- ரெட்மி பிராண்டின் புதிய நோட் 11 சீரிஸ் ஸ்மார்ட்போன் இந்தியாவில் விற்பனைக்கு வந்துள்ளது.
- புதிய ரெட்மி நோட் 11SE ஸ்மார்ட்போன் மீடியாடெக் ஹீலியோ ஜி95 பிராசஸரைக் கொண்டிருக்கிறது.
ரெட்மி ஏற்கனவே அறிவித்தப்படி இந்தியாவில் புதிய ரெட்மி நோட் 11SE ஸ்மார்ட்போனினை விற்பனைக்கு கொண்டு வந்து இருக்கிறது. இந்த ஸ்மார்ட்போனில் 6.43 அங்குல 2400×1080 பிக்சல் சூப்பர் AMOLED டிஸ்ப்ளே, கார்னிங் கொரில்லா கிளாஸ் பாதுகாப்பு, மீடியாடெக் ஹீலியோ ஜி95 பிராசஸர், ARM மாலி-G76 MC4 GPU, வழங்கப்பட்டு இருக்கிறது. இத்துடன் 64MP பிரைமரி கேமரா, 8MP அல்ட்ரா வைடு கேமரா, 2MP டெப்த் கேமரா, 2MP மேக்ரோ கேமரா என குவாட் கேமரா சென்சார்கள், 13MP இன் டிஸ்ப்ளே செல்பி கேமரா, பக்கவாட்டில் கைரேகை சென்சார் வழங்கப்பட்டு உள்ளது. இந்த ஸ்மார்ட்போன் 5000 எம்ஏஹெச் பேட்டரியையும் கொண்டு இருக்கிறது. இத்துடன் 33 வாட் பாஸ்ட் சார்ஜிங் வசதியும் உள்ளது. இதை கொண்டு பேட்டரியை முப்பது நிமிடங்களில் 54 சதவீதம் வரை சார்ஜ் செய்து கொள்ளலாம்.
ரெட்மி நோட் 11SE ஸ்மார்ட்போன் IP53 தர ஸ்பிலாஷ், வாட்டர் மற்றும் டஸ்ட் ரெசிஸ்டண்ட், டூயல் சிம் ஸ்லாட், 4ஜி எல்டிஇ, வைபை, ப்ளூடூத் 5.0, டூயல் ஸ்பீக்கர், 3.5 எம்எம் ஆடியோ ஜாக், ஹை-ரெஸ் ஆடியோ சான்று, ஆண்ட்ராய்டு 11 சார்ந்த MIUI 12.5, போன்ற அம்சங்களை கொண்டிருக்கிறது.
இந்தியாவில் புதிய ரெட்மி நோட் 11SE ஸ்மார்ட்போன் தண்டர் பர்பில், காஸ்மிக் வைட், ஸ்பேஸ் பிளாக் மற்றும் பைபிராஸ்ட் புளூ என நான்கு விதமான நிறங்களில் கிடைக்கிறது. இதன் விலை ரூ. 13,499 என நிர்ணயம் செய்யப்பட்டு உள்ளது. இந்த ஸ்மார்ட்போனின் விற்பனை இன்று முதல் துவங்க இருக்கிறது.
இந்நிலையில், ரெட்மி 11 பிரைம் 5ஜி ஸ்மார்ட்போன் விரைவில் இந்திய சந்தையில் அறிமுகம் செய்யப்பட இருப்பதாக தகவல் வெளியாகி உள்ளது. புது ஸ்மார்ட்போன் வெளியீடு பற்றி அந்நிறுவனம் இதுவரை எந்த தகவலும் வெளியிடவில்லை. எனினும், புதிய ரெட்மி ஸ்மார்ட்போன் அடுத்த வாரமே இந்தியாவில் அறிமுகமாகும் என கூறப்படுகிறது. சீன சந்தையில் ஏற்கனவே அறிமுகம் செய்யப்பட்ட ரெட்மி நோட் 11E ஸ்மார்ட்போனின் ரீபிராண்டு செய்யப்பட்ட வெர்ஷனாக இந்த ரெட்மி 11 பிரைம் 5ஜி மாடல் இருக்கும் எனத் தெரிகிறது. மேலும் இந்திய சந்தையில் சியோமி நிறுவனத்தின் குறைந்த விலை ஸ்மார்ட்போனாகவும் இது இருக்கும் என தகவல் வெளியாகி இருக்கிறது.
விலை
சர்வதேச சந்தையில் இதே ஸ்மார்ட்போன் ரெட்மி 10 5ஜி எனும் பெயரில் அறிமுகம் செய்யப்பட்டு விட்டது. இந்தியாவில் புதிய ரெட்மி 11 பிரைம் 5ஜி மாடலின் விலை ரூ. 16 ஆயிரத்திற்கும் குறைவாகவே நிர்ணயம் செய்யப்படும் எனத் தெரிகிறது. மேலும் இந்த ஸ்மார்ட்போன் பல்வேறு ரேம் மற்றும் ஸ்டோரேஜ் வேரியண்ட்களில் விற்பனைக்கு கிடைக்கும் என கூறப்படுகிறது.
அம்சங்கள்
ரெட்மி 11 பிரைம் 5ஜி மாடலில் 6.58 அங்குல் IPS LCD 1080×2048 பிக்சல் FHD+ டிஸ்ப்ளே, 90Hz ரிப்ரெஷ் ரேட், மீடியாடெக் டிமென்சிட்டி 700 பிராசஸர், அதிகபட்சம் 6 ஜிபி LPDDR4x ரேம், 128 ஜிபி UFS 2.2 ஸ்டோரேஜ் வழங்கப்படுகிறது. புகைப்படங்களை எடுக்க 50MP பிரைமரி கேமரா, 2MP டெப்த் சென்சார், எல்இடி பிளாஷ் மற்றும் 5MP செல்பி கேமரா வழங்கப்படுகிறது. இந்த ஸ்மார்ட்போன் ஆண்ட்ராய்டு 12 ஒஎஸ் சார்ந்த MIUI 13 கொண்டிருக்கும். இத்துடன் 5000 எம்ஏஹெச் பேட்டரி, 18 வாட் பாஸ்ட் சார்ஜிங் வசதி கொண்டிருக்கும் என தெரிகிறது.