ஒன்பிளஸ் நிறுவனம் இந்திய சந்தையில் அறிமுகம் செய்ய இருக்கும் புது ஸ்மார்ட்போனின் டீசரை வெளியிட்டு இருக்கிறது. இந்த புது ஸ்மார்ட்போன் அந்நிறுவனத்தின் ஸ்பெஷல் எடிஷனாக வெளியாகிறது.
ஒன்பிளஸ் நிறுவனம் தனது ஒன்பிளஸ் 10R 5ஜி மாடலை சியரா பிளாக் மற்றும் பாரஸ்ட் கிரீன் நிறங்களில் ஏப்ரல் மாத வாக்கில் அறிமுகம் செய்து இருந்தது. தற்போது அந்நிறுவனம் இதே ஸ்மார்ட்போனின் பிரைம் புளூ எடிஷன் டீசரை அதிகாரப்பூர்வமாக வெளியிட்டு உள்ளது. இந்த ஸ்மார்ட்போன் அமேசான் தளத்தில் விற்பனை செய்யப்பட இருக்கிறது.
மற்ற இரு நிறங்களை போன்று இல்லாமல் புதிய பிரைம் புளூ எடிஷன் மாடலில் கிரேடியண்ட் பினிஷ் வழங்கப்படுகிறது. இது ஸ்மார்ட்போனின் ஒரு புறத்தில் புளூ நிறத்தில் இருந்து மறுபுறத்திற்கு வைலட் நிறமாக மாறுகிறது. புதிய நிறம் தவிர இந்த ஸ்மார்ட்போன் அம்சங்களில் எந்த மாற்றமும் மேற்கொள்ளப்படவில்லை.
ஒன்பிளஸ் 10R 5ஜி மாடலில் 6.7 அங்குல FHD+AMOLED ஸ்கிரீன், 120Hz ரிப்ரெஷ் ரேட், கார்னிங் கொரில்லா கிளாஸ் பாதுகாப்பு, மீடியாடெக் டிமென்சிட்டி 8100 மேக்ஸ் பிராசஸர், அதிகபட்சம் 12 ஜிபி ரேம், 256 ஜிபி மெமரி, 50MP பிரைமரி கேமரா, 8MP அல்ட்ரா வைடு கேமரா, 2MP மேக்ரோ கேமரா, 16MP செல்பி கேமரா வழங்கப்பட்டு இருக்கிறது. ஆண்ட்ராய்டு 12 சார்ந்த ஆக்சிஜன் ஒஎஸ் கொண்டிருக்கும் ஒன்பிளஸ் 10R ஸ்மார்ட்போன் 4500 எம்ஏஹெச் பேட்டரி மூலம் சக்தியூட்டப்படுகிறது. இத்துடன் 150 வாட் சூப்பர்வூக் பாஸ்ட் சார்ஜிங் வசதி உள்ளது.
இந்நிலையில் 6ஜிபி ரேம் மற்றும் 128ஜிபி ஸ்டோரேஜ் கொண்ட ஒன்பிளஸ் நோர்ட் சிஇ 2 லைட் 5ஜி ஸ்மார்ட்போனுக்கு 5 சதவீதம் விலை குறைப்பு அறிவிக்கப்பட்டு இருக்கிறது. தற்போது இந்த ஸ்மார்ட்போனை அமேசான் தளத்தில் ரூ.18,999-விலையில் வாங்க முடியும். ஒன்பிளஸ் நோர்ட் சிஇ 2 லைட் 5ஜி ஸ்மார்ட்போன் ஆனது 6.59 அங்குல Full HD டிஸ்பிளேவைக் கொண்டுள்ளது. இதுதவிர, 1,080×2,412 பிக்சல்ஸ், 120 ஹெர்ட்ஸ் ரெஃப்ரெஷ் ரேட், 240 ஹெர்ட்ஸ் டச் சாம்ப்ளிங் ரேட் மற்றும் கார்னிங் கொரில்லா கிளாஸ் விக்டஸ் பாதுகாப்பு உள்ளிட்ட பல சிறப்பு அம்சங்களைக் கொண்டு இருக்கிறது இந்த புதிய ஸ்மார்ட்போன் மாடல்.
ஒன்பிளஸ் நோர்ட் சிஇ 2 லைட் 5ஜி ஸ்மார்ட்போன் ஆக்டோ-கோர் ஸ்னாப்டிராகன் 695 சிப்செட் உடன் அட்ரினோ 619 ஜிபியு ஆதரவு கொண்டுள்ளது. எனவே பயன்படுத்துவதற்கு மிகவும் அருமையாக இருக்கும். ஒன்பிளஸ் நோர்ட் சிஇ 2 லைட் 5ஜி ஸ்மார்ட்போன் 64எம்பி பிரைமரி சென்சார் + 2எம்பி tertiary சென்சார் + 2எம்பி டெப்த் சென்சார் என்கிற ட்ரிபிள் ரியர் கேமரா அமைப்பைக் கொண்டுள்ளது. கூடவே வீடியோ அழைப்புகளை மேற்கொள்ளவும், செல்ஃபி புகைப்படங்களை எடுக்கவும் முன்பக்கத்தில் 16எம்பி செல்ஃபி கேமரா, 5000 எம்ஏஎச் பேட்டரி, 33W SuperVOOC வயர்டு சார்ஜிங் ஆதரவு உள்ளிட்ட பல சிறப்பு அம்சங்களை இந்த ஒன்பிளஸ் போன் கொண்டுள்ளது.
