Realme விரைவில் Realme Narzo N55 என அழைக்கப்படும் புதிய நார்சோ பிராண்டட் ஸ்மார்ட்போனை இந்தியாவில் அறிமுகப்படுத்த இருக்கிறது. இதற்கு முன்பு அந்த மொபைலின் பெயர், சில முக்கிய விவரக்குறிப்புகள் மற்றும் வெளியீட்டு தேதியை வெளியிட்டு இருந்தோம். இப்போது இறுதியாக Realme நிறுவனம் வரவிருக்கும் ஸ்மார்ட்போனின் தோற்றத்தை டீஸ் செய்யத் தொடங்கி இருக்கிறது. அதற்கான இரண்டு விளம்பர வீடியோக்கள் சமீபத்தில் பிராண்டின் சமூக ஊடக பக்கங்களைல் வெளியிடப்பட்டுள்ளன. அந்த விளம்பர வீடியோக்கள் இந்த மொபைல் எப்படி இருக்கும், எப்படி வேலை செய்யும் என்பதைப் பற்றி ஓரளவுக்கு அறிவுறுத்துகின்றன.
Stay tuned for a Fa-N-tastic reveal coming soon?#realmenarzoOnAmazonSpecials pic.twitter.com/G91QlZ4t7h
— realme narzo India (@realmenarzoIN) April 5, 2023
மேலே உள்ள ட்வீட்டில் பார்த்தது போல, Realme Narzo N55 பின்பக்கம் இப்படித்தான் இருக்கும். மொபைலின் பின்புறம் டூயல் டோனில் இருப்பது போல் தெரிகிறது. கேமரா தொகுதி மொபைலின் பின்புறத்தின் மேல் இடது மூலையில் இருக்கிறது. அதனுடன் LED ஃபிளாஷ் உள்ளது. வால்யூம் அப் மற்றும் டவுன் பட்டன்கள் மற்றும் பவர் பட்டன் ஆகியவை மொபைலின் வலது பக்கத்தில் உள்ளன. பவர் பட்டன் கைரேகை ஸ்கேனரை ஒருங்கிணைப்பதாகத் தெரியவில்லை. ஆனால் விளம்பர வீடியோ அதைத் தெளிவாக உறுதிப்படுத்தாததால், இப்போதைக்கு அதை உறுதியாகச் சொல்ல முடியாது. Realme Narzo N55 ஆனது AMOLED பேனல் அல்லது IPS LCD பேனல் இரண்டில் எதைக் கொண்டுள்ளது என்பதை பொறுத்திருந்து பார்க்க வேண்டும்.
மொபைலின் கீழ் பகுதித் தோற்றம் ஏற்கனவே கடந்த காலத்தில் கசிந்துள்ளது. மேலும் Realme Narzo N55 ஆனது 3.5mm ஹெட்ஃபோன் ஜாக் மற்றும் USB டைப்-சி சார்ஜிங் போர்ட் ஆகியவற்றைக் கொண்டிருக்கும் என்பது ஏற்கனவே உறுதியாகி இருக்கிறது. மொபைலின் முன்பக்க கேமரா அதில் காட்டப்படாததால், அதன் அம்சங்கள் பற்றி தெரியவில்லை. எனவே, Realme Narzo N55 மொபைலில் பஞ்ச்-ஹோல் கேமரா இடம்பெறுமா அல்லது அதற்கு பதிலாக வாட்டர் டிராப் நாட்ச் பயன்படுத்தப்படுமா என்று சொல்வது மிகவும் கடினம்.
Next-Gen greatness comes with some next-gen colourways! Which ones are you looking forward to?
Let us know and stand a chance to #win* #realme goodies!
*T&C Apply pic.twitter.com/D6tCCtnJjB
— realme narzo India (@realmenarzoIN) April 4, 2023
Realme Narzo N55, இந்தியாவில் ஏப்ரல் 12 ஆம் தேதி அறிமுகம் செய்யப்படும். எனவே வரவிருக்கும் நாட்களில் இந்த மொபைலைப் பற்றிய கூடுதல் விவரங்களை Realme டீஸ் செய்யும் என்பது உறுதி. அவ்வாறு வெளியிடும்போது கண்டிப்பாக அதை உங்களுக்குத் தெரியப்படுத்துகிறோம்.
Realme Narzo N55 – முக்கிய விவரக்குறிப்புகள்
- சிப்செட் – MediaTek Dimensity 810
- ரேம் – 4 ஜிபி
- திரை – 6.67 அங்குலம் (16.94 செமீ)
- பின் கேமரா – 50 எம்பி + 8 எம்பி + 2 எம்பி
- செல்ஃபி கேமரா – 16 எம்.பி
- பேட்டரி – 5000 mAh