டெக்னோ ஸ்பார்க் கோ 2023 ஒரு பட்ஜெட் ஸ்மார்ட்போன் மாடலாகும். இந்த போனின் வெளியீட்டு தேதியை நிறுவனம் இன்னும் உறுதிப்படுத்தவில்லை. ஆனால், இந்த டெக்னோ ஸ்பார்க் கோ 2023 மொபைலின் அம்சங்கள், தோற்றம் போன்ற விவரக்குறிப்புகள் கசிந்துள்ளன. PassionateGeekz என்ற டிப்ஸ்டர் இவற்றை தன் பக்கத்தில் வெளிப்படுத்தி இருக்கிறது.
இந்த போன் POCO C50 மற்றும் Redmi A1 போன்றவற்றுக்கு எதிராகப் போட்டியிடும். இது தவிர சமீபத்தில் வெளியான இந்த போனின் பாக்ஸ் விபரங்களையும் டிப்ஸ்டர் லீக் செய்துள்ளார். இதன் படி, இந்த ஸ்மார்ட்போனின் மோனிக்கரை காட்டுகிறது. இது தவிர, போனின் லைவ் படம் மற்றும் போனின் அனைத்து முக்கிய விவரக்குறிப்புகளையும் இந்த லீக் பட்டியலிடுகிறது.
மெமரி
Tecno Spark Go 2023 விரைவில் ஆஃப்லைன் சந்தையில் கிடைக்கும் என்று கூறப்படுகிறது. இந்த போன் இந்தியாவில் 3ஜிபி ரேம் உடன் 32ஜிபி ஸ்டோரேஜ் விருப்பத்துடன் வெறும் ரூ.6,999 விலைக்கு கிடைக்கும் என்று கூறப்படுகிறது. இது ஒரு சிறப்பு விற்பனை விலை என்பது கவனிக்கத்தக்கது. அதேபோல், இதில் 4ஜிபி ரேம் + 64ஜிபி ஸ்டோரேஜ் வேரியண்ட் இருக்கவும் வாய்ப்புள்ளது.
தோற்றம்
வெளியான லைவ் புகைப்படங்களின் படி, Tecno Spark Go 2023 போன் 16.66 cm டிஸ்ப்ளேவுடன் வருகிறது. இது தோராயமாக 6.55 அங்குல அளவு ஆகும். இந்த டிஸ்ப்ளே ஒரு HD+ தெளிவுத்திறனைக் கொண்டிருக்கும் டிஸ்பிளே ஆகும். இதன் மேல் முன் பக்க கேமராவிற்கான ஒரு வாட்டர் டிராப் நாட்ச் வழங்கப்பட்டுள்ளது. இந்த போனின் உள்ளே 5000mAh பேட்டரி பேக் செய்யப்பட்டிருக்கும். இது வாட்ஸ் சார்ஜிங் வசதியைக் கொண்டு இருக்கும் என்பது தெரியவில்லை.
கேமரா
Tecno Spark Go 2023 மொபைல் USB Type-C போர்ட்டையும் கொண்டிருக்கும். இது தவிர, இந்த மொபைல் 13MP பிரைமரி கேமராவுடன் பின்புறத்தில் இரட்டை கேமரா அமைப்பை கொண்டிருக்கும், இது VGA சென்சார் அல்லது 2MP டெப்த் சென்சார் உடன் வரும் என்று எதிர்பார்க்கலாம். இந்த போனின் பின்புறத்தில் கைரேகை ஸ்கேனர் மற்றும் LED பிளாஷ் வழங்கப்பட்டுள்ளது. இது AI ஃபேஸ் அன்லாக் அம்சத்தையும் ஆதரிக்கும் எனத் தெரிகிறது. இந்த போனின் முன்பக்கத்தில் 5MP செல்ஃபி கேமரா ஒன்றும் இருக்கிறது.
நிறம்
டெக்னோ ஸ்பார்க் கோ 2023 ஒரு தட்டையான பிரேம் வடிவமைப்பைக் கொண்டுள்ளது. எண்ட்லெஸ் பிளாக், யுயுனி ப்ளூ மற்றும் நெபுலா பர்பில் என இது மூன்று நிறங்களில் வெளிவரும்.
சிப்செட்
இது MediaTek Helio A22 சிப்செட் உடன் இயங்கும் என்று கூறப்பட்டுள்ளது. எந்த ஆண்ட்ராய்டின் எந்த இயங்குதளம் வழங்கப்பட்டு இருக்கும் என்பது வெளியாகவில்லை. இந்தியாவில் இந்த மொபைலை கடைகளைத் தவிர, அமேசான் தளத்தின் வழியாகவும் வாங்க முடியும் என்று கூறப்பட்டுள்ளது. இந்த Tecno Spark Go 2023 மொபைல் ரூ.6000 – ரூ.7000 ரூபாய் விலை பிரிவில் வரும் என எதிர்பார்க்கப்படுகிறது.
2022ஆம் ஆண்டின் சிறந்த மொபைலைத் தேர்ந்தெடுக்க இங்கே க்ளிக் செய்யவும்!
