விரைவில் வெளியாகிறது விவோவின் பட்ஜெட் போன்.

விவோ நிறுவனம் X90 தொடரை சீனாவில் வெளியிட இருக்கிறது. இந்த சீரிஸில் மூன்று பிரீமியம் ஸ்மார்ட்போன்கள் இருக்கும் என்று எதிர்பார்க்கப்படுகிறது. இதில் Vivo X90, Vivo X90 Pro மற்றும் Vivo X90 Pro+ 5G போன்ற மாடல்கள் அடங்கும் என்று கூறப்பட்டுள்ளது. அறிமுகத்திற்கு முன்னதாக விவோ ஃபிளாக்ஷிப்கள் பற்றிய கூடுதல் விவரங்களை புதிய லீக் தகவல்கள் வெளியிட துவங்கியுள்ளன.
இந்நிலையில் விவோ நிறுவனம் மற்றொரு புதிய Vivo ஸ்மார்ட்போன் மாடலை மிகவும் மலிவான விலையில் அறிமுகம் செய்யுமென்று மற்றொரு வதந்தியும் பரவத் துவங்கியுள்ளது. இது பற்றிய விவரங்கள் ஆன்லைனில் கசிந்துள்ளன. விவோ தனது Y சீரிஸ் வரிசையில் புதிதாக ஒரு மொபைலை விரைவில் இந்தியாவில் அறிமுகம் செய்யவிருக்கிறது என்று ஒரு புதிய தகவல் கிடைத்துள்ளது.

Vivo Y02

Vivo நிறுவனம் இந்த புதிய மலிவு விலை ஸ்மார்ட்போனை Vivo Y02 என்ற பெயரில் அறிமுகம் செய்யக்கூடும் என்று எதிர்பார்க்கப்படுகிறது. இந்தியாவில் விவோவின் மிகவும் மலிவான ஸ்மார்ட்போன் மாடலாக இந்த புதிய விவோ Y02 இருக்கும் என்று தெரிகிறது. இது விவோவின் Y01 மாடலின் அப்டேட்டாக வெளிவருகிறது.

முக்கிய தகவல்!

இது குறிப்பிட்ட நாடுகளில் வரும் மாதத்தில் அறிமுகம் செய்யப்படும் என்று எதிர்பார்க்கப்படுகிறது. அறிமுகத்திற்கு முன்னதாக Vivo Y02 ஸ்மார்ட்போனின் சில முக்கிய அம்சங்கள் இணையத்தில் லீக் ஆகியுள்ளது.

சிறப்பம்சம்

இந்த போன் V2217 என்ற மாடல் எண் கொண்டதாகக் கூறப்படுகிறது. இந்தியாவில் வரவிருக்கும் பட்ஜெட் ஸ்மார்ட்போனின் விவரக்குறிப்புகளை டிப்ஸ்டர் பராஸ் குக்லானி வெளியிட்டுள்ளார்.

ஸ்டோரேஜ் & சிப்செட்

விவோவின் இந்த மலிவு விலை Y02 ஸ்மார்ட்போனில் மீடியாடெக் ஹீலியோ P22 சிப்செட்டை நாம் எதிர்பார்க்கலாம். குறைந்தது இந்த ஸ்மார்ட்போனில் 2ஜிபி ரேம் இருக்கும் என்று கூறப்படுகிறது. அதேபோல், இதன் ஸ்டோரேஜ் குறைந்தபட்சம் 32 ஜிபி இன்டெர்னல் உடன் வழங்கப்படும் என்று எதிர்பார்க்கப்படுகிறது. மைக்ரோ எஸ்டி கார்டு வழியாக ஸ்டோரேஜை விரிவாக்கத்திற்கான ஆதரவும் இருக்கும்.

கேமரா

Vivo மைக்ரோ எஸ்டி கார்டு வழியாக 256 ஜிபி அல்லது 512 ஜிபி வரை எக்ஸ்டர்னல் ஸ்டோரேஜ் ஆதரவை வழங்கும் என்று எதிர்பார்க்கப்படுகிறது. இதன் பின்புறத்தில், சிங்கிள் கேமரா அமைப்பைக் கொண்டிருக்கும். இது ஒற்றை 8MP பின்புற கேமரா சென்சார் உடன் LED ஃபிளாஷ் உடன் வரும். முன்பக்கத்தில் இது 5MP சென்சார் உடன் வரும்.

அம்சங்கள்

இந்த மலிவு விலை போன் 5000mAh பேட்டரியை கொண்டு இருக்கும். இது 5W அல்லது 10W ஃபாஸ்ட் சார்ஜிங் ஆதரவைக் கொண்டிருக்கலாம். விவோவின் பட்ஜெட் ஸ்மார்ட்போன் 6.51 அங்குல ஹாலோ ஃபுல்வியூ ஐபிஎஸ் எல்சிடியைக் கொண்டிருக்கும். இது 1600 x 720 பிக்சல்கள் HD+ அடர்த்தியுடன் வரலாம். இந்த Y02 ஸ்மார்ட்போன் இரட்டை சிம் ஸ்லாட்டைக் கொண்டிருக்கும்.

விலை

இறுதியாக, ஃபோன் Funtouch OS 12 உடன் ஆண்ட்ராய்டு 12 இல் இயங்கும். விவோ இந்த போனை ரூ. 8,449 என்ற விலைக்கு இந்தியாவில் அறிமுகப்படுத்தும் என்று டிப்ஸ்டர் கூறுகிறார். இந்த சாதனம் வரும் வாரங்களில் இந்தியாவில் வெளியாகும் என கூறப்படுகிறது. இதன் சரியான அறிமுக தேதி இன்னும் தெளிவாகக் கிடைக்கவில்லை.