய கவலை இருக்காது. மேலும் பாஸ்ட் சார்ஜிங் வசதியைக் கொண்டுள்ளது இந்த அட்டகாசமான ஸ்மார்ட்போன். அதேபோல் ஸ்டோரேஜ், 128GB – 8GB RAM, 256GB – 8GB RAM என இரண்டு வகையில் வெளியாகி இருக்கிறது இந்த சோனி ஸ்மார்ட்போன். இது தவிர சேமிப்புத்திறனை மேலும் அதிகரித்துக் கொள்ள மைக்ரோ எஸ்டி கார்டு ஸ்லாட் ஒன்றும் வழங்கப்பட்டு இருக்கிறது.

கனெக்டிவிட்டி

பக்கவாட்டில் பவர் பட்டனில் ஃபிங்கர் பிரிண்ட் சென்சார் இருக்கிறது. இது தவிர, 5ஜி, என்எப்சி, வைஃபை 6, புளூடூத் 5.2, டைப்-சி போர்ட், 3 .5 மிமீ ஹெட்ஃபோன் ஜாக் போன்ற பல கனெக்டிவிட்டி ஆதரவுகளை கொண்டுள்ளது இந்த அட்டகாசமான சோனி Xperia 5 IV ஸ்மார்ட்போன். இதன் எடை 172 கிராம்.

விலை

சோனி Xperia 5 IV ஸ்மார்ட்போன் ஆனது தற்போது ஐரோப்பாவில் மட்டுமே அறிமுகம் செய்யப்பட்டுள்ளது. இந்த போனின் விலை EUR 1,049 (ரூ.83,700) ஆக உள்ளது. இந்த புதிய ஸ்மார்ட்போன் கருப்பு, வெள்ளை, பச்சை ஆகிய நிறங்களில் அறிமுகம் செய்யப்பட்டு இருக்கிறது. விரைவில் இந்த போன் அனைத்து நாடுகளிலும் அறிமுகம் செய்யப்படும் என எதிர்பார்க்கப்படுகிறது.