பட்ஜெட் விலையில் புதிய ஒன்ப்ளஸ் நோர்ட் சிஇ3 லைட் 5ஜி போன்!

இந்தியர்கள் மத்தியில் ஒன்பிளஸ் போன்களுக்கு இருக்கும் மவுசு குறித்து நாங்கள் சொல்லி உங்களுக்கு தெரிய வேண்டியதில்லை. அந்த மவுசை இன்னும் கொஞ்சம் அதிகரிக்கும் நோக்கத்தின் கீழ் ஒன்பிளஸ் நிறுவனம் ரூ.20,000 க்குள் என்கிற பட்ஜெட்டில் புதிய ஸ்மார்ட்போன் ஒன்றை அறிமுகம் செய்யவுள்ளது! அது ஒன்பிளஸ் நோர்ட் சிஇ 3 லைட் 5ஜி (OnePlus Nord CE 3 Lite 5G) மாடலாகும். இது கடந்த பிப்ரவரி 2022 இல் அறிமுகப்படுத்தப்பட்ட ஒன்பிளஸ் நோர்ட் சிஇ 2 லைட் (OnePlus Nord CE 2 Lite) ஸ்மார்ட்போனின் மேம்படுத்தப்பட்ட “வாரிசாக” இருக்கும்.

 

OnePlus Nord CE 2 Lite 5G முக்கிய அம்சங்கள்:

ஒன்பிளஸ் நோர்ட் சிஇ 3 லைட் 5ஜி ஸ்மார்ட்போனில் ட்ரிபிள் ரியர் கேமரா செட்டப் இடம்பெறும். அதில் இரண்டு பெரிய வட்ட வடிவிலான கேமரா மாட்யூல்கள் இருக்கும். மேலும் இது 120ஹெர்ட்ஸ் ரெஃப்ரெஷ் ரேட்டை ஆதரிக்கும் ஃபுல்எச்டி+ பிளாட் எல்சிடி டிஸ்பிளேவை கொண்டிருக்கும். இதில் பக்கவாட்டில் பொருத்தப்பட்ட ஃபிங்கர் பிரிண்ட் ஸ்கேனரும் இடம்பெறும்.

விலை

ஒன்பிளஸ் நோர்ட் சிஇ 3 லைட் 5ஜி ஸ்மார்ட்போனானது கண்டிப்பாக ரூ.20,000 க்குள் என்கிற பட்ஜெட்டின் கீழ் தான் அறிமுகம் செய்யப்படும். ரியல்மி, சியோமி, ரெட்மி போன்ற நிறுவனங்களின் பட்ஜெட் விலை 5ஜி போன்களுக்கு போட்டியாக இது ரூ.18,999 க்கு அறிமுகமானாலும் ஆச்சரியப்படுவதற்கில்லை.

 

எப்போது அறிமுகமாகும்?

ஒன்பிளஸ் நோர்ட் சிஇ 3 லைட் 5ஜி ஸ்மார்ட்போனானது ஒன்பிளஸ் இந்தியா (OnePlus India) வலைதளத்தில் காணப்பட்டுள்ளதால் இது கூடிய விரைவில் இந்தியாவில் அறிமுகம் செய்யப்படும் என்று எதிர்பார்க்கப்படுகிறது. ஆனால் சரியான வெளியீட்டு தேதி குறித்து எந்த தகவலும் இல்லை; ஒன்பிளஸ் நிறுவனத்திடம் இருந்தும் கூட அதிகாரப்பூர்வ தகவல் இல்லை.

டிஸ்ப்ளே

ஒன்பிளஸ் நோர்ட் சிஇ 3 லைட்டின் “முன்னோடியான” நோர்ட் சிஇ 2 லைட் ஆனது 120ஹெர்ட்ஸ் டைனமிக் ரெஃப்ரெஷ் ரேட் உடனான 6.59 அங்குல ஃபுல்-எச்டி+ டிஸ்ப்ளே, ஆண்ட்ராய்டு 13 ஓஎஸ்-ஐ அடிப்படையாக கொண்ட ஆக்ஸிஜென் ஓஎஸ்13, ஆக்டா-கோர் ஸ்னாப்டிராகன் 695 சிப்செட், 8ஜிபி வரையிலான ரேம் போன்ற அம்சங்களை கொண்டுள்ளது.

 

கேமரா

கேமராக்களை பொறுத்தவரை, 64எம்பி + 2எம்பி + 2எம்பி என்கிற ஏஐ ட்ரிபிள் ரியர் கேமரா செட்டப் உள்ளது; வீடியோ அழைப்புகள் மற்றும் செல்ஃபி புகைப்படங்கள் எடுக்க முன்பக்கத்தில் 16எம்பி செல்ஃபி கேமராவைக் கொண்டுள்ளது. இது தவிர்த்து 5ஜி, 4ஜி எல்டிஇ, வைஃபை 6, ப்ளூடூத் வி5.2 வெர்ஷன், 3.5மிமீ ஆடியோ ஜாக், 33W சூப்பர்வூக் ஃபாஸ்ட் சார்ஜிங்கிற்கான ஆதரவுடன் 5,000mAh பேட்டரி போன்றவைகளையும் கொண்டுள்ளது! ரூ.20,000 விலைப் பிரிவில் அறிமுகமாகும் இந்த போனின் வசதிகள் கண்டிப்பாக சிறந்தவை என்று கூறலாம். மேலும் ஒன்ப்ளஸ் ப்ராண்டுக்காகவும் இந்த போனுக்கு அதிக எதிர்பார்ப்பு இருக்கும்.