பார்ப்பதற்கு ஒரு மிட்-ரேன்ஜ் ஸ்மார்ட்போன் (Mid-range Smartphone) போல மிகவும் ஸ்டைல் ஆக இருக்கும் இந்த ஸ்மார்ட்போனின் விலை வெறும் ரூ.7,800 என்று சொன்னால் உங்களால் நம்ப முடிகிறதா? நீங்கள் நம்பினாலும் சரி.. நம்பாவிட்டாலும் சரி.. அதுதான் உண்மை! இது எந்த நிறுவனத்தின் ஸ்மார்ட்போன்? இதன் மாடல் பெயர் என்ன? இது என்னென்ன அம்சங்களைக் கொண்டு இருக்கிறது? வாருங்கள் பார்க்கலாம்!
இந்த ஸ்மார்ட்போன் – பிரபல சீன மொபைல் தயாரிப்பாளர் ஆன விவோவின் (Vivo) லேட்டஸ்ட் மாடல்! இது விவோ நிறுவனத்தின் ஒய் சீரீஸின் (Y Series) கீழ் அறிமுகம் செய்யப்பட்டுள்ள ஒரு பட்ஜெட் ஸ்மார்ட்போன் ஆகும். இதன் மாடல் பெயர் – விவோ ஒய்02 (Vivo Y02).
சமீபத்தில் உலகின் மிகச்சிறந்த கேமரா ஸ்மார்ட்போன்களில் ஒன்றான எக்ஸ்90 ப்ரோ பிளஸ் (X90 Pro Plus) ஸ்மார்ட்போனை அறிமுகம் செய்தே அதே விவோ நிறுவனம் தான் தற்போது இப்படி ஒரு பட்ஜெட் விலை ஸ்மார்ட்போனை அறிமுகம் செய்துள்ளது. டிஸ்பிளேவின் மேல் புறத்தில் – வாட்டர் டிராப்-ஸ்டைல் நாட்ச், ரியர் கேமரா செட்டப்பில் ரவுண்ட் கேமரா ஐலேண்ட் என இதன் வடிவமைப்பிற்கும் விலைக்கும் ஏணி வைத்தாலும் கூட எட்டாது என்றே கூறலாம்!
டிஸ்பிளே
டூயல் சிம் ஆதரவை கொண்டுள்ள Vivo Y02 ஸ்மார்ட்போன் ஆனது 6.51 அங்குல அளவிலான ஐபிஎஸ் எல்சிடி டிஸ்பிளேவை பேக் செய்கிறது. இந்த டிஸ்ப்ளே 720×1600 பிக்சல்ஸ் ரெசல்யூஷன் மற்றும் 20:9 என்கிற ஆஸ்பெக்ட் ரேஷியோவை வழங்குகிறது. கேமராக்களை பொறுத்தவரை, முன்பக்கத்தில் ஒரு 5 மெகாபிக்சல் செல்ஃபி கேமரா உள்ளது. பின்பக்கத்தில், ஒரு 8 மெகாபிக்சல் கேமரா இருக்கிறது. அது வட்ட வடிவிலான ஒரு கேமரா ஐலேண்டில் உட்பொதிக்கப்பட்டுள்ளது மற்றும் அதில் எல்இடி ப்ளாஷ் ஒன்றும் அடங்கும்!
ப்ராசஸர், ரேம் & ஸ்டோரேஜ்
விவோ Y02 ஆனது 2ஜிபி மற்றும் 3ஜிபி என்கிற இரண்டு ரேம் ஆப்ஷன்களின் கீழ் 32ஜிபி அளவிலான இன்டர்னல் ஸ்டோரேஜைக் கொண்டு இருக்கிறது. மேலும் கூடுதல் ஸ்டோரேஜிற்காக இதில் மைக்ரோ எஸ்டி ஸ்லாட் ஒன்றும் உள்ளது. தற்போது வரையிலாக, விவோ ஒய்02 ஸ்மார்ட்போனில் இருப்பது ஒரு ஆக்டா-கோர் ப்ராசஸர் என்பது மட்டுமே தெரிய வருகிறது. ஏனென்றால், விவோ நிறுவனம் இந்த சிப்செட்டின் பெயரை அதன் அதிகாரப்பூர்வ பட்டியலில் குறிப்பிடப்படவில்லை!
பேட்டரி
விவோ ஒய்02 ஸ்மார்ட்போனில் மைக்ரோ யுஎஸ்பி 2.0 போர்ட்டை பயன்படுத்தி 10W சார்ஜிங்கை ஆதரிக்கும் ஒரு 5000எம்ஏஎச் பேட்டரி உள்ளது. ரூ.8000 க்குள் வாங்க கிடைக்கும் ஒரு ஸ்மார்ட்போனில் 5000mAh பேட்டரி இருப்பது உண்மையிலேயே மற்ற எல்லா குறைகளையும் காணாமல் அடிக்கச்செய்யும் ஒரு அம்சம் ஆகும்!
அம்சங்கள்
மற்ற முக்கிய அம்சங்களை பொறுத்தவரை, இது Android 12 (கோ எடிஷன்) கொண்டு இயங்குகிறது, அதாவது Gmail Go, YouTube Go மற்றும் Maps Go போன்ற ஆப்களின் தொகுப்பை நீங்கள் பெறுவீர்கள். கனெக்டிவிட்டியை பொறுத்தவரை, இது 4G VoLTE, டூயல்-பேண்ட் வைஃபை, ப்ளூடூத் 5.0, ஜிபிஎஸ் மற்றும் 3.5 மிமீ ஆடியோ ஜாக் போன்றவைகளைக் கொண்டுள்ளது. இந்த போனில் ஃபிங்கர் ஃபிரிண்ட் ஸ்கேனர் இல்லை, ஆனால் ஃபேஸ் அன்லாக் அம்சம் உள்ளது!
அறிமுகம்
ஆர்க்கிட் ப்ளூ மற்றும் காஸ்மிக் கிரே என்கிற 2 கலர் ஆப்ஷன்களில், இந்தோனேசியாவில் அறிமுகம் செய்யப்பட்டுள்ள விவோ ஒய்02 ஸ்மார்ட்போன் ஆனது எப்போது இந்தியாவிற்கு வரும் என்கிற சரியான விவரஙகள் இல்லை. இருப்பினும் பட்ஜெட் விலை போன்களுக்கான தேவை இங்கே அதிகமாக இருப்பதால், இது எப்போது வேண்டுமானாலும் இந்தியாவில் அறிமுகம் செய்யப்படலாம் என்று எதிர்பார்க்கப்படுகிறது.
