மிகுந்த எதிர்பார்ப்புக்கு இடையே தனது முதல் ஸ்மார்ட்போனை கடந்த வாரம் அறிமுகம் செய்தது நத்திங் நிறுவனம். டிரான்ஸ்பரண்ட் பேக் பேனலுடன் வந்துள்ள இந்த ஸ்மார்ட்போன் கருப்பு மற்றும் வெள்ளை ஆகிய இரு நிறங்களில் அறிமுகம் செய்யப்பட்டது.
இதன் பின்பக்க பேனலில் LED ஸ்டிரிப்கள் கொடுக்கப்பட்டு இருக்கிறது. மொபைலுக்கு நோட்டிபிகேஷன்கள் வரும் போது இது ஒளிரும் வண்ணம் வடிவமைக்கப்பட்டு இருக்கிறது. நத்திங் போன் 120Hz Refresh rate கூடிய 6.55 அங்குல OLED டிஸ்ப்ளேவை கொண்டுள்ளது. புராசஸரை பொருத்தவரை இதில் குவால்காம் ஸ்நாப்டிராகன் (Qualcomm snaprdragon) 778G+ புராசஸரை கொண்டுள்ளது.
இந்த ஸ்மார்ட்போனின் பின்பக்கத்தில் 50 மெகாபிக்சல் டூயல் கேமரா இடம்பெற்றுள்ளது. இதுதவிர முன்புறம் 16 மெகாபிக்சல் செல்ஃபி கேமரா இருக்கிறது. 4,500mAh பேட்டரி திறன் கொண்ட இதில் 33W fast charging வசதியும் இருக்கிறது. இதில் 5G மற்றும் 4G LED போன்ற கனெக்டிவிட்டி ஆப்சன்களும் கொடுக்கப்பட்டு உள்ளன.
இவ்வாறு பல்வேறு சிறப்பம்சங்களுடன் அறிமுகமான இந்த ஸ்மார்ட்போன், வெளியானது முதல் பல்வேறு பிரச்சனைகளை சந்தித்து வருகிறது. குறிப்பாக இதில் உள்ள ஹார்ட்வேர் குறைபாடு காரணமாக டிஸ்ப்ளேவில் கருப்பு நிறத்திற்கு பதிலாக பச்சை நிறத்தில் காட்சி அளிக்கின்றன. ஒருசிலர் இந்த பிரச்சனை காரணமாக போனை திருப்பு அனுப்பிய போதும் அதற்கு பதிலாக வரும் போனிலும் இதே பிரச்சனை வருவதாக கூறி புலம்புகின்றனர்.
ஒருசிலருக்கோ செல்ஃபி கேமராவில் கோளாறு ஏற்பட்டுள்ளதாக கூறப்படுகிறது. பன்ச் ஹோல் (punch hole) செல்பி கேமரா என கூறிவிட்டு அதன் வடிவமே வித்தியாசமாக இருப்பதாக கூறி சிலர் புலம்பி வருகின்றனர். இதற்கெல்லாம் நத்திங் நிறுவனம் விளக்கம் அளிக்குமா என்பதை பொறுத்து இருந்துதான் பார்க்க வேண்டும்.
