விவோ X90 சீரிஸை இந்தியாவில் அறிமுகம் செய்து சில மாதங்கள் மட்டுமே ஆகிறது. Vivo இப்போது X100 என அழைக்கப்படும் அதன் வாரிசு சீரிஸை வெளியிட தயாராகி வருகிறது. இப்போது, புதிய கசிவுகள் சீரிஸின் மிகவும் பிரீமியம் மொபைலான Vivo X100 Pro+ பற்றிய முக்கிய விவரங்களை வெளிப்படுத்தியுள்ளன.
Vivo X100 Pro+ வடிவமைப்பு ரெண்டர்கள் கசிந்தன
ஃபிக்ஸட் ஃபோகஸ் டிஜிட்டல், ஒரு வெய்போ அடிப்படையிலான டிப்ஸ்டர், விவோ எக்ஸ்100 ப்ரோ+ வடிவமைப்பு ரெண்டர் என்று அவர் கூறுவதைப் பகிர்ந்துள்ளா. கசிந்த படத்தில் இருக்கும் ஸ்மார்ட்போன் கருப்பு நிறத்தில் இருக்கிறது. மேலும் இது பின் பேனலில் நல்ல தோற்றத்தை அளிக்கிறது. கீழே Vivo பிராண்டிங் மற்றும் கேமரா தொகுதியில் Zeiss பிராண்டிங் ஆகியவற்றைக் காணலாம்.
ஸ்மார்ட்போன் கேமரா செயல்திறனை அதிகரிப்பதற்காக இம்முறையும் Vivo நிறுவனமானது Zeiss நிறுவனத்தின் ஒப்பந்தம் மூலம் அதன் சென்சாரையே பயன்படுத்தி இருக்கிறது. போனில் ஒரு உயரமான சதுர தீவு உள்ளது. அது கண்ணாடி போல் தெரிகிறது. இது நான்கு கேமரா சென்சார்களைக் கொண்ட ஒரு வட்ட கேமரா தொகுதியைக் கொண்டுள்ளது. கீழ் வலது மூலையில் இருப்பது பெரிஸ்கோப் டெலிஃபோட்டோ சென்சார்.
மற்றொரு டிப்ஸ்டரான டிஜிட்டல் சாட் ஸ்டேஷன், 200MP பெரிஸ்கோப் டெலிஃபோட்டோ சென்சார் கொண்ட கேமரா பற்றிய கசிவை வெளியிட்டுள்ளார். மெகாபிக்சல் எண்ணிக்கையில் இது ஒரு பெரிய மேம்படுத்தல் ஆகும். ஒப்பிடுகையில், தற்போதைய தலைமுறை Vivo X90 Pro+ ஆனது 64MP பெரிஸ்கோப் டெலிஃபோட்டோ சென்சார் மற்றும் கேமரா-பீஸ்ட் Samsung Galaxy S23 Ultra ஆனது 10MP பெரிஸ்கோப் டெலிஃபோட்டோ சென்சார் கொண்டது.
X100 Pro+ மொபைலானது முன் பக்கத்தில், மையப்படுத்தப்பட்ட பஞ்ச்-ஹோலைக் கொண்ட வளைந்த டிஸ்ப்ளேவுடன் காட்டப்பட்டுள்ளது. நான்கு பக்கங்களிலும் குறைந்தபட்ச பெசல்கள் உள்ளன. இது பெசல்கள் இல்லாத தோற்றத்தை அளிக்கிறது.
Vivo X100 Pro+ (வதந்தி) விவரக்குறிப்புகள்
சமீபத்திய அறிக்கை Vivo X100 மொபைலின் விவரக்குறிப்புகள் மற்றும் வெளியீட்டு காலவரிசை பற்றி பேசுகிறது. Vivo X100 மற்றும் Vivo X100 Pro இரண்டும் MediaTek இன் Dimensity 9300 சிப்செட்டுடன் அறிமுகப்படுத்தப்படும் என்று அது கூறப்படுகிறது. இது ஒரு ஃபிளாக்ஷிப் சிப் ஆகும். இது 4nm செயல்முறையைப் பயன்படுத்தி தயாரிக்கப்பட்டது மற்றும் சக்திவாய்ந்த கோர்களுடன் மட்டுமே வருகிறது. குவால்காமின் ஸ்னாப்டிராகன் 8 ஜென் 3 சிப்செட் X100 ப்ரோ+ ஸ்மார்ட்போனுக்கு சக்தியளிப்பதாகக் கூறப்படுகிறது.
X100 Pro, X100 Pro+ ஐப் போன்றே 1-இன்ச் முதன்மை கேமரா சென்சாருடன் வருவதாக தெரிவிக்கப்பட்டுள்ளது. பெரிஸ்கோப் டெலிஃபோட்டோ சென்சார் நாம் மேலே பேசிய ஆப்டிகல் ஜூம் திறன்களின் அடிப்படையில் மேம்பாடுகளைப் பெறுவதாகக் கூறப்படுகிறது. மேலும் இந்த ஸ்மார்ட்போன் ஒரு கண்ணாடி உடலையும், 100W ஃபாஸ்ட் சார்ஜிங் தொழில்நுட்பத்திற்கான ஆதரவையும் கொண்டுள்ளது என்று கூறப்படுகிறது.
Vivo இந்த ஆண்டின் நான்காவது காலாண்டில் X100 சீரிஸை வெளியிடும் என்று எதிர்பார்க்கப்படுகிறது. இதில் விவோ X100 Pro+ 2024 இன் தொடக்கத்தில் வெளியிடப்படலாம்.