ஒருநாள் முன்னதாக..

ஷாவ்மி என்று சொன்னாலே, குறைந்த விலையில் டாப் கிளாஸ் அம்சங்கள்இருக்கும் என்று நம்பலாம். இந்த Xiaomi 13 மொபைல் சமீபத்தில் சீனாவில் வெளியிடப்பட்டது. பிப்ரவரி 27 ஆம் தேதி தொடங்கும் மொபைல் வேர்ல்ட் காங்கிரஸ் (MWC 2023) இன் போது, உலகளவில் ஷாவ்மி 13 ப்ரோ ஸ்மார்ட்போனை வெளியிடக்கூடும் என்று முந்தைய அறிக்கை சுட்டிக்காட்டியது. இருப்பினும், இது ஒரு நாள் முன்னதாக ஷாவ்மி தனது புதிய போனை அறிமுகம் செய்யவிருப்பதாக இப்போது உறுதிப்படுத்தியுள்ளது. Xiaomi 13 Pro வெளியீடு இந்தியாவிலும் உலகெங்கிலும் நிறுவனத்தின் அதிகாரப்பூர்வ வலைத்தளம் மற்றும் சமூக ஊடக தலங்களான Facebook, YouTube மற்றும் Twitter கணக்குகளில் நேரடியாக லைவ் செய்யப்படும் என்று நிறுவனம் அறிவித்துள்ளது.

மாஸ்டர் பீஸ்

ஷாவ்மி இந்த புதிய ஸ்மார்ட்போனை அதன் “லேட்டஸ்ட் மாஸ்டர்பீஸ் (Latest Masterpiece)” என்று குறிப்பிட்டுள்ளது. இது லைகாவுடன் (Leica) இணைந்து வடிவமைக்கப்பட்டுள்ளது. Xiaomi 13 Pro மாடல் சமீபத்தில் இந்திய BIS சான்றிதழில் காணப்பட்டது. இது இந்தியாவில் உடனடி அறிமுகத்தைப் பரிந்துரைக்கிறது. அது மட்டுமின்றி, தாய்லாந்து NBTC சான்றிதழ் இணையதளத்திலும் இந்த ஸ்மார்ட்போன் காணப்பட்டுள்ளது. நிறுவனத்தின் அறிவிப்புப் படி இது ஒரே நாள் உலகளவில் அறிமுகம் செய்யப்படுகிறது.

அம்சங்கள்

ஷாவ்மி 13 ப்ரோவின் பின்பக்கத்தில் மூன்று லைகா கேமராக்கள் வழங்கப்பட்டுள்ளன. இவை மூன்றுமே 50 மெகா பிக்சல் கேமராக்கள். கூடவே முன்பக்கத்தில் 32 மெகா பிக்சல் செஃபி கேமரா வழங்கப்பட்டுள்ளது. இதன் மூலம் இந்த மொபைல் கேமராவுக்கு அதிக முக்கியத்துவம் கொடுத்து வெளியாக இருக்கிறது என்பது தெளிவாகிறது.

சிப்செட் & இயங்குதளம்

அதுபோல் சமீபத்தில் வெளியான ஒன்ப்ளஸ் 11 சீரிஸில் இருந்த குவால்காம் ஸ்னாப்ட்ராகன் 8 Gen 2 சிப்செட் இந்த மொபைலில் பயன்படுத்தப்பட்டுள்ளது. இதுவரை வந்த ப்ராஸசர்களில் இதுவே அதிக திறன் வாய்ந்தது ஆகும்.

பாஸ்ட் சார்ஜிங்

அதுபோல் இந்த மொபைலின் இன்னொரு முக்கிய அம்சமாக இதன் பாஸ்ட் சார்ஜிங் வசதியைச் சொல்லலாம். 120W வயர்டு சார்ஜிங் மற்றும் 50W வயர்லெஸ் சார்ஜிங் வசதி இந்த மொபைலில் இருக்கிறது. இதனால் மொபைலை நிமிடங்களில் சார்ஜ் செய்து விடலாம்.

Xiaomi 13 Pro சிறப்பம்சங்கள்

• 6.73 அங்குல 2K OLED டிஸ்ப்ளே
• 120Hz ரெப்ரெஷ் ரேட் 1900 nits பீக் பிரைட்னஸ் (HDR10+)
• 50MP பிரைமரி கேமரா
• 50MP அல்ட்ரா-வைட்-ஆங்கிள் சென்சார்
• 50MP டெலிஃபோட்டோ சென்சார்
• லைக்கா-பொருத்தப்பட்ட டிரிபிள் ரியர் கேமரா அமைப்பு
• 32எம்பி செல்ஃபி கேமரா
• Qualcomm Snapdragon 8 Gen 2 சிப்செட்
• ஆண்ட்ராய்டு 13 அடிப்படையிலான MIUI 14 கஸ்டம் ஸ்கின்
• 120W ஃபாஸ்ட் சார்ஜிங்
• 50W வயர்லெஸ் சார்ஜிங்
• 4,820mAh பேட்டரி
• 5G
• 4G LTE
• Wi-Fi 6
• USB டைப்-சி போர்ட்
• ப்ளூடூத் 5.3
• NFC, GPS

விலை

சீனாவில் அறிமுகப்படுத்தப்பட்ட Xiaomi 13 Pro ஸ்மார்ட்போனின் 8ஜிபி+128ஜிபி ஸ்டோரேஜ் வேரியண்ட் மாடலின் விலை CNY 4,999 ஆகும். இந்திய மதிப்பில் இது தோராயமாக ரூ. 59,200 ஆகும். இதன் 8GB+256GB, 12GB+256GB, மற்றும் 12GB+512GB மாடல்கள் முறையே, இந்திய மதிப்பில் தோராயமாக ரூ. 64,000, ரூ. 68,700 மற்றும் ரூ. 74,600 விலையில் அறிமுகமாகலாம்.

The post ஒன்ப்ளஸ்க்கு போட்டியாக வருகிறது ஷாவ்மி 13 ப்ரோ! first appeared on .

ஒன்பிளஸ் (OnePlus) நிறுவனம் சமீபத்தில் அதனுடைய பிளாக் ஷிப் ஸ்மார்ட்போன் மாடலான ஒன்பிளஸ் 11 (OnePlus 11) மொபைலை சீனாவில் அறிமுகம் செய்துள்ளது. இந்த ஸ்மார்ட் போன் குவால்காம் ஸ்னாப்டிராகன் 8 ஜென் சிப்செட்டுடன், QHD+ கொண்ட 120Hz OLED டிஸ்ப்ளேவை கொண்டுள்ளது. இந்த சாதனம் 100W பாஸ்ட் சார்ஜிங் சப்போர்ட் உடன் வருகிறது. இருப்பினும் இந்த ஸ்மார்ட்போன் சமீபத்தில் நடத்தப்பட்ட பரிசோதனையில், ஒரே ஒரு தேர்வில் மட்டும் ஃபெயில் ஆகியுள்ளது.

பேட்டரி மோசம்

இந்த ஸ்மார்ட்போனின் பேட்டரி மிகவும் மோசமாக (Battery performance) உள்ளது என்று அதிர்ச்சி தகவல் வெளியாகியுள்ளது. ஒன்பிளஸ் நிறுவனத்தின் இந்த புதிய ஒன்பிளஸ் 11 மொபைல் 5 மணி நேரம் மற்றும் 33 நிமிடங்கள் மட்டுமே ஸ்கிரீன்-ஆன்-டைம் (Screen-on-time) நேரத்தை வழங்கி உள்ளது. சீன டெக் ரிவியூவர் Xiaobai’s டெக் ரிவியூ கூற்றின்படி இந்த தகவல் வெளியிடப்பட்டுள்ளது.

குறைந்த மதிப்பெண்கள்

இதுவரை ஸ்னாப்டிராகன் 8 ஜென் 2 சிப்செட்டுடன் அறிமுகம் செய்யப்பட்ட ஸ்மார்ட் ஃபோன்களிலேயே இந்த மொபைல் தான் குறைந்த பேட்டரி பயன்பாட்டைக் கொண்டுள்ளதாகக் கூறப்படுகிறது. இது ஏதேனும் சாஃப்ட்வேர் கோளாறால் ஏற்பட்டிருக்கும் என்றும் சந்தேகிக்கப்படுகிறது. கடந்த ஐந்து மாதங்களில், அறிமுகம் செய்யப்பட்ட பலவிதமான ஸ்மார்ட்போன்களின் பேட்டரி ஆயுளுடன் (Smartphone battery life) இந்த புதிய ஒன்பிளஸ் 11 மொபைலின் பேட்டரி ஆயிளும் ஒப்பிடப்பட்டுள்ளது. இறுதிக் கட்ட முடிவில் OnePlus 11 பேட்டரி செக்மென்ட்டில் மட்டும் குறைந்த மதிப்பெண்களைப் பெற்றுள்ளதாகத் தெரிவிக்கப்பட்டுள்ளது.

சோதனை

இந்த பேட்டரி சோதனையின் பொழுது, ஒன்பிளஸ் 11 சாதனம் பலவிதமான பயன்பாட்டிற்கு உள்ளடக்கப்பட்டது – இதில் சமூக வலைத்தள சர்ஃபிங் (social media), வீடியோ (Video), மியூசிக் ஸ்ட்ரீமிங் (Music streaming), வீடியோ ரெக்கார்டிங் (Video recording), ஹெவி கிராபிக்ஸ் கொண்ட கேம்ஸ் (heavy graphic games) என்று பல கட்ட சோதனையின் முடிவில் ஒன்பிளஸ் 11 சாதனம் குறைந்த பேட்டரி பயன்பாட்டைக் கொண்டுள்ளதாக மதிப்பெண்கள் (OnePlus 11 Battery performance marks) வழங்கப்பட்டுள்ளது.

ஒப்பீடு

குறிப்பாக இந்த ஸ்மார்ட்போன் மியூசிக் ஸ்ட்ரீமிங் மற்றும் சோசியல் மீடியா ஸ்க்ரோலிங் போன்ற வேலைகளில் ஈடுபடும் போது அதிக நேர பேட்டரி சக்தியை விரைவாக காலி செய்தது கண்டறியப்பட்டுள்ளது. ஒன்பிளஸ் 11 மொபைல் தனது 80 சதவீத பேட்டரி பயன்பாட்டை மிகவும் வேகமாக எடுத்துக் கொண்டது என்று டிப்ஸ்ட்டரின் ஆதாரங்கள் காண்பிக்கிறது. இது சமீபத்தில் வெளியான சியோமி 13 ப்ரோ (Xiaomi 13 Pro) மொபைலை விட குறைவானது என்பது கவனிக்கத்தக்கது. இந்த ஸ்மார்ட் போனில் 5000mAh பேட்டரி வழங்கப்பட்டிருந்தாலும், இதனுடைய ஆற்றல் ரெட்மி கே60 ப்ரோ (Redmi K60 Pro) போன்ற மொபைலின் அளவுக்கே இருந்துள்ளது. இன்னும் சில மாடல்கள் உடன் ஒப்பிடும்போது ஒன்பிளஸ் 11 பேட்டரி குறைந்த மதிப்பெண்களைப் பெற்றுள்ளது.

முதலிடம்

ஆனால், இதற்கு முன்பு வெளியிடப்பட்ட AnTuTu மதிப்பெண்களின்படி உலக ஆண்ட்ராய்டு ஸ்மார்ட்போன் வரலாற்றிலேயே உயர் பர்பாமன்ஸ், சிறந்த டிஸ்ப்ளே, சிறந்த கேமிங் அனுபவம், சிறந்த யூஐ (UI) அனுபவம் என்று பல கட்டங்களில் அதிக மதிப்பெண்களைப் பெற்ற முதல் ஸ்மார்ட்போனாக OnePlus 11 இடம் பிடித்துள்ளது என்பது குறிப்பிடத்தக்கது. பேட்டரி பிரிவில் மட்டும் ஒன்பிளஸ் இப்போது குறைந்த மதிப்பெண்களை ஸ்கோர் செய்துள்ளது. இருப்பினும் ஒட்டுமொத்த ரேங்கிங் தரவரிசை பட்டியலில் OnePlus 11 முதலிடத்தில் உள்ளது. இந்த பேட்டரி பெர்ஃபார்மன்ஸ் சிக்கலை ஒன்ப்ளஸ் நிறுவனம் அடுத்த அப்டேட்டில் சரி செய்யும் என்று எதிர்பார்க்கப்படுகிறது.

The post குறைந்த பேட்டரி பயன்பாட்டைக் கொண்ட ஒன்ப்ளஸ் 11! first appeared on .

OnePlus 11 ஸ்மார்ட்போனில் ஒரு முக்கியமான அம்சத்தை சேர்த்துள்ளது! அதென்ன அம்சம்? ஒன்பிளஸ் 11 ஸ்மார்ட்போன் எப்போது அறிமுகமாகும்? அது வேறு என்னென்ன அம்சங்களைக் கொண்டு இருக்கும்? என்ன விலை? விரிவாக பார்க்கலாம்!

சிப்செட்

விரைவில் அறிமுகமாகவுள்ள ஒன்பிளஸ் 11 ஸ்மார்ட்போன் ஆனது குவால்காமின் லேட்டஸ்ட் சிப்செட் ஆன ஸ்னாப்டிராகன் 8 ஜென் 2 கொண்டு இயங்கும் என்பது உறுதி செய்யப்பட்டுள்ளது. இந்த சிப்செட், இந்த வார தொடக்கத்தில் ஹவாயில் நடந்த குவால்காம் நிறுவனத்தின் Snapdragon Summit 2022-ல் தான் வெளியிடப்பட்டது.

முக்கிய அம்சம்!

ஒன்பிளஸ் வெளியிட்டுள்ள ஒரு டீஸர் போட்டோவில் – “ஒன்பிளஸ் 11 என்பது இரண்டாம் தலைமுறை ஸ்னாப்டிராகன் 8 மொபைல் பிளாட்ஃபார்ம் உடன் பொருத்தப்பட்ட முதல் பேட்ச் ஆகும். மேலும் மொபைல் போன்களுக்கான ‘ரே டிரேசிங்’கும் (Ray tracing) திறந்து விடப்படும்! என்று குறிப்பிட்டுள்ளது.

Ray tracing என்றால் வீடியோ கேம்களில் உள்ள ஹை-எண்ட் கிராபிக்ஸ் காட்சிகளை மேம்படுத்தும் ஒரு தொழில்நுட்பம் ஆகும். கேமிங் கன்சோல்கள் மற்றும் கணினிகளில் கிடைக்கும் Ray tracing ஆனது குவால்காமின் புதிய ஸ்னாப்டிராகன் 8 ஜென் 2 சிப் மூலம் முதல் முறையாக ஸ்மார்ட்போன்களுக்கும் வருகிறது!

பிற அம்சங்கள்

ஒன்பிளஸ் மட்டுமின்றி சியோமி, மோட்டோரோலா, ஒப்போ, விவோ, ஐக்யூ, ரியல்மி, நுபியா, ஹானர், சோனி மற்றும் Asus போன்ற பிராண்டுகளும் கூட குவால்காமின் இந்த லேட்டஸ்ட் சிப்செட்டை தங்களது ஸ்மார்ட்போன்களில் பயன்படுத்த உள்ளன. ஆனால், Snapdragon 8 Gen 2-ஐ கொண்டு வெளிவரும் முதல் சில ஸ்மார்ட்போன்களில் ஒன்பிளஸ் 11 மாடலும் இடம்பெறும் என்பதில் சந்தேகமே வேண்டாம்.

எப்போது அறிமுகம்?

ஒன்பிளஸ் 11 ஸ்மார்ட்போனின் அறிமுக தேதியை பொறுத்தவரை, இரண்டு வகையான தகவல்கள் உள்ளன. சில தகவல்கள் இது அடுத்த மாதம், அதாவது டிசம்பர் மாதம் முதல் வாரமே அறிமுகம் ஆகும் என்கிறது. இன்னொரு தகவல், ஒன்பிளஸ் 11 ஆனது அடுத்த ஆண்டு (2023) தொடக்கத்தில் தான் அறிமுகமாகும் என்கிறது. இருப்பினும், Xiaomi, Motorola, Oppo மற்றும் iQOO போன்ற நிறுவனங்களுடனான போட்டி காரணமாக இது கூடிய விரைவில் அறிமுகமாகும் என்பது மட்டும் உறுதி!

அம்சங்கள்

ஒன்பிளஸ் 11 ஸ்மார்ட்போன் ஆனது QHD+ ரெசல்யூஷன் மற்றும் 120Hz ரெஃப்ரெஷ் ரேட்டை வழங்கும் 6.7 அங்குல அளவிலான AMOLED டிஸ்ப்ளேவுடன் வரலாம். கேமராக்களை பொறுத்தவரை, இதில் 50 மெகாபிக்சல் மெயின் சென்சார் + 48 மெகாபிக்சல் அல்ட்ராவைடு சென்சார் + 32 மெகாபிக்சல் டெலிஃபோட்டோ சென்சார் என்கிற ட்ரிபிள் ரியர் கேமரா செட்டப் இடம்பெறலாம். முன்பக்கத்தில் 32-மெகாபிக்சல் செல்ஃபி கேமரா இருக்கலாம்.

என்ன விலை?

16GB வரையிலான ரேம் மற்றும் 512GB அளவிலான இன்டர்னல் ஸ்டோரேஜ், Android 13 ஓஎஸ் அடிப்படையிலான OxygenOS 13 ஓஎஸ், 100W பாஸ்ட் சார்ஜிங் சப்போர்ட் உடனான 5000எம்ஏஎச் பேட்டரி போன்ற அம்சங்களுடன் வரும் என்று எதிர்ப்பார்க்கப்படும் ஒன்பிளஸ் 11 ஸ்மார்ட்போனின் சரியான விலை விவரங்கள் குறித்து எந்த தகவலும் இல்லை! இருப்பினும் இது ரூ.50,000 என்ற விலை பிரிவில் வெளியாகும் என்று தெரிகிறது.

The post முதல் முறையாக் ‘ரே ட்ரேசிங்’ தொழில்நுட்பத்துடன் அறிமுகமாகிறது ஒன்பிளஸ் 11 first appeared on .

குவால்காம் நிறுவனம், தனது குவால்காம் டெக் சம்மிட் 2022 நிகழ்வில் புதிய ஸ்னாப்டிராகன் 8 ஜென் 2 பிராசஸரை அறிமுகம் செய்தது. இந்த புதிய பிராசஸர் முந்தைய ஜென் 1-ஐ விட 35 சதவீதம் மேம்பட்ட செயல்திறன், 40 சதவீதம் மேம்பட்ட மின்திறன் பயன்பாட்டை வழங்குகிறது.

திறன்

இந்த பிராசஸர் புதிய 1-4-1 மைக்ரோ-ஆர்கிடெக்ச்சரில் உருவாக்கப்பட்டு இருக்கிறது. இதில் 1x பிரைம் கோர், அதிகபட்சம் 3.2 ஜிகாஹெர்ட்ஸ், 4x கோர்கள், அதிகபட்சம் 2.8 ஜிகாஹெர்ட்ஸ் உள்ளது. ஸ்னாப்டிராகன் 8 ஜென் 2 பிராசஸருடன் புதிய அட்ரினோ GPU வழங்கப்பட்டு இருக்கிறது. இது முந்தைய GPU-வை விட 25 சதவீதம் வேகமானது. மேலும் 45 சதவீதம் சிறப்பான மின்திறன் மேம்பாடு கொண்டது. இத்துடன் ஸ்னாப்டிராகன் எலைட் கேமிங் அம்சங்கள், ரியல்-டைம் ஹார்டுவேர், நிஜ உருவம் போன்ற தோற்றம் வழங்கும் சிறப்பான ரே டிரேசிங் வழங்கப்பட்டு இருக்கிறது.

எந்த போன்களில் வரும்?

புதிய குவால்காம் ஸ்னாப்டிராகன் 8 ஜென் 2 பிராசஸர் பல்வேறு பிளாக்ஷிப் ஸ்மார்ட்போன் மாடல்களில் வழங்கப்பட இருக்கிறது. அந்த வகையில் அசுஸ் ரோக், ஹானர், ஐக்கூ, மோட்டோரோலா, நுபியா, ஒன்பிளஸ், ஒப்போ, ரெட்மேஜிக், ரெட்மி, ஷார்ப், சோனி, விவோ, சியோமி, சின்ஜி/மெய்சூ மற்றும் இசட்டிஇ நிறுவன ஸ்மார்ட்போன்களில் புதிய ஸ்னாப்டிராகன் 8 ஜென் 2 பிராசஸர் வழங்கப்பட இருக்கிறது.

ஷாவ்மி Vs விவோ X90 ப்ரோ பிளஸ்

ஷாவ்மி நிறுவனத்தின் புது ஃப்ளாக்ஷிப் (சியோமி 13 சீரிஸ்) ஸ்னாப்டிராகன் 8 ஜென் 2 பிராசஸர் கொண்ட முதல் ஸ்மார்ட்போன் என்ற பெருமையை பெறும் என ஷாவ்மி தலைமை செயல் அதிகாரி லெய் ஜூன் தெரிவித்து இருக்கிறார். எனினும், அடுத்த வாரம் அறிமுகம் செய்யப்பட இருக்கும் விவோ X90 ப்ரோ பிளஸ் மாடலில் ஸ்னாப்டிராகன் 8 ஜென் 2 பிராசஸர் வழங்கப்படும் என தெரிகிறது. இது உண்மையாகும் பட்சத்தில் விவோ X90 ப்ரோ பிளஸ் தான் புது ஸ்னாப்டிராகன் பிராசஸர் கொண்ட முதல் ஸ்மார்ட்போன் என்ற பெருமையை பெறும்.

இதுதவிர மோட்டோரோலா நிறுவனத்தின் X40 ஸ்மார்ட்போனிலும் இந்த பிராசஸர் வழங்கப்பட இருக்கிறது. ஒன்பிளஸ் 11 சீரிஸ் மற்றும் ஐக்கூ 11 ஸ்மார்ட்போன்களிலும் ஸ்னாப்டிராகன் 8 ஜென் 2 பிராசஸர் வழங்கப்படுகிறது. இதே போன்று பல்வேறு நிறுவன ஸ்மார்ட்போன்களிலும் இந்த பிராசஸர் வழங்கப்படுகிறது.

ஐக்கூ 11 சீரிஸ்

குவால்காம் ஸ்னாப்டிராகன் 8 ஜென் 2 பிராசஸரோடு வெளியாக இருக்கும் ஐக்கூ நிறுவனத்தின் 11 சீரிஸ் போன்களைப் பற்றிய சில தகவல்கள் இணையத்தில் வெளியாகி உள்ளன.

ஐக்கூ நிறுவனம் தனது ஐக்கூ 11 சீரிஸ் ஸ்மார்ட்போன்களை சீனாவில் அறிமுகம் செய்வதற்கான பணிகளில் ஈடுபட்டு வருகிறது. இதில் ஐக்கூ 11 மற்றும் ஐக்கூ 11 ப்ரோ என இரு மாடல்கள் இடம்பெற்று இருக்கும் என கூறப்படுகிறது. ஐக்கூ 11 சீரிஸ் அம்சங்கள் பற்றி அந்நிறுவனம் இதுவரை எந்த தகவலையும் வழங்கவில்லை. எனினும், புது ஸ்மார்ட்போன் விவரங்கள் தற்போது இணையத்தில் லீக் ஆகி உள்ளது. புதிய ஐக்கூ 11 ப்ரோ அம்சங்கள் மட்டுமின்றி இதன் இந்திய வெளியீடு பற்றிய தகவலும் வெளியாகி உள்ளது.

அதன்படி இந்தியாவில் புதிய ஐக்கூ 11 ப்ரோ ஸ்மார்ட்போன் அடுத்த ஆண்டு ஜனவரி மாத வாக்கில் அறிமுகம் செய்யப்படும் என கூறப்படுகிறது. எனினும், இந்த ஸ்மார்ட்போனின் சரியான வெளியீட்டு தேதி பற்றி இதுவரை எந்த தகவலும் இல்லை.
அம்சங்களை பொருத்தவரை ஐக்கூ 11 ப்ரோ மாடலில் குவால்காம் ஸ்னாப்டிராகன் 8 ஜென் 2 பிராசஸர் வழங்கப்படும் என கூறப்படுகிறது. இத்துடன் விவோ நிறுவனத்தின் புதிய வி2 சிப், 6.78 அங்குல E6 AMOLED டிஸ்ப்ளே, 144Hz ரிப்ரெஷ் ரேட், ஆண்ட்ராய்டு 13 ஒஎஸ், பிஎம்டபிள்யூ M மோட்டார்ஸ்போர்ட் சார்ந்த டிசைன் வழங்கப்படும் என கூறப்படுகிறது.

புகைப்படங்களை எடுக்க 50MP பிரைமரி கேமரா, 50MP, 48MP மற்றும் 64MP கேமரா, 32MP செல்ஃபி கேமரா வழங்கப்படுகிறது. இந்த ஸ்மார்ட்போனில் 4700 எம்ஏஹெச் பேட்டரி வழங்கப்படுகிறது. இத்துடன் 200 வாட் பாஸ்ட் சார்ஜிங் வசதியும் வழங்கப்படும் எனத் தெரிகிறது.

The post அறிமுகமானது குவால்காம் ஸ்னாப்டிராகன் 8 ஜென் 2 பிராசஸர் first appeared on .