Xiaomi நிறுவனம், நாளை சீனாவில் நடத்தும் நிகழ்வில் Xiaomi MIX Fold 2, Xiaomi Pad 5 Pro டேப்லெட்டின் 12.4′ அங்குல மாடல் மற்றும் Xiaomi Buds 4 Pro TWS இயர்பட்ஸ் சாதனம் போன்ற பல தயாரிப்புகளை அறிமுகம் செய்ய இருக்கிறது. இவை உள்ளூர் நேரப்படி மாலை 7 மணிக்கு அறிவிக்கப்படும் என்று கூறப்பட்டுள்ளது. இந்த நிகழ்வை ஏராளமான ஷாவ்மி ரசிகர்கள் எதிர்பார்த்து காத்திருக்கின்றனர்.
இதில் கவனிக்க வேண்டிய முக்கியமான விஷயம் என்னவென்றால், ஷாவ்மி பிராண்ட் தனது முதல் எலெக்ட்ரிக் வாகனத்தையும் இதே தேதியில் வெளியிடக்கூடும் என்ற சில வதந்திகள் வெளியாகியுள்ளது. இந்த அறிமுகம் நிகழ்வில் அறிமுகம் செய்யப்பட்டாலும், இது சில காலத்திற்குப் பின்னர் தான் கிடைக்கும் என்று அறிவிக்கப்பட்டுள்ளது.
Xiaomi MIX Fold 2 ஸ்மார்ட்போனில் என்னவெல்லாம் எதிர்பார்க்கலாம்?
Xiaomi MIX Fold 2 ஸ்மார்ட்போன் மாடல் கடந்த வருடத்தில் அறிமுகம் செய்யப்பட்ட MIX போல்ட் ஸ்மார்ட்போன் மாடலின் அப்டேட்டாக அறிமுகம் செய்யப்பட இருக்கிறது. சமீபத்தில் வெளியிடப்பட்ட டீஸர் புகைப்படத்தில் Xiaomi MIX Fold 2 என்ற வார்த்தைகளுடன் கோல்டு நிறத்தில் இந்த ஸ்மார்ட்போன் காட்சியளிக்கிறது. Xiaomi MIX Fold 2 ஆனது போல்டபில் ஸ்மார்ட்போன் வரிசையில் புதிய மாற்றங்களைக் கொண்டுவரப்போகும் வடிவமைப்புடன் வருகிறது என்று Xiaomi கூறுகிறது.
Xiaomi MIX Fold 2 சிறப்பம்சம் (எதிர்பார்ப்பு)
வரவிருக்கும் இந்த புதிய போல்டபில் ஸ்மார்ட்போன் பற்றிய சில முக்கியமான தகவல்கள் நமக்குக் கிடைத்துள்ளது. Xiaomi MIX Fold 2 ஸ்மார்ட்போன் டிவைஸ் 6.5′ அங்குலம் கொண்ட Samsung AMOLED E5 கவர் டிஸ்பிளேவை 21:9 விகிதத்துடன் கொண்டுள்ளது. இந்த டிஸ்பிளே 2520 x 1080 பிக்சல்கள் அடர்த்தி மற்றும் 120Hz ரெப்பிரஷ் ரேட் உடன் வருகிறது. இதில் உள்ள மற்றொரு டிஸ்பிளே 120Hz ரெப்பிரஷ் ரேட் உடன் கூடிய 8 அங்குல Eco2 AMOLED LTPO டிஸ்பிளேவை கொண்டிருக்கும் என்று கூறப்படுகிறது.
Xiaomi MIX Fold 2 சேமிப்புத்திறன்
இந்த புதிய போல்டபில் ஸ்மார்ட்போன் Qualcomm Snapdragon 8 Plus Gen1 சிப்செட் மூலம் இயக்கப்படும். TENAA பட்டியல் வெளியிட்டுள்ள தகவலின் படி, இது 12GB ரேம் + 512GB ஸ்டோரேஜ் கொண்ட ஒரு மாடலாகவும், மற்றும் 12GB ரேம் + 1TB ஸ்டோரேஜ் கொண்ட மாடலாகவும் வரும் என்று எதிர்பார்க்கப்படுகிறது.
Xiaomi MIX Fold 2 கேமரா
MIX Fold 2 OIS ஆதரவுடன் கூடிய 50MP Sony IMX766 பிரைமரி கேமராவுடன் வெளிவரும் என்று கூறப்படுகிறது. இந்த பிரைமரி கேமரா, 13MP OmniVision OV13B அல்ட்ரா-வைட் ஸ்னாப்பர் மற்றும் 2x ஆப்டிகல் ஜூம் கொண்ட டெலிஃபோட்டோ கேமரா ஆகியவற்றுடன் இணைந்திருக்கும் என்று கூறப்படுகிறது. வெளியான டீஸர் படத்தினைக் கொண்டு பார்க்கையில், போல்டபில் ஸ்மார்ட்போன் லைகா ஆப்டிக்ஸ் இடம் பெற்றுப்பதை உறுதிப்படுத்தியுள்ளது. அதேபோல், இந்த போனில் 67W பாஸ்ட் சார்ஜிங் வசதி வழங்கப்பட்டிருக்கும் என்று எதிர்பார்க்கப்படுகிறது. இந்த ஸ்மார்ட்போன் பற்றிய கூடுதல் விபரங்களை போனின் அறிமுகத்திற்குப் பின் அப்டேட் செய்கிறோம்.
