POCO F5 மற்றும் POCO F5 Pro பற்றி இதுவரை பல கசிவுகள் வெளியாகி உள்ளன. சில நாட்களுக்கு முன்பு Poco F5 இந்திய சந்தையில் அறிமுகப்படுத்தப்படும் என்று ஒரு செய்தி வந்தது. ஆனால் F5 Pro வராது என்பதாய்த் தெரிகிறது. Xiaomi நிறுவனத்தின் இந்த துணை பிராண்ட் இந்தியாவில் தனது புதிய ‘F’ சீரிஸ் ஸ்மார்ட்போனை விரைவில் அறிமுகப்படுத்தும் என்று நிறுவனத்தின் இந்திய அதிகாரிகள் தங்கள் ட்வீட் மூலம் சுட்டிக்காட்டியுள்ளனர். இப்போது இந்த மொபைல், போன் தரப்படுத்தல் தளத்திலும் பட்டியலிடப்பட்டுள்ளது.
F a 5 t pic.twitter.com/J8qvwUN7no
— Himanshu Tandon (@Himanshu_POCO) April 14, 2023
போகோ இந்தியாவின் தலைமை நிர்வாக அதிகாரி ‘ஹிமான்ஷு டாண்டன்’ தனது அதிகாரப்பூர்வ ட்விட்டர் ஹேண்டில் மூலம் POCO F5 அறிமுகத்தை டீஸ் செய்துள்ளார். இந்த ட்வீட், F5 ஐக் குறிக்கும் வண்ணம் ‘Fa5t’ என்று எழுதப்பட்டுள்ளது. இந்த மொபைல் கீக்பெஞ்சில் Xiaomi 23049PCD8I மாடல் எண்ணுடன் பட்டியலிடப்பட்டுள்ளது, அங்கு ‘i’ எழுத்துக்கள் இந்திய மாடலைக் குறிக்கும். இந்த இரண்டு புதிய அப்டேட்கள் வெளியாகி இருப்பதால், நிறுவனம் இந்த ஸ்மார்ட்போனை விரைவில் இந்தியாவில் அறிமுகப்படுத்தலாம் என்று ஊகிக்கப்படுகிறது.
Poco F5 விவரக்குறிப்புகள்
- Qualcomm Snapdragon 7+ Gen 2
- ஆண்ட்ராய்டு 13
- 8ஜிபி ரேம்
POCO F5 ஆனது Geekbench இல் Qualcomm Snapdragon 7 Plus Gen 2 சிப்செட்டுடன் காட்டப்பட்டுள்ளது, இது 2.92GHz வரையிலான வேகமுள்ள ஆக்டா-கோர் சிப்செட் ஆகும். மேலும், போனின் 8ஜிபி ரேம் வேரியண்டும் இந்த பட்டியலில் வெளியிடப்பட்டுள்ளது. Poco போன் கீக்பெஞ்சில் Android 13 OS இல் இயங்குவதாகக் காட்டப்பட்டுள்ளது.
- 6.67 அங்குல FHD+ டிஸ்ப்ளே
- 120Hz புதுப்பிப்பு வீதம்
போனின் மற்ற அம்சங்கள் மற்றும் விவரக்குறிப்புகளைப் பார்க்கும்போது, POCO F5 ஸ்மார்ட்போனானது, FullHD+ பிக்சல் தெளிவுத்திறனில் வேலை செய்யும் ஒரு பெரிய 6.67-இன்ச் டிஸ்ப்ளேவுடன் வெளியிடப்படலாம். 120 ஹெர்ட்ஸ் புதுப்பிப்பு வீதத்தை ஆதரிக்கக்கூடிய பஞ்ச்-ஹோல் பாணியுடன் திரையுடன் வரும்.
- 64MP டிரிபிள் கேமரா
- 16MP செல்ஃபி கேமரா
POCO F5 மொபைலில் புகைப்படம் மற்றும் வீடியோ எடுப்பதற்கு மூன்று பின்புற கேமராக்கள் இருக்கும். வெளிவந்துள்ள தகவலின்படி, போனின் பின் பேனலில் OIS அம்சத்துடன் கூடிய 64 மெகாபிக்சல் முதன்மை சென்சார் வழங்கப்படலாம். இதனோடு 8 மெகாபிக்சல் அல்ட்ரா வைட் ஆங்கிள் லென்ஸ் மற்றும் 2 மெகாபிக்சல் மேக்ரோ சென்சார் ஆகியவற்றைக் கொண்டிருக்கலாம். மேலும், இந்த Poco ஃபோன் செல்ஃபி மற்றும் வீடியோ அழைப்பிற்காக 16 மெகாபிக்சல் முன் கேமராவைப் பெறலாம்.
- 67W சார்ஜிங்
- 5,000mAh பேட்டரி
பேட்டரி பிரிவைப் பார்க்கும்போது, Poco F5 பவர் பேக்கப்பிற்காக 5,000 mAh பேட்டரியைக் கொண்டுள்ளது என்பது தெரியவந்துள்ளது. மேலும், இந்த மொபைல் போன் பேட்டரியை வேகமாக சார்ஜ் செய்ய 67W ஃபாஸ்ட் சார்ஜிங் தொழில்நுட்பத்துடன் வரலாம்.