இந்த செப்டம்பர் மாதம் ஆப்பிள் நிறுவனத்தின் ஐபோன் 14 முதல் துவங்கி, சியோமி, ரெட்மி, ஒப்போ, விவோ என்று பல முன்னணி நிறுவனங்கள் ஒவ்வொன்றும் தங்களுடைய புதிய தயாரிப்புகளை இந்தியாவில் அறிமுகம் செய்ய இருக்கின்றனர். இந்த வரிசையில் அடுத்தபடியாக Vivo புதிதாக Vivo Y22 என்ற ஸ்மார்ட்போனை அறிமுகம் செய்யவுள்ளது.
Vivo நிறுவனம் சமீபத்தில் Vivo Y22s ஸ்மார்ட்போனை வியட்நாமில் வெளியிட்டது. முந்தைய மாதத்தில் வெளிவந்த லீக் தகவலின் படி, விவோ நிறுவனம் Vivo Y22 மாடலையும் விரைவில் அறிமுகப்படுத்தத் திட்டமிட்டுள்ளது. இந்த புதிய Geekbench தரப்படுத்தல் தளத்திலும் சமீபத்தில் காணப்பட்டது. அதேபோல், மற்றொரு புதிய அறிக்கையில் இந்த ஸ்மார்ட்போனின் சிறப்பம்சம் முதல் இந்தியாவில் எதிர்பார்க்கப்படும் விலை வரை குறிப்பிடப்பட்டுள்ளது.
சமீபத்தில் வெளியான தகவலின் படி, இந்த புதிய Vivo Y22 ஸ்மார்ட்போனை இந்திய ரசிகர்கள் அடுத்த வாரத்தில் அறிமுகத்துடன் எதிர்பார்க்கலாம் என்று கூறப்பட்டுள்ளது. டிப்ஸ்டர் பராஸ் குக்லானி வெளியிட்ட தகவலில் Vivo Y22 போனைப் பற்றிய சில விபரங்கள் வெளியிடப்பட்டுள்ளது. இதன் படி, வரவிருக்கும் விவோவின் புதிய ஸ்மார்ட்போன் முழு HD+ கொண்ட 6.5 அங்குல அளவுடைய டிஸ்பிளேவை கொண்டிருக்கும் என்று பரிந்துரைக்கிறது. இது LCD பேனலுடன் எதிர்பார்க்கப்படுகிறது.
Geekbench பட்டியலின் குறிப்பு படி, Vivo Y22 ஆனது Helio G85 சிப்செட் உடன் 4ஜிபி ரேம் உடன் வெளியாகும் என்று கூறப்பட்டுள்ளது. இந்த புதிய Vivo Y22 ஸ்மார்ட்போன் 64ஜிபி இன்டர்னல் ஸ்டோரேஜ் உடன் மைக்ரோ எஸ்டி கார்டு ஸ்லாட் வழியாகக் கூடுதல் சேமிப்புத்திறனை ஆதரிக்கும் என்றும் கூறப்பட்டுள்ளது. இந்த மொபைல் Android 12 OS இல் இயங்குகிறது என்பதையும் கீக்பெஞ்ச் தகவல் வெளிப்படுத்தியுள்ளது. இந்த Vivo Y22 ஸ்மார்ட்போன் விர்ச்சுவல் ரேம் அம்சத்தையும் கொண்டு இருக்கிறது என்பது குறிப்பிடத்தக்கது.
கேமராவைப் பற்றிப் பார்க்கையில் இந்த மொபைல் 50 மெகாபிக்சல் பிரைமரி கேமராவையும், 2 மெகாபிக்சல் செகண்டரி கேமராவையும் கொண்டிருக்கும் என்று கூறப்படுகிறது. இந்த ஸ்மார்ட்போனின் முன்பக்கத்தில் வீடியோ அழைப்புகளை மேற்க்கொள்ளவும், செல்ஃபி புகைப்படங்களை எடுக்கவும் 8 மெகாபிக்சல் கொண்ட செல்ஃபி ஸ்னாப்பர் பொருத்தப்பட்டிருக்கும் என்றும் கீக்பெஞ்ச் தகவல் குறிப்பிடுகிறது. மேலும் இது 5,000mAh பேட்டரியைக் கொண்டு இருக்க்கும் என்றும் கூறப்பட்டுள்ளது.
சமீபத்திய லீக் தகவலில், இந்த Vivo Y22 மொபைல் பாஸ்ட் சார்ஜிங் வசதியை கொண்டு இருக்குமா? இல்லையா என்பது பற்றித் தெளிவாகக் குறிப்பிடப்படவில்லை. இந்த புதிய Vivo Y22 ஸ்மார்ட்போனை நாம் என்ன விலையில் இந்தியாவில் எதிர்பார்க்கலாம் என்பதற்கான சில லீக்கள் கிடைத்துள்ளது. இதன் படி, வரவிருக்கும் புதிய Vivo Y22 ஸ்மார்ட்போன் மேலே குறிப்பிடப்பட்ட விவரக்குறிப்புகளுடன் இந்தியாவில் சுமார் ரூ. 12,000 என்ற விலையில் எதிர்பார்க்கப்படுகிறது.
இந்த சாதனம் அடுத்த வாரம் இந்தியாவில் அதிகாரப்பூர்வமாக வரும் என்று ஊகிக்கப்படுகிறது. இது ஸ்டார்லைட் ப்ளூ மற்றும் பச்சை நிறங்களில் கிடைக்கும் என்றும் கூறப்பட்டுள்ளது. நீங்கள் ஒரு தரமான கேமராவுடன் பட்ஜெட் விலையில் ஒரு புது ஸ்மார்ட்போனை வாங்க நினைத்தால், அடுத்த வாரம் வரை காத்திருந்து இந்த புதிய Vivo Y22 மாடலை நீங்கள் வாங்கலாம். இந்த மொபைல் பற்றிய கூடுதல் விவரங்களை விரைவில் தெரிவிக்கிறோம்.
