Xiaomi தனது புதிய Redmi ஸ்மார்ட்போனை தொழில்நுட்ப சந்தையில் விரைவில் அறிமுகப்படுத்தலாம். இந்த போன் Redmi 12 என்ற பெயரில் பல சந்தைகளில் அறிமுகப்படுத்தப்படும் என்று எதிர்பார்க்கப்படுகிறது. இருப்பினும், இந்த கைபேசி குறித்து நிறுவனம் இதுவரை எந்த அதிகாரப்பூர்வ தகவலையும் வழங்கவில்லை. ஆனால், அறிமுகத்திற்கு முன்னதாக, இந்த பட்ஜெட் ஸ்மார்ட்போன் பல சான்றிதழ் இணையதளங்களில் காணப்பட்டது. இது அதன் ஆரம்ப நுழைவு பற்றிய ஊகங்களுக்கு வழிவகுத்தது.

Redmi 12 சான்றிதழ் தளங்களில் காணப்பட்டது

இந்த மொபைல் EEC, IMDA, Bureau of Indian Standards (BIS) மற்றும் NBTC ஆகிய நான்கு சான்றிதழ் இணையதளங்களில் காணப்பட்டது. ரெட்மி ஸ்மார்ட்போனின் Listing இந்த மொபைல் விரைவில் அறிமுகமாகும் என அறிவிக்கிறது. ரெட்மி 12 பற்றி வெளியிடப்பட்ட தகவல்களைப் பார்ப்போம்.

Redmi 12 சான்றிதழ் விவரங்கள்

• ரெட்மி 12 போன் NBTC இணையதளத்தில் மாடல் எண் 23053RN02A உடன் காணப்பட்டது.
• அதே இந்த மொபைல் BIS, IMDA மற்றும் EEC சான்றிதழ் வலைத்தளங்களிலும் காணப்பட்டது, இது மொபைலின் மாதிரி எண்ணையும் வெளிப்படுத்தியது.
• துரதிர்ஷ்டவசமாக, வரவிருக்கும் ரெட்மி ஸ்மார்ட்போனின் எந்த விவரக்குறிப்புகளையும் பட்டியல் வெளிப்படுத்தவில்லை.
• Redmi 12 முன்பு FCC மற்றும் IMEI சான்றிதழ் இணையதளங்களில் காணப்பட்டது.
• இதன் இயங்குதளம் MIUI 14 ஆனது ஆண்ட்ராய்டு 13ஐ அடிப்படையாகக் கொண்டதாக இருக்க வேண்டும்.
• இந்த மொபைல் MDY-12-EA மாதிரி எண் கொண்ட சார்ஜர் மூலம் சோதிக்கப்பட்டது.
• இந்த மொபைல் 33W வேகமான சார்ஜிங்கை ஆதரிக்கும்

மொபைலின் மற்ற விவரக்குறிப்புகள், அதன் காட்சி, அளவு, கேமரா விவரக்குறிப்புகள் மற்றும் சிப்செட் பற்றிய தகவல்கள் இன்னும் வெளியிடப்படவில்லை. இது தவிர, Xiaomi மொபைலின் வெளியீட்டு தேதியை உறுதிப்படுத்தவில்லை. இருப்பினும், மொபைல் பெற்ற சான்றிதழ்களின் எண்ணிக்கையைக் கருத்தில் கொண்டு, Redmi 12 அடுத்த மாதம் அல்லது அதற்கு முன்னதாக வெவ்வேறு சந்தைகளில் அறிமுகமானால் ஆச்சரியப்படுவதற்கில்லை.

The post பல சான்றிதழ் தளங்களில் காணப்பட்டது Redmi 12. குறைந்த விலை போனாக விரைவில் வெளியாக வாய்ப்பு first appeared on .

ஷாவ்மி 13 ப்ரோ ஸ்மார்ட்போன் ஆனது 6.73 அங்குல 2கே ஒஎல்இடி hyperbolic flexible LTPO டிஸ்பிளே வசதியைக் கொண்டுள்ளது. கூடவே எச்டிஆர் 10 பிளஸ் ஆதரவு, டால்பி விஷன், 120 ஹெர்ட்ஸ் ரெஃப்ரெஷ் ரேட்,1900 நிட்ஸ் ப்ரைட்னஸ், கொரில்லா கிளாஸ் விக்டஸ் பாதுகாப்பு உள்ளிட்ட பல சிறப்பு அம்சங்களுடன் இந்த புதிய ஷாவ்மி போன் வெளிவந்துள்ளது. முதற்கட்டமாக செராமிக் ஒயிட் (Ceramic White) மற்றும் செராமிக் ப்ளாக் (Ceramic Black) ஆகிய நிறஙக்ளில் இந்த மொபைல் வெளியாக இருக்கிறது.

சிப்செட்

ஷாவ்மி 13 ப்ரோ ஸ்மார்ட்போனில் தரமான ஸ்னாப்டிராகன் 8 ஜென் 2 சிப்செட் வசதி உள்ளது. எனவே இந்த ஸ்மார்ட்போன் இயக்கத்திற்கு மிகவும் அருமையாக இருக்கும். கூடவே MIUI 14 சார்ந்த ஆண்ட்ராய்டு 13 இயங்குதளத்தை அடிப்படையாகக் கொண்டு இந்த ஸ்மார்ட்போன் வெளிவந்துள்ளது என்பது குறிப்பிடத்தக்கது.

கேமரா

ஷாவ்மி 13 ப்ரோ போன் 50எம்பி Sony IMX989 பிரைமரி கேமரா + 50எம்பி Leica டெலிபோட்டோ லென்ஸ் + 50எம்பி அல்ட்ரா வைடு லென்ஸ் என்கிற ட்ரிபிள் ரியர் கேமரா அமைப்பைக் கொண்டுள்ளது. இதில் உள்ள மெயின் கேமரா ஒரு அங்குல சென்சார் வகையைச் சேர்ந்தது. எனவே இந்த ஸ்மார்ட்போன் உதவியுடன் அட்டகாசமான புகைப்படங்கள் மற்றும் வீடியோவை எடுக்க முடியும். மேலும் செல்ஃபிகளுக்கும், வீடியோகால் அழைப்புகளுக்கும் என்றே 32எம்பி வழங்கப்பட்டுள்ளது. இதுதவிர எல்இடி பிளாஷ் மற்றும் பல கேமரா அம்சங்களைக் கொண்டுள்ளது.

மெமரி

12ஜிபி ரேம் மற்றும் 256 ஸ்டோரேஜ் வசதியைக் கொண்டுள்ளது புதிய ஷாவ்மி 13 ப்ரோ ஸமார்ட்போன் மாடல். மேலும் கண் பாதுகாப்பு சான்றிதழுடன் வெளிவந்துள்ளது இந்த ஸ்மார்ட்போன். இது தவிர Dolby Atmos ஆதரவுடன் டூயல் ஸ்பீக்கர்களை கொண்டுள்ளது.

பேட்டரி

4820mAh பேட்டரியைக் கொண்டு வெளிவந்துள்ளது இந்த ஷாவ்மி 13 ப்ரோ ஸ்மார்ட்போன். எனவே இந்த போன் நீண்ட நேரம் பேட்டரி பேக்கப் வழங்கும் என்று நம்பலாம். கூடவே 120 வாட்ஸ் பாஸ்ட் சார்ஜிங், 50 வாட்ஸ் வயர்லெஸ் சார்ஜிங், 10 வாட்ஸ் ரிவர்ஸ் வயர்லெஸ் சார்ஜிங் உள்ளிட்ட வசதியையும் கொண்டுள்ளது. இதனால் இந்த போனை சில நிமிடங்களில் முழுவதுமாக சார்ஜ் செய்து விடலாம்.

கனெக்டிவிட்டி

டூயல் 5ஜி சிம் ஆதரவு, வைஃபை 7, புளூடூத் வெர்ஷன் 5.3, என்எப்சி, ஜிபிஎஸ் உள்ளிட்ட பல்வேறு கனெக்டிவிட்டி ஆதரவுகளை கொண்டுள்ளது இந்த அட்டகாசமான ஷாவ்மி 13 ப்ரோ ஸ்மார்ட்போன். அதேபோல் இந்த புதிய ஸ்மார்ட்போன் ஆனது இன்-டிஸ்பிளே கைரேகை ஸகேனர் வசதியைக் கொண்டுள்ளது.

விலை & சலுகைகள்

ஷாவ்மி 13 ப்ரோ ஸமார்ட்போனின் 12GB ரேம் – 256GB சேமிப்புத்திறன் கொண்ட மாடல் ஆனது ரூ.79,999 என்ற விலையில் அறிமுகம் செய்யப்பட்டுள்ளது. இந்த புதிய போன் அடுத்த மாதம் 10ஆம் தேதி விற்பனைக்கு வரும் என்று தெரிவிக்கப்பட்டுள்ளது. மேலும் ICICI வங்கியின் அட்டையை பயன்படுத்தி வாங்கும் போது ரூ.10,000 தள்ளுபடி கிடைக்கும். இதுதவிர ஐபோனை எக்ஸ்சேஞ்ச் செய்வதன் மூலம் ரூ.8000 வரை தள்ளுபடியும், ரெட்மி மற்றும் ஷாவ்மி போன்களை எக்ஸ்சேஞ்ச் செய்வதன் மூலம் ரூ12,000 வரையும் தள்ளுபடி பெற முடியும். இவை தவிர மார்ச் 6ஆம் தேதி 12 மணிக்கு நடைபெற இருக்கும் சிறப்பு விற்பனையில் பங்குபெறும் முதல் 1000 வாடிக்கையாளர்களில் ஒருவருக்கு ஷாவ்மி 13 ப்ரோ மெர்சண்டைஸ் பாக்ஸை வெல்லும் வாய்ப்பும் கிடைக்கும். இந்த சிறப்பு விற்பனை Mi.com, Mi Home, மற்றும் Mi Studios தளங்களில் நேரடியாக ஒளிபரப்பாகும். மேலும், இதன் விற்பனை மார்ச் 10ம் தேதி 12 மணிக்கு துவங்க இருக்கிறது. அன்று முதல் இந்த மொபைலை Amazon, Mi.com, Mi Home, retail partners மற்றும் Mi Studios தளங்களில் வாங்கலாம்.

முக்கிய அம்சங்கள்

• 6.73″ QHD+ 120Hz Display
• 12GB RAM + 512GB Storage
• Qualcomm Snapdragon 8 Gen2
• 32MP Selfie Sensor
• 50MP+50MP+50MP Rear Camera
• 120W Fast Charging
• 50W Wireless Charging
• 4820 mAh Battery
  

The post சலுகைகளோடு வெளியான ஷாவ்மி 13 ப்ரோ first appeared on .

ஷாவ்மி நிறுவனத்தால் இந்த ஆண்டின் ஏப்ரல் மாதத்தில் இந்தியாவில் அறிமுகம் செய்யப்பட்ட லேட்டஸ்ட் ஹை-லெவல் பிளாக்ஷிப் ஸ்மார்ட்போன் தான் Xiaomi 12 Pro. இந்த Xiaomi 12 Pro மொபைல் Qualcomm Snapdragon 8 Gen 1 சிப்செட் மூலம் இயக்கப்படுகிறது. இதன் ஒரிஜினல் விலை ரூ 84,999. இப்போது இந்த மொபைலை மீது தள்ளுபடி அறிவிக்கப்பட்டுள்ளது. அந்த தள்ளுபடியும் இன்று மட்டுமே என்று அறிவிக்கப்பட்டுள்ளது. இதன் தள்ளுபடி விலை என்ன? எங்கிருந்து வாங்கலாம் என்று பார்க்கலாம்.

முன்பே சொன்னது போல, இது ஒரு லேட்டஸ்ட் பிளாக்ஷிப் மாடலாகும். இது 50MP டிரிபிள்-ரியர் கேமரா அமைப்பைக் கொண்டுள்ளது. இது 120W ஹைப்பர்சார்ஜ் ஃபாஸ்ட் சார்ஜிங் உள்ளிட்ட அனைத்து சமீபத்திய மற்றும் சிறந்த அம்சங்களை வழங்குகிறது.

எங்கு கிடைக்கும்?

இந்தியாவின் அமேசான் தளம் (amazon.in) மற்றும் Mi Store (mi.com) இல் இந்த மொபைலை இப்போது நீங்கள் வெறும் ரூ.58,499 என்ற விலைக்கே வாங்கலாம். இதன் மூலம் அசல் விலையில் இருந்து சுமார் ரூ 26,500 தள்ளுபடி கிடைக்கிறது.

இதில் கவனிக்க வேண்டிய முக்கியமான விஷயம் என்னவென்றால், Xiaomi 12 Pro மொபைல் Qualcomm Snapdragon 8 Gen 1 சிப்செட் மூலம் இயங்குகிறது. விலை குறைப்பிற்குப் பிறகு நாட்டில் கிடைக்கும் மலிவான Qualcomm Snapdragon 8 Gen 1 சிப்செட்டில் இயங்கும் சாதனமாக சியோமி 12 ப்ரோ மாறுகிறது. இந்த விலையில், Qualcomm Snapdragon 8 Gen 1 இயங்கும் ஸ்மார்ட்போன்கள் வேறு எதுவும் இல்லை என்பது குறிப்பிடத்தக்கது. உண்மையில் இது ஒரு அட்டகாசமான சலுகை.

சிறப்பம்சம்

Xiaomi 12 Pro ஸ்மார்ட்போன் 2K குவாலிட்டி உடன் கூடிய 120Hz ரெஃப்ரெஷ் ரேட் கொண்ட 6.73′ இன்ச் AMOLED டிஸ்பிளேவைக் கொண்டுள்ளது. இந்த டிஸ்பிளே பேனல் டால்பி விஷன் மற்றும் HDR10+ போன்ற அம்சங்களைக் கொண்டு இருக்கிறது. இது கார்னிங் கொரில்லா கிளாஸ் விக்டஸ் பாதுகாப்புடன் வருகிறது. இது Qualcomm Snapdragon 8 Gen 1 சிப்செட் உடன் இயங்குகிறது. இந்த ஸ்மார்ட்போன் 8ஜிபி மற்றும் 12ஜிபி LPDDR5 ரேம் மற்றும் கொண்ட 256GB UFS 3.1 ஸ்டோரேஜ் உடன் வருகிறது.

கேமரா

இது ஆண்ட்ராய்டு 12 அடிப்படையிலான சமீபத்திய MIUI 13 உடன் செயல்படுகிறது. கேமராக்களைப் பொறுத்தவரை, Xiaomi 12 Pro ஸ்மார்ட்போன் ட்ரிபிள் ரியர் கேமரா அமைப்பைக் கொண்டுள்ளது. இதில் OIS ஆதரவுடன் 50MP Sony IMX707 பிரைமரி சென்சார், 50MP சாம்சங் JN1 அல்ட்ரா-வைட்-ஆங்கிள் லென்ஸ் மற்றும் 2x ஆப்டிகல் ஜூம் கொண்ட 50MP போர்ட்ரெய்ட் லென்ஸையும் இது கொண்டுள்ளது. Xiaomi 12 Pro முன்பக்கத்தில் 32MP செல்ஃபி ஸ்னாப்பரை கொண்டுள்ளது.

அசல் விலை

Xiaomi 12 Pro மொபைல் 4600mAh பேட்டரியைக் கொண்டு இருக்கிறது. இந்த பேட்டரி 120W ஹைப்பர்சார்ஜ் ஃபாஸ்ட் சார்ஜிங் வசதியோடு வருகிறது என்பது குறிப்பிடத்தக்கது. Xiaomi ஃபிளாக்ஷிப் 50W வயர்லெஸ் சார்ஜிங்குடன் 10W ரிவர்ஸ் வயர்லெஸ் சார்ஜிங்கையும் ஆதரிக்கிறது. Xiaomi 12 Pro ஸ்மார்ட்போனின் 8ஜிபி ரேம் + 256ஜிபி ஸ்டோரேஜ் இன் விலை ரூ. 79,999 ஆகும். அதை இப்போது ரூ 54,999 என்ற விலைக்கு வாங்கலாம். அதேபோல், இதன் 12ஜிபி ரேம் + 256ஜிபி ஸ்டோரேஜ் மொபைலின் ஒரிஜினல் விலை ரூ. 84,999. அதை இப்போது மேலே குறிப்பிட்டது போல் ரூ 58,999 என்ற விலைக்கு வாங்கலாம்.

இதில் உள்ள அம்சங்கள் எல்லாம் டாப் நாட்சில் உள்ளது. அனைத்து அம்சங்களும் லேட்டஸ்ட் தொழில்நுட்பத்துடன் செயல்படுகிறது. குறிப்பாக, தள்ளுபடிக்குப் பிறகு, Snapdragon 8 Gen 1 சிப்செட் உடன் கிடைக்கும் மலிவு விலை பெஸ்ட் பிளாக்ஷிப் ஸ்மார்ட்போனாக இது இருக்கிறது.

The post ஷாவ்மி 12 ப்ரோ மொபைல் இன்று ரூ.58,499 மட்டுமே! first appeared on .

கேமராவுக்காகத் தான் நான் போனே வாங்குறேன்.. அப்படீங்கிற அளவுக்கு போட்டோ, வீடியோ குவாலிட்டி மேல ஆர்வம் உள்ள ஆளா நீங்க? அப்போ உங்களுக்கான ஒரு மொபைல் சீக்கிரமே வரப் போகுது ரெட்மி கே60 சீரீஸ்.

பொதுவாகவே ரெட்மியின் கே சீரீஸ் மாடல்களுக்கு நல்லதொரு வரவேற்பு இருக்கும். தற்போது அந்த எதிர்பார்ப்பு இன்னும் அதிகமாகி இருக்கிது. ஏனென்றால் வரவிருக்கும் ரெட்மி கே60 சீரீஸ் ஸ்மார்ட்போன்களில் OIS என்கிற ஆப்டிகல் இமேஜ் ஸ்டெபிலைசேஷன் (Optical Image Stabilisation) தொழில்நுட்பம் சேர்க்கப்பட உள்ளது! இது தவிர வேறு என்னென்ன அம்சங்கள் இந்த மொபைலில் இருக்குமென எதிர்பாக்கலாம்? இணையத்தில் வெளியாகி இருக்கும் லீக் பட்டியலைப் பார்க்கலாம்.

மெகா பிக்சல்?

ஒரு ஸ்மார்ட்போனின் கேமராவில் 64MP அல்லது 108MP சென்சார் இருந்தால் மட்டுமே அதுவொரு நல்ல கேமரா போனாகி விடாது. அது நல்ல அவுட்-புட்களை வழங்கும் திறன்களை / அம்சங்களை கொண்டிருக்க வேண்டும்; அப்போதுதான் அதுவொரு நல்ல கேமரா போன்!

“மெகா பிக்சல் முக்கியம் அல்ல; கேமராவின் திறன்கள் தான் முக்கியம்” என்கிற விஷயத்தை கையில் எடுத்த ஒரு மொபைல் போன் நிறுவனம், மிகவும் பிரபலமான தனது ஸ்மார்ட்போன் ஒன்றில் – எக்கச்சக்கமான விஷயங்களைச் சேர்த்துள்ளது! இது கேமராபோன் விரும்பிகளை அந்த மொபைல் போன் வெளியீட்டுக்காக காக்க வைத்திருக்கிறது. அது ஷாவ்மி நிறுவனத்தின் துணை பிராண்டான ரெட்மியின் கே சீரிஸ் (K Series) ஸ்மார்ட்போன்கள் ஆகும்.

ஆப்டிகல் இமேஜ் ஸ்டெபிலைசெஷன்

டிஜிட்டல் சாட் ஸ்டேஷன் வழியாக வெளியான ஒரு அறிக்கையின்படி, ரெட்மி K60 சீரீஸ் ஸ்மார்ட்போன்களில் ஒன்று ஆப்டிகல் இமேஜ் ஸ்டெபிலைசேஷன் (OIS) தொழில்நுட்பத்துடன் கூடிய 48MP மெயின் சென்சாரோடு வெளிவர இருக்கிறது. OIS என்பது சற்றே மென்மையான நடுக்கமற்ற வீடியோ ரெக்கார்டிங், தெளிவான புகைப்படங்களை எடுக்க உதவும் திறன்களை வழங்கும் ஒரு தொழில்நுட்பம் ஆகும்! தொழில்முறை கேமராவில் இருக்கும் இந்த அம்சம் சமீபகாலமாக மொபைலிலும் பயன்படுத்தப்படுகிறது. அதுவும் ப்ரீமியம் மொபைல்களில் மட்டுமே பயன்படுத்தப்படுகிறது.

கேமரா மட்டும் அல்ல..

வரவிருக்கும் ரெட்மி கே60 சீரீஸ் ஸ்மார்ட்போன்களில் கேமரா மட்டும் தான் சிறப்பாக இருக்குமா என்றால்.. இல்லை! ரெட்மி கே60 சீரிஸில் 67W ஃபாஸ்ட் சார்ஜிங் ஆதரவுடன் கூடிய 5500mAh பேட்டரி இடம்பெறும் என்கிற தகவலும் கிடைத்துள்ளது. எனவே சார்ஜிங்கைப் பொறுத்தவரை பிரச்சனை இருக்காது. மேலும், இந்த மொபைல்கல் 30W வயர்லெஸ் சார்ஜிங்கை ஆதரிக்கலாம் என்றும் தெரிய வருகிறது.

டிஸ்பிளே

ரெட்மி K60 சீரீஸில், பஞ்ச் ஹோல் டிஸ்ப்ளே கட்அவுட்டுடன் கூடிய 2K டிஸ்ப்ளே இருக்கும் என்றும் கூறப்படுகிறது. மேலும், அது Dolby Vision HDR மற்றும் 120Hz AMOLED பேனலை கொண்டு இருக்கும் என்றும் தெரிய வந்துள்ளது. இவற்றின் மூலம் இந்த மொபைல் சிறந்த டிஸ்ப்ளே பெற்றிருக்கும் எனத் தெளிவாகத் தெரிகிறது. ப்ராசஸரை பொறுத்தவரை, இது Dimensity 8100 சிப், Dimensity 8200 க்கு அடுத்ததாக இயங்கும் என்று கூறப்படுகிறது.

விலை

எதிர்பார்க்கப்படும் விலை நிர்ணயத்தை பொறுத்தவரை, Redmi K60 ஸ்மார்ட்போன் ஆனது ரூ.35,000 என்கிற பட்ஜெட்டை சுற்றியதொரு புள்ளியில் அறிமுகம் செய்யப்படலாம். வெளியீட்டை பொறுத்தவரை, இது நவம்பர் மாத இறுதிக்குள் வெளியாக அதிக வாய்ப்பு இருக்கிறது.

The post கேமராவுக்காகவே உருவாகும் ரெட்மி கே60 சீரீஸ். என்ன எதிர்பார்க்கலாம்? first appeared on .

ஸ்மார்ட்போன் மற்றும் ஸ்மார்ட்டிவி தயாரிப்பில் முன்னணியில் உள்ள, சியோமி நிறுவனம் இந்தியாவின் அறிமுகமாகி 8 ஆண்டுகள் ஆகிறது. இதனை அந்நிறுவனம் கொண்டாடி வரும் நிலையில், தற்போது ஸ்மார்ட்டிவி விற்பனையில் புதிய மைல்கல்லை அடைந்திருப்பதாக சியோமி நிறுவனம் தெரிவித்துள்ளது.

அதன்படி அந்நிறுவனம் கடந்த 4 ஆண்டுகளில் இந்தியாவில் மட்டும் 8 மில்லியன் ஸ்மார்ட்டிவிக்களை விற்பனை செய்துள்ளது. சியோமி நிறுவனம் கடந்த 2018-ம் ஆண்டு பிப்ரவரி மாதம் அதன் முதல் ஸ்மார்ட்டிவியை அறிமுகப்படுத்தியது. அதற்கு மக்களிடையே வரவேற்பு கிடைத்ததை அடுத்து, தொடர்ந்து பல்வேறு மாடல்களை வெளியிட்டது. இந்நிலையில், 4 ஆண்டுகளில் வெற்றிகரமாக இந்தியாவில் 8 மில்லியன் ஸ்மார்ட்டிவிக்களைவிற்பனை செய்துள்ளதோடு மட்டுமல்லாமல், இந்த ஆண்டின் முதல் காலாண்டில் ஸ்மார்ட்டிவி விற்பனையில் நம்பர் 1 நிறுவனமாகவும் சியோமி இருந்துள்ளது. பட்ஜெட் விலையில் தரமான ஸ்மார்ட்டிவிக்களை கொடுத்ததே அந்நிறுவனத்தின் வெற்றிக்கு காரணமாக கூறப்படுகிறது.

The post நம்பர் 1 ஸ்மார்ட்டிவி பிராண்ட் ஆனது சியோமி first appeared on .