Oneplus அதன் Nord Seriesல் ஒரு புதிய ஸ்மார்ட்போனை அறிமுகப்படுத்தும் என எதிர்பார்க்கப்படுகிறது. இது OnePlus Nord 3 ஆக இருக்கும் என்று வதந்திகள் தெரிவிக்கின்றன , மேலும் ஒரு புதிய கசிவு, இந்த மொபைலில் என்ன எதிர்பார்க்கலாம் என்பது பற்றிய யூகத்தை அளிக்கிறது. இந்த ஸ்மார்ட்போன் ஏற்கனவே BIS, NBTC மற்றும் TDRA சான்றிதழ் வலைத்தளங்களில் காணப்பட்டது. இது இந்த மொபைலின் வெளியீடு நெருங்கி வருவதை உறுதிப்படுத்துகிறது. ஆனால் OnePlus தரப்பில் இருந்து இன்னும் அதிகாரப்பூர்வமாக அதை அறிவிக்கவில்லை.
சமீபத்திய கசிவின்படி, OnePlus Nord 3 மொபைலின் முக்கிய விவரக்குறிப்புகள் மட்டுமல்ல, அதன் இந்திய விலையையும் வெளியாகி இருக்கிறது. டிப்ஸ்டர் யோகேஷ் பிராரின் கூற்றுப்படி, ஒன்பிளஸ் இந்தியாவிலும் உலக சந்தைகளிலும் மொபைலை சோதிக்கத் தொடங்கியுள்ளது. OnePlus Nord 3 மொபைல், ஆறு முதல் எட்டு வாரங்களில் வெளியாகும் என்று ப்ரார் கூறினார்.
OnePlus has started testing Nord 3 in India and global markets.
Something many of you have been waiting for.
Launch window: 6-8 weeks from now
Specs:
– 6.7" 1.5K AMOLED, 120Hz
– MediaTek Dimensity 9000
– 64+8+2MP rear
– 16MP selfie
– 5,000mAh battery, 80WPrice: ₹30-40k
— Yogesh Brar (@heyitsyogesh) April 13, 2023
OnePlus Nord 3 விவரக்குறிப்புகள்
கசிவின் படி, OnePlus Nord 3 ஆனது 120Hz புதுப்பிப்பு வீதத்துடன் 6.7 அங்குல 1.5K AMOLED டிஸ்ப்ளேவைக் கொண்டிருக்கும். இந்த ஸ்மார்ட்போன் MediaTek Dimensity 9000 சிப்செட் மூலம் இயக்கப்படுகிறது என்று கூறப்படுகிறது. இது 64MP முதன்மை சென்சார், 8MP இரண்டாம் நிலை சென்சார் மற்றும் 2MP சென்சார் கொண்ட மூன்று பின்புற கேமராக்களைக் கொண்டிருக்கும். செல்ஃபிக்களுக்கு, 16MP முன் கேமரா இருக்கும். கடந்த மாதம் சீனாவில் அறிமுகப்படுத்தப்பட்ட OnePlus Ace 2V உடன் இந்த விவரக்குறிப்புகள் சரியாகப் பொருந்துகிறது. இதன்மூலம் Nord 3 மொபைல் உண்மையில் ஒரு மறுபெயரிடப்பட்ட மொபைல் என்ற ஊகங்களுக்கு இது மேலும் வலு சேர்க்கிறது.
OnePlus Nord 3 ஆனது 80W ஃபாஸ்ட் சார்ஜிங் ஆதரவுடன் 5,000mAh பேட்டரியைக் கொண்டிருக்கும். மற்ற விவரங்களைப் பொறுத்தவரை, ஒன்பிளஸ் நார்ட் 3க்கு 12ஜிபி ரேம் மற்றும் 256ஜிபி வரையிலான உள் சேமிப்பிடத்தை கடந்த கசிவுகள் பரிந்துரைக்கின்றன. மேலும் இது ஆண்ட்ராய்டு 13-அடிப்படையிலான ஆக்சிஜன்ஓஎஸ் 13-க்கு இயங்குதளத்தில் வேலை செய்யும் என எதிர்பார்க்கப்படுகிறது. வதந்தியான விவரக்குறிப்புகளை OnePlus Nord 2T உடன் ஒப்பிட்டுப் பார்த்தால், OnePlus Nord 3 ஒரு குறிப்பிடத்தக்க மேம்படுத்தலாக இருக்கும்.
இந்தியாவில் OnePlus Nord 3 விலை வரம்பு
இந்தியாவின் விலையைப் பொறுத்தவரை, OnePlus Nord 3 இன் விலை ரூ.30,000 முதல் ரூ.40,000 வரை இருக்கும் என்று டிப்ஸ்டர் பரிந்துரைக்கிறார். ஒப்பிடுகையில், OnePlus Nord 2T இந்தியாவில் ரூ. 28,999 இல் தொடங்குகிறது, எனவே இது ஒரு நல்ல விலைதான்
சான்றிதழ் இணையதளங்களில் OnePlus Nord 3 இன் முந்தைய பார்வைகளும் மொபைலானது 5G ஆதரவுடன் வரும் என்பதை உறுதிப்படுத்துகின்றன. இருப்பினும், சந்தையைப் பொறுத்து அதன் கிடைக்கும் தன்மை மாறுபடலாம்.
OnePlus Nord 3 5G முக்கிய விவரக்குறிப்புகள்
- சிப்செட் – மீடியாடெக் டைமன்சிட்டி 9000 MT6983
- ரேம் – 8 ஜிபி
- டிஸ்ப்ளே – 6.5 அங்குலம் (16.51 செமீ)
- பின் கேமரா – 50 எம்பி + 8 எம்பி + 2 எம்பி
- செல்ஃபி கேமரா – 16 எம்.பி
- பேட்டரி – 4500 mAh