Tecno Pop 6 Pro ஸ்மார்ட்போன், பட்ஜெட் மற்றும் பிளாக்ஷிப் ஸ்மார்ட்போன் பயனர்களையே வியப்படையச் செய்துள்ளது. ஏனென்றால், இந்த ஸ்மார்ட்போன் டீசெண்டான அம்சங்களுடன், யாரும் எதிர்பார்த்திடாத வகையில் மிகவும் குறைந்த விலையில் வெளியிட இருக்கிறது.
டெக்னோ நிறுவனம் டெக்னோ பாப் 6 ப்ரோ என்ற புதிய ஸ்மார்ட்போனை இந்தியச் சந்தையில் அறிமுகப்படுத்த இருக்கிறது. டெக்னோ பாப் 6 ப்ரோ இந்தியாவில் அறிமுகம் செய்யப்படுவதற்கு முன்னதாக, இப்போது வங்கதேசத்தில் இது அறிமுகம் செய்யப்பட்டுள்ளது. டெக்னோவின் சமீபத்திய ஸ்மார்ட்போன் வாட்டர் டிராப் நாட்ச் உடன் பெரிய டிஸ்பிளேவைக் கொண்டுள்ளது. இது 8MP பின்புற கேமரா மற்றும் 5MP செல்ஃபி கேமராவைக் கொண்டு இருக்கிறது.
என்ன கேமராவின் மெகாபிக்சல் குறைவாக இருக்கிறது என்று நினைப்பவர்களுக்கு, இது ஒரு மலிவு விலை ஸ்மார்ட்போன் சாதனம் என்பதை மீண்டும் ஒரு முறை நினைவுபடுத்துகிறோம். இது மலிவு விலை போனாக இருந்தாலும் கூட, இதில் 5000mAh பேட்டரி, குவாட்-கோர் சிப்செட், பிங்கர் பிரிண்ட் ஸ்கேனர் மற்றும் ஆண்ட்ராய்டு கோ போன்றவை வழங்கப்படுகிறது. இந்த ஸ்மார்ட்போனில் என்னென்ன அம்சங்கள் இடம்பெறுகிறது, இதன் விலை என்ன என்பதை இப்போது பார்க்கலாம்.
சிறப்பம்சம்
புதிய Tecno Pop 6 Pro மொபைல் 6.6 அங்குல அளவில், 720 × 1612 பிக்சல் அடர்த்தி கொண்ட, 120Hz டச் சாம்ப்ளிங் ரேட் கொண்ட வாட்டர் டிராப் நாட்ச் டிசைனோடு கூடிய HD+ டிஸ்பிளேவை கொண்டுள்ளது. இது குவாட் ஆக்டா கோர் சிப்செட் உடன் இயங்குகிறது. சிப்செட் பற்றிய விவரங்களை Tecno குறிப்பிடவில்லை. இந்த ஸ்மார்ட்போன் 2ஜிபி ரேம் + 32 ஜிபி ஸ்டோரேஜ் மாடலாக வருகிறது. இது ஆண்ட்ராய்டு 12 Go எடிஷனில் இயங்கும் HiOS 8.6 உடன் இயங்குகிறது.
பேட்டரி
இந்த போன் டூயல் ரியர் கேமரா அமைப்பைக் கொண்டுள்ளது. இதில், 8MP பிரைமரி ஷூட்டர் உடன் AI லென்ஸ் மற்றும் LED ஃபிளாஷ் வழங்கப்பட்டுள்ளது. இது ஒரு மலிவு விலை என்ட்ரி லெவல் ஸ்மார்ட்போன் சாதனம் என்பதனால் இதில் 5MP செல்ஃபி கேமரா வழங்கப்பட்டுள்ளது. இது 5000mah பேட்டரியைக் கொண்டு இருக்கிறது. கூடவே இந்த ஸ்மார்ட்போனில் பிங்கர் பிரிண்ட் ஸ்கேனர் பாதுகாப்பும் உள்ளது. இதுமட்டுமின்றி ஃபேஸ் அன்லாக் அம்சத்தையும் கொண்டுள்ளது.
விலை?
இந்த சாதனம் பவர் பிளாக் (Power Black) மற்றும் பீஸ்ஃபுல் ப்ளூ (Peaceful Blue) ஆகிய நிறங்களில் வெளியிடப்பட்டுள்ளது. இந்த புதிய டெக்னோ பாப் 6 ப்ரோ ஸ்மார்ட்போன் இந்தியாவில் வெறும் ரூ. 6,099 என்ற விலையில் எதிர்பார்க்கப்படுகிறது. பெரும்பாலும், இந்த மொபைல் தீபாவளிக்கு முன்னதாக இந்தியாவில் விற்பனைக்குக் கிடைக்கும் என்று எதிர்பார்க்கப்படுகிறது.
டெக்னோ பாப் 6 ப்ரோ பல நுழைவு-நிலை ஸ்மார்ட்போன்களில் நாம் பார்த்த வழக்கமான அம்சங்களைக் கொண்டுள்ளது என்றாலும் கூட, இது பெரிய டிஸ்ப்ளே மற்றும் 5,000எம்ஏஎச் பேட்டரியை கொண்டுள்ளது. இதனால், மலிவு விலை பிரிவில் புது போன் வாங்க நினைக்கும் வாடிக்கையாளர்களை இந்த ஸ்மார்ட்போன் அதிகம் ஈர்க்கும் என்பதில் சந்தேகமில்லை. Redmi A1 ஆனது Tecno Pop 6 Pro இன் மிகப்பெரிய போட்டியாக இருக்கும் எனத் தெரிகிறது.