பட்ஜெட்விலை போன்களுக்கு பெயர் பெற்ற நிறுவனமான POCO நிறுவனத்தில் இருந்து மற்றொரு பட்ஜெட் போனாக வெளியாகி இருக்கிறது POCO C51. ஆரம்பவிலை போனாக வெளியானாலும் இதில் குறிப்பிடத்தகுந்த அம்சங்கள் சில இருக்கின்றன. MediaTek Helio G36 சிப்செட்டோடு வரும் இந்த போன் 6.52 அங்குல பெரிய டிஸ்ப்ளேவைக் கொண்டுள்ளது. இதில் 4GB LPDDR4X ஃபிசிகல் ரேமுடன் 3ஜிபி வரையிலான ரேமை அதிகப்படுத்திக் கொள்ளும் வசதியும் உள்ளது. பின்பக்கத்தில் 8MP கேமரா, 5000mAh பேட்டரி, லேட்டஸ்ட் ஆண்ட்ராய்டு 13 Go இயங்குதளம் என குறிப்பிட்டுச் சொல்லக்கூடிய வகையிலான அம்சங்களோடு வெளியாகி இருக்கிறது இந்த POCO C51 மொபைல். இனி இதன் அம்சங்களைப் பற்றி விரிவாகப் பார்க்கலாம்.
டிஸ்ப்ளே
இந்த POCO C51 மொபைலில் 6.52 அங்குல (16.56 செ.மீ), 269 பிக்சல் அடர்த்தி கொண்ட, HD+ IPS LCD டிஸ்ப்ளே உள்ளது. இது 720 x 1600 pixels resolution-ஐக் கொண்டுள்ளது. இதன் மேல் மையத்தில் முன்பக்க கேமராவுக்காக Waterdrop notch வழங்கப்பட்டுள்ளது. இதோடு 120Hz டச் சாம்ப்ளிங் ரேட், 400nits brightsness வசதியும் உள்ளன.
சிப்செட் & இயங்குதளம்
POCO C51 மொபைலில் MediaTek Helio G36 சிப்செட் இருக்கிறது. இது ஒரு ஆக்டா கோர் பிராசஸர் ஆகும். இது Android 13 GO இயங்குதளத்தில் செயல்படுகிறது. இது ஒரு டூயல் சிம் வசதிகொண்ட 4G மொபைல் ஆகும்.
மெமரி
முன்பே சொன்னது போல் குறைந்த விலை போனாக வெளியாகி இருந்தாலும் இந்த POCO C51 மொபைலானது 4ஜிபி LPDDR4X பிசிகல் ரேம் மற்றும் 3ஜிபி வரையிலான விர்சுவல் ரேம் வசதியையும் கொண்டுள்ளது. இது ஒரே நேரத்தில் அதிக செயலிகளைப் பயன்படுத்துவதறகும், கேம் விலையாடுவதற்கும் பயன்படும். இந்த போனில் 64ஜிபி இண்டர்னல் ஸ்டோரேஜ் வழங்கப்பட்டுள்ளது. இதை ஒரு மைக்ரோ SD கார்டு மூலம் 1TB வரை அதிகப்படுத்திக் கொள்வதற்க்காக மைக்ரோ SD Slot ஒன்றும் வழங்கப்பட்டுள்ளது.
கேமரா
இந்த மொபைலின் பின்பக்கத்தில் f/2.0 Aperture உடன் கூடிய 8MP மெயின் கேமரா இருக்கிறது. இதன் மூலம் 1080p வரையிலான வீடியோக்களை எடுக்க முடியும். இது தவிர ஒரு செகண்டரி கேமராவும் வழங்கப்பட்டுள்ளது. இந்த மொபைலின் முன்பக்கத்தில் செல்ஃபி மற்றும் வீடியோ அழைப்புகளுக்காக 5MP கேமரா வழங்கப்பட்டுள்ளது. இதுவும் 1080p வீடியோவை ஆதரிக்கிறது. பின்பக்கத்தில் ப்ளாஷ் ஒன்றும் வழங்கப்ப்ட்டுள்ளது.
பேட்டரி
இந்த POCO C51 மொபைலில் 10W சார்ஜிங் வசதியுடன் கூடிய 5000mAh பேட்டரி வழங்கப்பட்டுள்ளது. இதற்கென Micro USB port வழங்கப்பட்டுள்ளது. இந்த மொபைல் ராய்ல் ப்ளூ, பவர் ப்ளாக் என இரண்டு நிறங்களில் வெளியாகி இருக்கிறது. பாதுகாப்புக்காக இந்த மொபைலின் பின்பக்கத்தில் ஃபிங்கர் ப்ரிண்ட் சென்சார் வழங்கப்பட்டுள்ளது. இந்த மொபைல் 192 கிராம் எடையில் வெளியாகி இருக்கிறது.
கனெக்டிவிட்டி
இந்த 4ஜி மொபைலின் பின்பக்க மேல் ஓரத்தில் ஸ்பீக்கர் வழங்கப்பட்டுள்ளது. மேலும் இதில் 4G LTE, 4G VoLTE, Bluetooth 5.0, Wi-Fi, 3.5mm ஆடியோ ஜாக், GPS, OTG, FM radio போன்ற கனெக்டிவிட்டி ஆப்ஷன்களும் வழங்கப்பட்டுள்ளன.
விலை & விற்பனை
இந்த மொபைல் ஃப்ளிப்கார்ட் தளத்தில் பிரத்தியேகமாக விற்பனைக்கு வர இருக்கிறது. ரூ.9,999 என்ற விலைக்கு அறிமுகமான இந்த மொபைலுக்கு அறிமுகச் சலுகையாக ரூ.1500 தள்ளுபடி வழங்கப்பட்டுள்ளது. எனவே, இதனை ரூ.8,500க்கு வாங்கலாம். இதுதவிர சில வங்கிச் சலுகைகளும், கேஷ்பேக் சலுகைகளும் உள்ளன.
