- ஷாவ்மி நிறுவனம் கடந்த ஆண்டு ஸ்மார்ட் கிளாஸ் கான்செப்ட் மாடலை அறிமுகம் செய்து இருந்தது.
- தற்போது கேமரா, டிஸ்ப்ளே கொண்ட ஸ்மார்ட் கிளாஸ் மாடலை விற்பனைக்கு அறிமுகம் செய்து இருக்கிறது.
ஷாவ்மி நிறுவனம் மிஜியா ஸ்மார்ட் கண்ணாடி மாடலை சீன சந்தையில் அறிமுகம் செய்தது.
புதிய ஸ்மார்ட் கண்ணாடி இண்டெலிஜண்ட் இமேஜ் மற்றும் ஆக்மெண்டெட் ரியாலிட்டி (augmented reality) தொழில்நுட்பம் ஆகியவற்றை ஒருங்கிணைத்து பயனர்களுக்கு கற்பனை திறனை வெளிப்படுத்த செய்கிறது. இது ஆக்மெண்டெட் ரியாலிட்டி கிளாஸ் மற்றும் வழக்கமான கண்ணாடி இரண்டும் கலந்த ஒரு சாதனமாகும். இதில் கேமரா பொருத்தப்பட்டு இருக்கிறது. இதன் தோற்றத்தை வைத்துப் பார்க்குபோது, இந்த ஸ்மார்ட்கிளாஸ் அன்றாட பயன்பாடுக்கு ஏற்றதாகத் தெரியவில்லை.
கண்ணாடியின் இரண்டு புறங்களிலும் ஏ.ஆர். (augmented reality) ஆப்டிக்கல் டிஸ்ப்ளே (optical display) மற்றும் கேமரா ஆகியவை பொருத்தப்பட்டுள்ளன. லென்ஸ் மற்றும் ஃபிரேம்கள் இந்த கண்ணாடியின் முழு பயன்பாடுகளை அனுபவிக்க உதவும் வகையில் உருவாக்கப்பட்டு இருக்கிறது. இந்த ஸ்மார்ட் கிளாஸின் மொத்த எடை 100 கிராம்.
ஷாவ்மி மிஜியா ஸ்மார்ட்கிளாஸ் வசதிகள்
- சோனி மைக்ரோ OLED சிலிகான் சார்ந்த டிஸ்ப்ளே
- 3000 நிட்ஸ் பீக் பிரைட்னஸ்
- ஆண்டி-புளூ லைட் சான்று
- ஆக்டா கோர் ஸ்னாப்டிராகன் பிராசஸர்
- 3GB RAM
- 32GB சேமிப்புத்திறன்
- 50MP முதன்மை கேமரா
- 8MP டெலிபோட்டோ கேமரா
- ஏ.ஆர். மூலம் ரியல்-டைம் மொழி பெயர்ப்பு வசதி
- ப்ளூடூத் 5.0, டூயல் பேண்ட் வைபை, இண்டிபென்டெண்ட் ஐஎஸ்பி
- 1020mAh பேட்டரி
- 10 வாட் சார்ஜிங்
- 30 நிமிடங்களில் 80 சதவீதம் சார்ஜ்
- 10 நிமிடங்கள் வரை தொடர்ச்சியாக பதிவு செய்யும் வசதி
புதிய சியோமி மிஜியா ஸ்மார்ட் கிளாஸின் சீன விலை CNY 2499. இந்திய மதிப்பில் ரூ. 29,275 என நிர்ணயிக்கப்பட்டு இருக்கிறது. இதன் கிரவுட்-ஃபண்டிங் விற்பனை இன்று துவங்கியது. இனி இந்த ஸ்மார்ட் கிளாஸ் இந்திய மதிப்பில் ரூ. 31,615 என்ற விலையில் விற்பனை செய்யப்படும்.