விவோ நிறுவனம் புதிய ஒய் சீரிஸ் ஸ்மார்ட்போனை அறிமுகம் செய்ய தயாராகி வருகிறது. இந்நிறுவனம் வரும் வாரங்களில் அதன் புதிய மிட்ரேஞ்ச் ஸ்மார்ட்போனாக Y78+ ஐ வெளியிடக்கூடும். Vivo Y78+ ஆனது 5G ஸ்மார்ட்போனாக இருக்கலாம். இந்த மொபைல் கடந்த காலத்தில் இரண்டு சான்றிதழ் வலைத்தளங்களில் காணப்பட்டது. Vivo சீனாவிற்கு வெளியே பல்வேறு சந்தைகளில் இந்த மொபைலை வெளியிட வாய்ப்புள்ளது. இதற்கான வெளியீட்டு தேதியை விரைவில் அறிவிக்க வாய்ப்புள்ளது.
Y78+ 5G இப்போது கீக்பெஞ்ச் இணையதளத்தில் காணப்பட்டது. Geekbench இல் உள்ள பட்டியல் வரவிருக்கும் Vivo ஸ்மார்ட்போனின் சில முக்கிய விவரக்குறிப்புகளை உறுதிப்படுத்துகிறது. Vivo Y78+ 5G மொபைலின் விவரக்குறிப்புகள், அம்சங்கள் மற்றும் இதுவரை அறியப்பட்ட பிற விவரங்களைப் பார்ப்போம்.
Vivo Y78+ 5G – வெளியான புதிய விவரங்கள்
Vivo Y78+ 5G ஒரு புதிய மிட்ரேஞ்ச் போனாக இருக்கும். அதன் அதிகாரப்பூர்வ அறிமுகத்திற்கு முன்னதாக, ஃபோன் கீக்பெஞ்ச் பெஞ்ச்மார்க் வலைத்தளத்தில் பட்டியலாகி இருக்கிறது. இதில் இந்த போனில் மாடல் எண் V2271A என பட்டியல் ஆகி இருக்கிறது. பட்டியலின் படி, விவோ ஒய் சீரிஸ் போனில் குவால்காம் ஸ்னாப்டிராகன் 695 SoC உள்ளது. இந்த 5G சிப்செட் இந்தியாவில் ரூ.20,000க்கு கீழ் அல்லது அதற்கு மேல் உள்ள பல ஸ்மார்ட்போன்களில் பயன்படுத்தப்பட்டுள்ளது.
கீக்பெஞ்சில் பட்டியலிடப்பட்டுள்ள Y78+ 5G மொபைலின் வேரியண்ட்டில் 12ஜிபி ரேம் உள்ளது. Vivo 256GB வரை சேமிப்பகத்துடன் இந்த போனை அறிமுகப்படுத்தும் என்று எதிர்பார்க்கலாம். இது தவிர, Y78+ 5G ஆனது ஆண்ட்ராய்டு 13 இயங்குதளத்தோடு வெளிவரலாம். இந்த ஆண்ட்ராய்டின் மேல் Funtouch OS 13 அல்லது Origin OS 3 ஸ்கின்னைக் கொண்டிருக்கும். கீக்பெஞ்சின் சிங்கிள்-கோர் மற்றும் மல்டி-கோர் சோதனைகளில் Y78+ 5G 670 மற்றும் 1976 மதிப்பெண்களைப் பெற்றது என்பதை இந்தப் பட்டியல் உறுதிப்படுத்துகிறது.
இந்த மொபைல் சமீபத்தில் 3C தளத்தில் காணப்பட்டது. இது 44W வேகமான சார்ஜிங்கிற்கான ஆதரவை உறுதிப்படுத்தி இருக்கிறது. இது சில நாட்களுக்கு முன்பு TENAA தளத்தின் மூலம் தெரிய வந்தது. இது இந்த மொபைல் 5000mAh பேட்டரியைக் கொண்டுள்ளது என்பதையும் உறுதிப்படுத்தியது. பின்புறத்தில் மூன்று கேமரா அமைப்பு இருக்கும். போனின் கேமரா சென்சார் பற்றிய விவரங்களை இந்தப் பட்டியல் வெளிப்படுத்தவில்லை.
