பரபரப்பாக எதிர்பார்க்கப்பட்ட சாம்சங்கின் மிட்-ரேஞ்ச் மொபைல்களான Galaxy A34 5G மற்றும் Galaxy A54 5Gமொபைல்கள் இறுதியாக நேற்று அதிகாரப்பூர்வமாக வெளியானது. இந்த இரு மொபைல்களின் ஐரோப்பிய விலை நேற்று அறிவிக்கப்பட்ட நிலையில் இன்று இதன் இந்திய விலையும் வெளியாகி இருக்கிறது. இரு மொபைல்களும் ஆண்ட்ராய்டு 13 இயங்குதளத்தின் மேல் சாம்சங்கின் One UI 5.1 ஸ்கின் உடன் வெளியாகி இருக்கின்றன. இது தவிர, தூசி மற்றும் நீர் பாதுகாப்பிற்கான IP67 மதிப்பீட்டையும், 25W ஃபாஸ்ட் சார்ஜிங் வசதியுடன் கூடிய 5,000mAh பேட்டரியையும் கொண்டுள்ளன. இதுவே இரு மொபைல்களும் மைக்ரோ எஸ்டி ஸ்லாட் வசதியைக் கொண்டுள்ளன. இதன் மூலம் மொபைலின் சேமிப்புத்திறனை ஒரு டிபி வரை அதிகரித்துக் கொள்ள முடியும். மேலும் இரு மொபைல்களிலும் சாம்சங் Knox பாதுகாப்பு வசதியும் உள்ளது. இவையே இரு மொபைல்களுக்கு இடையே இருக்கும் ஒற்றுமை ஆகும். மற்றபடி சிப்செட், கேமராக்கள், மெமரி என எல்லாவற்றிலும் இரு மொபைல்களும் வேறுபடுகின்றன. இரு மொபைல்களின் அம்சங்களையும், வசதிகளையும் விரிவாகப் பார்க்கலாம்.
சாம்சங் கேலக்ஸி ஏ34 5G
டிஸ்ப்ளே
சுவாரஸ்யமாக, Galaxy A54 5G சிறிய ஃபோன் ஆகும், இது 6.4 அங்குல 1080p சூப்பர் AMOLED பேனலுடன் 120Hz புதுப்பிப்பு வீதம் மற்றும் விஷன் பூஸ்டர் ஆதரவுடன் வருகிறது. Galaxy A54 ஆனது 158.2×76.7×8.2mm அளவில், 202g எடையில் வெளியாகி இருக்கிறது.
Galaxy A34 5G ஆனது 6.6 அங்குல சூப்பர் AMOLED டிஸ்ப்ளேவைக் கொண்டுள்ளது. மேலும் 1080p தெளிவுத்திறன், 120Hz புதுப்பிப்பு வீதம் மற்றும் விஷன் பூஸ்டர் வசதி ஆகியவற்றைக் கொண்டுள்ளது. இந்த போன் 161.3×78.1×8.2mm அளவில் உள்ளது. இதன் எடை 199g கிராம்கள் ஆகும்.
சாம்சங் கேலக்ஸி ஏ54 5G
கேமரா
Samsung Galaxy A54 5G ஆனது பின்பக்கத்தில் f/1.8 அப்பசருடன் கூடிய 50MP பிரதான கேமரா, f/2.2 அப்பசருடன் கூடிய 12MP நிலையான-ஃபோகஸ் கொண்ட அல்ட்ராவைட் ஷூட்டர் மற்றும் f/2.4 அப்பசருடன் கூடிய 5MP பிரத்யேக மேக்ரோ கேமரா என மூன்று கேமராக்களைக் கொண்டுள்ளது. முன்பக்கத்தில் f/2.2 அப்பசருடன் கூடிய 32MP செல்ஃபி கேமரா உள்ளது.
அதேவேளையில் Samsung Galaxy A34 5G ஆனது f/1.8 அப்பசருடன் கூடிய 48MP பிரதான கேமரா, f/2.2 அப்பசருடன் கூடிய 8MP அல்ட்ராவைட் கேமரா மற்றும் f/2.4 அப்பசருடன் கூடிய 5MP மேக்ரோ ஷூட்டர் ஆகியவற்றைக் கொண்டுள்ளது. இந்த மொபைலின் முன்பக்கத்தில் இருக்கும் செல்ஃபி கேமராவில் 13எம்பி சென்சார் உள்ளது.
சிப்செட் & மெமரி
Galaxy A54 5G மொபைல் ஆனது 5nm Exynos 1380 சிப்செட் மூலம் இயக்கப்படுகிறது, அதே நேரத்தில் Galaxy A34 5G ஆனது 6nm MediaTek Dimensity 1080 ஐக் கொண்டுள்ளது. நீங்கள் 6GB அல்லது 8GB RAM உடன் 128GB அல்லது 256GB விரிவாக்கக்கூடிய சேமிப்பகத்துடன் இந்த போன்களை வாங்கலாம்.
நிறங்கள் & விலை
Galaxy A34 5G மொபைல் ஆனது Lime, Graphite, Violet மற்றும் Silver ஆகிய நிறங்களில் வருகிறது. இந்த மொபைல் கீழ்கண்ட விலையில் விற்பனைக்கு வர இருக்கிறது.
8ஜிபி ரேம் + 128GB = ரூ.30,999
8ஜிபி ரேம் + 256GB = ரூ.32,999
அறிமுகச் சலுகையாக ரூ.3000 வரை வங்கிச் சலுகையும், ரூ.2500 வரை அப்கிரேடு சலுகையும் வழங்கப்படுகிறது.
அதேபோல் Galaxy A54 5Gஆனது லைம், கிராஃபைட், வயலட் மற்றும் வெள்ளை நிறங்களில் கிடைக்கிறது. இந்த மொபைல் கீழ்கண்ட விலையில் விற்பனைக்கு வர இருக்கிறது.
8ஜிபி ரேம் + 128GB = ரூ.38,999
8ஜிபி ரேம் + 256GB = ரூ.40,999
சலுகை
அறிமுகச் சலுகையாக ரூ.3000 வரை வங்கிச் சலுகையும், ரூ.2500 வரை அப்கிரேடு சலுகையும் வழங்கப்படுகிறது. இரு மொபைல்களும் இந்த மாதம் 28 முதல் இந்தியாவில் விற்பனைக்கு வரும். இதை சாம்சங் ஆன்லைன் ஸ்டோர் மற்றும் பிற ஆன்லைன் தளங்களில் வாங்க முடியும். இந்த மொபைல்களை 16 (இன்று) முதல் 27 ஆம் தேதி வரை முன்பதிவு செய்பவர்களுக்கு ‘கேலக்ஸி லைவ் பட்ஸ்’ வெறும் ரூ.999க்கு கிடைக்கும்.
