சலுகை விலையில் ஒன்ப்ளஸ் ஆல்ரவுண்டர் போன்

5ஜி சேவை இந்தியாவில் அறிமுகம் செய்யப்பட்டதை அடுத்து, மக்களின் கவனம் இப்போது 5G ஸ்மார்ட்போன்கள் பக்கம் திரும்பியுள்ளது. குறிப்பாக, பட்ஜெட் விலையில் கிடைக்கும் 5ஜி போன்கள் மீது தான் ஆர்வம் அதிகரித்துள்ளது. பட்ஜெட் விலையில் இப்போது கிடைக்கும் பெஸ்டான ஆல் ரவுண்டர் போன் என்றால் அது OnePlus 10R தான். அது தற்போது சலுகை விலையில் கிடைக்கிறது.

சலுகை!

அமேசான் கிரேட் இந்தியன் ஃபெஸ்டிவல் (Amazon Great Indian Festival Sale) விற்பனையில் OnePlus 10R ஒரு பெரிய தள்ளுபடியைப் பெறுகிறது. இந்த போன் தற்போது சலுகையுடன் மிகவும் குறைந்த விலையில் விற்பனை செய்யப்படுகிறது. இதன் அசல் விலை ரூ.38,999 ஆகும். இந்த ஆண்டின் தொடக்கத்தில் இந்த ஸ்மார்ட்போன் இந்தியாவில் அறிமுகப்படுத்தப்பட்டது. OnePlus 10R சார்ஜிங் கேமை அடுத்த கட்டத்திற்குக் கொண்டு செல்கிறது. காரணம், இது இரண்டு சார்ஜிங் மாடலுடன் வருகிறது.

பிளாக்ஷிப் ஸ்மார்ட்போனா? பட்ஜெட் போனா?

OnePlus 10R ஒரு என்ட்ரி லெவல் பிளாக்ஷிப் ஸ்மார்ட்போன் என்று சொல்லாம். இதன் அடிப்படை வேரியண்ட் மாடல் 80W சார்ஜிங்கை ஆதரிக்கிறது. இதன் மூலம் மொபைலை சுமார் 30 நிமிடங்களில் முழுமையாக சார்ஜ் செய்யலாம். அதேபோல், OnePlus 10R ஸ்மார்ட்போனின் 12ஜிபி ரேம் மற்றும் 150W ஃபாஸ்ட் சார்ஜிங் கொண்ட ஒரு வேரியண்ட் மாடலையும் கொண்டுள்ளது. இதன் அசல் விலை ரூ. 43,999 ஆகும்.

விலை குறைப்பு

இப்போது கிடைக்கும் சிறப்பு சலுகையின் காரணமாக இந்த OnePlus 10R ஸ்மார்ட்போனின் 80W பாஸ்ட் சார்ஜிங் உடன் கூடிய 8ஜிபி ரேம் + 128ஜிபி வேரியண்ட் போனை ரூ. 32,999 என்ற விலைக்கே வாங்க முடியும். அதேபோல், இதன் 12ஜிபி ரேம் + 256ஜிபி ஸ்டோரேஜ் மாடலை ரூ. 36,999 என்ற விலைக்கு வாங்கலாம். உங்களின் கவனம் 150W சார்ஜிங் வேரியண்ட் மீது இருக்கிறது என்றால், 12ஜிபி ரேம் + 256ஜிபி ஸ்டோரேஜ் மாடலின் தற்போதைய சலுகை விலை ரூ. 37,999 மட்டுமே.

இதை விட குறைந்த விலையில் OnePlus பிராண்டில் இருந்து ஒரு 5ஜி போனை நீங்கள் வாங்க நினைத்தால், OnePlus Nord 2T 5G மற்றும் OnePlus Nord CE 2 5G மாடலை தேர்வு செய்யலாம். இதன் விலை இப்போது சலுகையுடன் முறையே, ரூ. 28,999 மற்றும் ரூ.24,998 என்ற விலையில் கிடைக்கிறது. இவை இரண்டும் பட்ஜெட் செக்மென்ட் 5G ஸ்மார்ட்போன் மாடல்கள் என்பதை குறிப்பிடதக்கது. ஆனால், OnePlus 10R என்பது பிளாக்ஷிப் என்ட்ரி செஜ்மெட் என்பதை மறக்காதீர்கள்.

கவனிக்க வேண்டியவை நாம் பார்க்கும் OnePlus 10R மாடல்கள் பாரஸ்ட் க்ரீன், பிரைம் ப்ளூ மற்றும் சியேரா பிளாக் ஆகிய மூன்று நிறங்களில் வருகிறது. இந்த ஸ்மார்ட்போன் மாடலை மிகவும் மலிவு விலையில் வழங்க OnePlus சில வசதிகளை வழங்கவில்லை. உதாரணமாக, இது ஒரு பிளாஸ்டிக் பாடியைக் கொண்டுள்ளது. அதேபோல், ஒன்பிளஸ் அடையாளமாகத் திகழும் அலெர்ட் மோட் ஸ்லைடர் இதில் இல்லை என்பது கவனிக்கத்தக்கது.

மற்றபடி,OnePlus 10R இல் உள்ள அம்சங்கள் அனைத்தும் சிறப்பாக அமைக்கப்பட்டுள்ளது. தரமான சிப்செட், சிறப்பான டிஸ்பிளே அனுபவம், தெளிவான ஆடியோ மற்றும் வீடியோ அம்சம், அட்டகாசமான கேமரா அம்சம், 5ஜி ஆதரவு என்று சிறந்த அம்சங்கள் நிறையவே உள்ளன. அந்த வகையில் இது ஒரு ஆல் ரவுண்டர் ஸ்மார்ட்போன் என்றே கூறலாம்.