மற்ற நிறுவனங்கள் சற்று உயர்வான விலையில் 5ஜி போன்களை அறிமுகம் செய்தாலும் போக்கோ நிறுவனம் தொடர்ந்து 5ஜி ஸ்மார்ட்போன்களை பட்ஜெட் விலையிலேயே அறிமுகம் செய்து வருகிறது. இந்நிலையில் போக்கோ நிறுவனம் விரைவில் புதிய Poco X5 5G எனும் ஸ்மார்ட்போனை இந்தியாவில் அறிமுகம் ஆகலாம் என்ற தகவல் வெளியாகி இருக்கிறது. மேலும் இந்த ஸ்மார்ட்போனின் மாடல் நம்பர் 33101320I என்று தெரிவிக்கப்பட்டுள்ளது.
சிப்செட்
இப்போது ஆன்லைனில் கசிந்த போக்கோ எக்ஸ்5 5ஜி ஸ்மார்ட்போனின் அம்சங்களை சற்று விரிவாகப் பார்ப்போம். அதாவது Poco X5 5G ஸ்மார்ட்போன் ஆனது குவால்காம் ஸ்னாப்டிராகன் 778ஜி+ சிப்செட் வசதியைக் கொண்டு இருக்கலாம். மேலும் இந்த ஸ்மார்ட்போன் ஆண்ட்ராய்டு 13 இயங்குதள வசதியுடன் வெளிவரலாம் என்றும் தெரிவிக்கப்பட்டுள்ளது.
சார்ஜிங்
இந்த போக்கோ எக்ஸ்5 5ஜி ஸ்மார்ட்போனில் 5000 எம்ஏஎச் பேட்டரி இருக்கலாம் என்று தெரிய வந்துள்ளது. அப்படி இருந்தால் சார்ஜ் பற்றிய கவலை இருக்காது. நீண்ட நேரம் பேட்டரி பேக்கப் கிடைக்கும். அதேபோல் பாஸ்ட் சார்ஜிங் வசதி, கைரேகை ஸ்கேனர் உள்ளிட்ட பல சிறப்பான அம்சங்களுடன் இந்த போக்கோ எக்ஸ்5 5ஜி ஸ்மார்ட்போன் அறிமுகமாகலாம் என்று தகவல்கள் லீக் ஆகி உள்ளன.
ரெஃப்ரெஷ் ரேட்
120 ஹெர்ட்ஸ் ரெஃப்ரெஷ் ரேட் கொண்ட டிஸ்பிளே, ட்ரிபிள் ரியர் கேமராக்கள் ஆதரவைக் கொண்டு இந்த போக்கோ எக்ஸ்5 5ஜி ஸ்மார்ட்போன் அறிமுகமாகும் என்று கூறப்படுகிறது. பின்பு 6ஜிபி/8ஜிபி ரேம், 128ஜிபி ஸ்டோரேஜ் வசதியுடன் இந்த புதிய போக்கோ போன் வெளிவரும்.
இணையத்தில் வெளிவந்த தகவலின்படி இந்த போக்கோ எக்ஸ்5 5ஜி ஸ்மார்ட்போன் பட்ஜெட் விலையில் அறிமுகமாகும் என்று கூறப்படுகிறது. கூடவே கேமிங் விளையாடுவதற்கு ஏற்றபடி இந்த ஸ்மார்ட்போன் வெளிவரும் என்று தகவல் தெரிவிக்கப்பட்டுள்ளது. இந்நிறுவனம் ஏற்கனவே அறிமுகம் செய்த போக்கோ எப்4 ஜிடி ஸ்மார்ட்போனின் அம்சங்களை சற்று விரிவாகப் பார்ப்போம்.
போக்கோ எப்4 ஜிடி
போக்கோ எப்4 ஜிடி ஸ்மார்ட்போன் ஆனது 6.67-அங்குல ஃபுல் எச்டி பிளஸ் AMOLED டிஸ்பிளே வசதியுடன் வெளிவந்துள்ளது. பின்பு 120 ஹெர்ட்ஸ் ரெஃப்ரெஷ் ரேட், கொரில்லா கிளாஸ் விக்டஸ் பாதுகாப்பு உள்ளிட்ட பல சிறப்பு அம்சங்களைக் கொண்டுள்ளது இந்த புதிய ஸ்மார்ட்போன் மாடல்.
கேமரா
போக்கோ எப்4 ஜிடி ஸ்மார்ட்போன் 64எம்பி Sony IMX686 பிரைமரி லென்ஸ் + 8எம்பி அல்ட்ரா வைடு லென்ஸ் + 8எம்பி மேக்ரோ லென்ஸ் என்கிற ட்ரிபிள் ரியர் கேமரா அமைப்பைக் கொண்டுள்ளது. கூடவே செல்ஃபிகளுக்கும், வீடியோ அழைப்புகளுக்கும் என்றே முன்பக்கத்தில் 20எம்பி கேமராவைக் கொண்டுள்ளது இந்த ஸ்மார்ட்போன்.
ஆண்ட்ராய்டு 12
போக்கோ எப்4 ஜிடி ஸ்மார்ட்போனில் தரமான ஸ்னாப்டிராகன் 8 ஜென் 1 பிராசஸர் வசதி உள்ளது. பின்பு Xiaomi MIUI 13 சார்ந்த ஆண்ட்ராய்டு 12 இயங்குதளத்தை கொண்டு இந்த புதிய ஸ்மார்ட்போன் வெளிவந்துள்ளது. போக்கோ எப்4 ஜிடி ஸ்மார்ட்போனில் 12ஜிபி ரேம் மற்றும் 256ஜிபி உள்ளடக்க மெமரி வசதி உள்ளது.
பேட்டரி
போக்கோ எப்4 ஜிடி ஸ்மார்ட்போனின் பின்புறம் 4700 எம்ஏஎச் பேட்டரி பொருத்தப்பட்டுள்ளது. பின்பு 120W ஹைப்பர்சார்ஜ் ஃபாஸ்ட் சார்ஜிங் ஆதரவு, கைரேகை ஸ்கேனர் ஆதரவு உள்ளிட்ட பல சிறப்பு அம்சங்களை கொண்டுள்ளது இந்த புதிய ஸ்மார்ட்போன். மேலும் LiquidCool தொழில்நுட்பம் 3.0 ஆதரவு கொண்டு வெளிவந்துள்ளது.