அறிமுகமானது அரசின் புதிய UPI செயலி.. UPI Lite

கூகுள் பே, போன்பே, பேடிஎம் போன்ற UPI செயலிகளை மக்கள் அதிகம் பயன்படுத்த துவங்கிவிட்டனர்.

யுபிஐ செயலிகள்

பல மணி நேரங்கள் காத்திருந்து வங்கிகளில் பணம் எடுக்கவும், டெபாசிட் செய்யவும் இருந்த காலம் போய், இன்று இருந்த இடத்தில் இருந்து நிமிடங்களில் யுபிஐ செயலிகள் (கூகுள் பே, போன்பே, பேடிஎம்) மூலம் பணம் அனுப்பும் பரிமாற்ற முறை அதிகளவில் பிரபலமாக உள்ளது.

இதுதவிர ஹோட்டல்களில் பில்கள், மளிகை பொருட்கள், மொபைல் ரீசார்ஜ், டிடிஹெச், மின் கட்டணம் போன்றவற்றை இந்த யுபிஐ செயலிகள் மூலம் செய்து கொள்ளலாம். இப்படி நிறைய இடங்களில் இந்த யுபிஐ செயலிகள் செயலிகள் மிகவும் உதவியாக இருக்கிறது.

UPI Lite

இந்நிலையில் UPI Lite என்ற அம்சத்தை சமீபத்தில் ரிசர்வ் வங்கியின் கவர்னர் சக்திகாந்த தாஸ் அம்சத்தை தொடங்கி வைத்தார். இதன் சிறப்பு அம்சம் என்னவென்றால் UPI பின்கோடு இல்லாமலே 200 ரூபாய் வரை செலுத்த முடியும்.

வங்கிகள்

பாரத ஸ்டேட் வங்கி (SBI), யூனியன் பாங்க் ஆஃப் இந்தியா, HDFC வங்கி, உத்கர்ஷ் சிறு நிதி வங்கி, கனரா வங்கி, இந்தியன் வங்கி, கோடக் மஹிந்திரா வங்கி மற்றும் பஞ்சாப் நேஷனல் வங்கிஆகிய எட்டு வங்கிகளின் வாடிக்கையாளர்கள் இந்த UPI Lite அம்சத்தை பயன்படுத்த முடியும் என்று கூறப்படுகிறது.

பயன்படுத்துவது எப்படி?

தற்போது இந்த புதிய அம்சம் ஆனது மத்திய அரசின் BHIM (பீம்) செயலியில் மட்டுமே கொண்டு வரப்பட்டுள்ளது. குறிப்பாக குறைந்த அளவிலான பணத்தை மட்டுமே இதில் செலுத்த முடியும். இதைப் பயன்படுத்து எப்படி என்று பார்ப்போம்.

வழிமுறை-1

முதலில் நீங்கள் ஐஓஎஸ் ஆப் ஸ்டோர் அல்லது ஆண்ட்ராய்டு-க்கான கூகுள் பிளே ஸ்டோர்-க்கு சென்று BHIM ஆப் பதிவிறக்கம் செய்து இன்ஸ்டால் செய்யவும்.

வழிமுறை-2

அடுத்து இந்த செயலியில் உங்களது விவரங்கள் மற்றும் வங்கிக் கணக்கை சேர்த்து உள்நுழையவும்.

வழிமுறை-3

அதன்பின்னர் BHIM App-இன் முகப்புத் திரையில் கீழே ஸ்க்ரோலிங் செய்வதன் மூலம் “UPI லைட்” பேனரைக் கண்டறிய முடியும். அதன்பின் Enable Now என்பதைத் தேர்வு செய்யவும். அடுத்து அந்த ஆப்-இல் கொடுக்கப்பட்டுள்ள அனைத்து விவரங்களையும் படித்து, மறுபடியும் Enable Now button-ஐ கிளிக் செய்ய வேண்டும்.

வழிமுறை-4

பயனர்கள் அதிகபட்சமாக ரூ.2000-ஐ UPI லைட் வாலட்டில் எந்த நேரத்திலும் வைக்கலாம். அடுத்து நீங்கள் தொகையை மாற்ற விரும்பும் வங்கி கணக்கைத் தேர்வுசெய்து எளிமையாக பணம் அனுப்பலாம்.

UPI Lite-இன் சிறப்பு அம்சங்கள்

இதில் மீண்டும் மீண்டும் UPI பின்னை எண்டர் செய்ய வேண்டியதில்லை இந்த UPI Lite ஆனது 200 ரூபாய் வரையிலான பரிவர்த்தனைகளை அனுமதிக்கும். பயனர்கள் ரூ. 2000-ஐ இந்த UPI வாலட்டில் வைத்துக் கொள்ளலாம். கடைக்கு சென்று வாங்கும் சிறிய ரக பொருட்களுக்கு இதன் மூலம் எளிமையாகப் பணம் அனுப்பலாம்.