ரியல்மி நிறுவனம் அதன் பட்ஸ் ஏர் 3 நியோ என்கிற இயர்பட்ஸை இந்தியாவில் நேற்று அறிமுகப்படுத்தியது. அந்த இயர்பட்ஸ் இன்று முதன் இந்தியாவில் விற்பனைக்கு வந்துள்ளது.
ஒரிஜினல் பட்ஸ் ஏர் 3 மாடலை போன்று இந்த புதிய நியோ மாடலும் ஸ்டெம் டிசைனை கொண்டுள்ளது. பட்ஸ் ஏர் 2 நியோவில் இருப்பது போல் இதில் ஆக்டிவ் நாய்ஸ் கேன்சலேசன் (Active noice cancellation) வசதி இல்லை. அதற்கு பதிலாக டால்பி அட்மாஸ் 3டி சவுண்ட் மற்றும் 30 மணிநேரம் தாங்கக்கூடிய அளவு பேட்டரி பேக் அப் வழங்கப்பட்டு உள்ளது.
இதன் முந்தைய வெர்ஷனான பட்ஸ் ஏர் 2 நியோவில் 28 மணிநேரம் தாங்கக்கூடிய அளவு பேட்டரி பேக் அப் மட்டுமே வழங்கப்பட்டு இருந்தது. இதில் 10mm டிரைவர்களும் இடம்பெற்று இருக்கிறது.
இதில் ஆக்டிவ் நாய்ஸ் கேன்சலேசன் இடம்பெறாவிட்டாலும் என்விராண்மெண்ட் நாய்ஸ் கேன்சலேசன் (Environment noice cancellation) எனப்படும் ENC இடம்பெற்று உள்ளது. டச் கண்ட்ரோல், ப்ளூடூத் 5.2, யு.எஸ்.பி டைப் சி போர்ட் போன்ற அம்சங்களும் இதில் இருக்கின்றன.
வெள்ளை மற்றும் நீலம் ஆகிய இரு நிறங்களில் விற்பனைக்கு வந்துள்ள இந்த இயர்பட்ஸின் விலை ரூ.1,999 ஆக நிர்ணயம் செய்யப்பட்டு இருக்கிறது. ஆனால் அறிமுக சலுகையுடன் ரூ.1,699க்கு இந்த இயர்பட்ஸ் தற்போது ப்ளிப்கார்ட் மற்றும் ரியல்மி ஆன்லைன் தளத்தில் விற்பனை செய்யப்படுகிறது.
