Realme C55 சமீபத்தில் சர்வதேச அளவில் அறிமுகமான பிறகு, அதிகாரப்பூர்வமாக இந்தியாவில் அறிமுகப்படுத்தப்பட்டுள்ளது. இந்த மொபைலானது பிராண்டின் விலையுயர்ந்த C-சீரிஸ் ஃபோன் ஆகும். மேலும் முக்கிய சிறப்பம்சமாக ஐபோன் 14 ப்ரோவில் இருப்பது போன்ற டைனமிக் தீவு அம்சம் இந்த மொபைலிலும் உள்ளது. இதை ரியல்மி ‘மினி கேப்சூல்’ என்று அழைக்கிறது. டேட்டா பயன்பாடு, சார்ஜிங் தகவல் மற்றும் நடந்த தொலைவு போன்ற தகவல்களைப் பார்ப்பதற்கு இது பயனுள்ளதாக இருக்கும். இது தற்போது சோதனை நிலையில் உள்ளது. இதை Realmeயின் செயலியைக் கொண்டு இயக்கத்திற்கு கொண்டு வர வேண்டும். இந்த செயல்பாடு டிஸ்பிளேக்கு நேர்த்தியாக வடிவமைக்கப்பட்டுள்ளது. மேலும் இது பஞ்ச்-ஹோல் கேமரா கட்அவுட்டைச் சுற்றி இருக்குமாறு உள்ளது.
கைபேசியில் 64MP முதன்மை கேமரா உள்ளது. இதில் Realme GT Master Edition இல் பயன்படுத்தப்படும் அதே சென்சார் பயன்படுத்தப்பட்டு இருக்கிறது. முழு விவரக்குறிப்புகள் மற்றும் விலை விவரங்களைப் பார்க்கவும்.
இந்தியாவில் Realme C55 விலை, விற்பனை தேதி
இந்தியாவில் Realme C55 இன் 4GB + 64GB வேரியண்ட் ரூ.10,999 என்ற விலைக்கும், 6GB + 64GB மாடல் ரூ.11,999 என்ற விலைக்கும், 8GB + 128GB பதிப்பு ரூ.13,999 என்ற விலைக்கும் விற்பனைக்கு வருகிறது. இந்த போன் கோல்டு மற்றும் கருப்பு வண்ணங்களில் வருகிறது. இதன் விற்பனை மார்ச் 28 ஆம் தேதி மதியம் 12 மணிக்கு தொடங்கும். Realme C55 மொபைல், Realme இணையதளம், Flipkart மற்றும் ஆஃப்லைன் ஸ்டோர்களில் விற்பனைக்கு வரும். நிறுவனம் HDFC மற்றும் ICICI வங்கி அட்டைகள் மூலம் ரூ. 1,000 வரை தள்ளுபடியையும், முன்கூட்டிய ஆர்டர் காலத்தின் போது, அதாவது மார்ச் 21 முதல் மார்ச் 27 வரை ரூ. 1,000 வரை எக்ஸ்சேஞ்ச் போனஸையும் வழங்குகிறது.
ரியல்மி ஸ்டோர்களில் மார்ச் 28 முதல் மார்ச் 31 வரை மாணவர்களுக்கு ரியல்மி பட்ஸ் Q2 TWS இயர்பட்களை பிரத்தியேகமாக வழங்குகிறது.
Realme C55 விவரக்குறிப்புகள்
- 6.72 அங்குல FHD+ IPS LCD டிஸ்ப்ளே
- MediaTek Helio G88 SoC
- 33W SuperVOOC ஃபாஸ்ட் சார்ஜிங்குடன் 5,000mAh பேட்டரி
- 64MP முதன்மை + 2MP இரட்டை கேமராக்கள்
- 8MP செல்ஃபி ஷூட்டர்
- ஆண்ட்ராய்டு 13 ஓஎஸ்
பேட்டரி & கெனெக்டிவிட்டி
Realme C55 ஆனது 33W ஃபாஸ்ட் சார்ஜிங் ஆதரவுடன் கூடிய 5,000mAh பேட்டரியைக் கொண்டுள்ளது. இந்த C-சீரிஸ் மொபைலில் முதன் முறையாக 64MP முதன்மை கேமரா வழங்கப்பட்டு இருக்கிறது. இது 2MP டெப்த் லென்ஸுடன் இணைக்கப்பட்டுள்ளது. செல்ஃபி மற்றும் வீடியோ அரட்டைகளுக்கு முன்புறத்தில் 8MP செல்ஃபி ஸ்னாப்பர் உள்ளது. இணைப்பு அம்சங்களில் 4ஜி, டூயல்-பேண்ட் வைஃபை, புளூடூத், ஜிபிஎஸ் மற்றும் சார்ஜ் செய்வதற்கான USB டைப்-சி போர்ட் ஆகியவை அடங்கும்.
டிஸ்ப்ளே
Realme C55 ஆனது 6.72 அங்குல FHD+ IPS LCD டிஸ்ப்ளே, 90Hz புதுப்பிப்பு வீதம், செல்ஃபி ஸ்னாப்பருக்கான சென்டர்-போசிஷன் செய்யப்பட்ட பஞ்ச்-ஹோல் கட்அவுட் மற்றும் பிளாட் பெசல்கள் ஆகியவற்றைக் கொண்டுள்ளது. இந்த போன் ஆண்ட்ராய்டு 13-அடிப்படையிலான Realme UI கஸ்டமைஸ்டு ஸ்கின்னில் இயங்குகிறது. மேலும் பாதுகாப்பிற்காக பக்கவாட்டில் பொருத்தப்பட்ட கைரேகை சென்சார் உள்ளது.
சிப்செட் & மெமரி
Realme போனை இயக்கும் MediaTek Helio G88 சிப்செட், Mali-G52 2EEMC2 GPU உடன் இணைக்கப்பட்டுள்ளது. இந்த போன் 6ஜிபி/8ஜிபி LPDDR4x ரேம் மற்றும் 128ஜிபி/256ஜிபி சேமிப்பகத்தைக் கொண்டுள்ளத. இது மைக்ரோ எஸ்டி கார்டு வழியாக மேலும் விரிவாக்கக்கூடியது. பாதுகாப்பிற்காக பக்கவாட்டில் பொருத்தப்பட்ட கைரேகை சென்சார் உள்ளது. இந்த மொபைல் 165.65 X 75.98 X 7.89mm அளவும், 189.5 கிராம் எடையும் கொண்டுள்ளது.
