அடுத்தவாரம் இந்தியாவில் வெளியாகும் Samsung Galaxy F14 5G போனின் விவரங்கள் கசிந்துள்ளன

 

சாம்சங் நிறுவனம் புதிய எஃப்-சீரிஸ் ஸ்மார்ட்போனை இந்தியாவில் விரைவில் அறிமுகப்படுத்த இருக்கிறது. இந்த புதிய Galaxy F14 போன் இந்தியாவில் பட்ஜெட் ஸ்மார்ட்போனாக அறிமுகமாகும் என்று எதிர்பார்க்கப்படுகிறது. இந்த மொபைல் இந்தியாவில் குறைந்தவிலையில் வரும் 5G போன்களில் ஒன்றாக இருக்கும். இந்தியாவில் Galaxy F14 5G வெளியீட்டு தேதியை சாம்சங் இன்னும் அதிகாரப்பூர்வமாக உறுதிப்படுத்தவில்லை. இதற்கிடையில், இந்நிலையில் இப்போது வரவிருக்கும் சாம்சங் ஸ்மார்ட்போன் பற்றிய சில முக்கிய விவரங்கள் இணையத்தில் வெளியாகி இருக்கிறது.

சாம்சங் நிறுவனம் கேலக்ஸி F14 5G மொபைலை அடுத்த வாரம் இந்தியாவில் அறிமுகப்படுத்தும் என்று IANS தெரிவித்துள்ளது. ஆனால் தேதியைக் குறிப்பிட்டு சொல்ல வில்லை. இதுதவிர இந்தியாவில் அதன் விலை வரம்புடன் தொலைபேசியின் சில முக்கிய விவரக்குறிப்புகளைப் பகிர்ந்து இருக்கிறது. இந்தியாவில் வெளியாக இருக்கும் Samsung Galaxy F14 5G மொபைலின் விலை, இருப்பதாய் கூறப்படும் இணையதள விவரக்குறிப்புகளை இப்போது பார்க்கலாம்.

 

குறைந்த விலை 5ஜி போன்

சாம்சங் கேலக்ஸி F14 5G இந்தியாவில் மிகவும் மலிவு விலையில் கிடைக்கும் 5G ஸ்மார்ட்போன்களில் ஒன்றாக இருக்கும் என்று ஒரு புதிய கசிவு தெரிவிக்கிறது. இந்த போன் அடுத்த வாரம் இந்தியாவில் அறிமுகம் செய்யப்படும் எனக் கூறப்படுகிறது. சாம்சங் தனது இந்த புதிய எஃப்-சீரிஸ் ஸ்மார்ட்போனை இந்தியாவில் ரூ.15,000க்குள் அறிமுகப்படுத்தும் என்று ஐஏஎன்எஸ் அறிக்கை கூறுகிறது. இந்தியாவில் அறிமுகப்படுத்தப்படும் இந்த ஸ்மார்ட்போன் பல வகையில் ‘முதன்முதல்’ அம்சங்களோடு வெளியாகும் என்று கூறப்படுகிறது.

 

சிப்செட்

Galaxy F14 5G இந்தியாவில் 5nm Exynos SoC உடன் இந்தியாவில் அறிமுகப்படுத்தப்படும் என்று அறிக்கை கூறியது. அறிக்கைகளின்படி, Galaxy F14 5G ஆனது Exynos 1330 SoC ஐக் கொண்டிருக்கும். ஆக்டா-கோர் சிப்செட் இரண்டு ARM Cortex-A78 கோர்கள் மற்றும் ஆறு Cortex-A55 கோர்களைக் கொண்டுள்ளது.

பேட்டரி

Galaxy F14 5G ஆனது ஹூட்டின் கீழ் திறன்மிக்க 6000mAh பேட்டரியைக் கொண்டு இருக்கும் என்று கூறப்படுகிறது. இது 25W வேகமான சார்ஜிங்கிற்கான ஆதரவையும் கொண்டிருக்கும் என்று எதிர்பார்க்கப்படுகிறது. இந்த போன் கீக்பெஞ்சில் சமீபத்தில் காணப்பட்டது. இது குறைந்தது 6ஜிபி ரேம் உடன் வெளியிடப்படும் என்று தகவல் தெரிவிக்கிறது. 4ஜிபி ரேம் வேரியண்டும் வெளியாகும் என எதிர்பார்க்கலாம். Galaxy F14 5G ஆனது ஆண்ட்ராய்டு 13 உடன் வெளியிடப்படுவது உறுதிசெய்யப்பட்டுள்ளது. எதிர்பார்த்தபடி, இந்த போன் ஆண்ட்ராய்டு 13க்கு மேல் One UI 5ஐ இயக்கும்.

 

மறுபதிப்பு

இந்த போன் ரீபேட்ஜ் செய்யப்பட்ட Galaxy A14 5G அல்லது Galaxy M14 5G ஆக இருக்கலாம் என்று ஊகிக்கப்படுகிறது. அப்படி இருக்கும்பட்சத்தில், Galaxy F14 5G ஆனது 2408 × 1080 பிக்சல்களின் முழு HD+ அடர்த்தி கொண்ட 6.6 அங்குல PLS LCD பேனலைக் கொண்டிருக்கும்.

 

கேமரா

மொபைலின் பின்புறத்தில், மூன்று கேமரா அமைப்பு இருக்கும். இதில் f/1.8 அப்பச்சருடன் கூடிய 50MP பிரதான கேமராவாக இருக்கும். இதோடு  2MP டெப்த் சென்சார் மற்றும் 2MP மேக்ரோ கேமராவும் இருக்க வாய்ப்புள்ளது. Galaxy F14 5G ஆனது முன்பக்கத்தில் 13MP கேமரா சென்சாரைக் கொண்டிருக்கும்.

 

கனெக்டிவிட்டி

இந்த மொபைல் 5G, Wi-Fi 5, புளூடூத் v5.2, GPS, இரட்டை சிம் கார்டு ஸ்லாட், NFC, USB டைப்-சி போர்ட் மற்றும் 3.5mm ஹெட்ஃபோன் ஜாக் ஆகியவற்றிற்கான ஆதரவை வழங்கக்கூடும். பக்கவாட்டில் பொருத்தப்பட்ட கைரேகை ஸ்கேனர் மற்றும் AI ஃபேஸ் அன்லாக்கிற்கான ஆதரவும் இருக்கும் எனக் கூறப்படுகிறது. ஆனால், இந்தியாவில் F14 5G அறிமுகம் குறித்த எந்த விவரங்களையும் சாம்சங் அதிகாரப்பூர்வமாக இன்னும் உறுதிப்படுத்தவில்லை.