1. DJ (Duvvada Jagannadham)
2. S/O Satyamurthy
3. Julai
4. Yevadu

టాప్ టాలీవుడ్ స్టార్ అల్లు అర్జున్ కి తెలుగు రాష్ట్రాలతో పాటు ఇతర దక్షిణాది రాష్ట్రాల్లో కూడా మంచి పేరుంది. అలాగే, ఉత్తరాదిన కూడా ఐకన్ స్టార్ కి మాంచి ఫ్యాన్ ఫాలోయింగ్ ఉంది. బన్నీ చిత్రాలకు నార్త్ బెల్ట్ లో ఎనలేని క్రేజ్ ఉంది. హిందీలోకి అనువదించబడిన అల్లు అర్జున్ సినిమాలు ఆయనకు అక్కడ అభిమానులు ఏర్పడటంలో కీలక పాత్ర పోషించాయి.

ప్యాన్ ఇండియా చిత్రం పుష్ప తో అల్లు అర్జున్ ఇటు సౌత్, అటు నార్త్ లో ప్రభంజనం సృష్టించారు. ఉత్తరాది ప్రేక్షకులు పుష్ప చిత్రానికి బ్రహ్మరథం పట్టారు. ఇక తెలుగు రాష్ట్రాల గురించి ప్రత్యేకంగా చెప్పనవసరం లేదు. ప్రత్యేకంగా చెప్పుకోవాల్సింది కేరళ లో బన్నీ స్టార్డమ్ గురించే మరి. ఎందుకుంటే మనోడికి అక్కడ ఆర్య సినిమాతో వచ్చిన క్రేజ్ ఇప్పటికీ అలాగే ఉంది.

అల్లు అర్జున్ మోస్ట్ అవైటెడ్ ఫిల్మ్ ‘పుష్ప 2-ది రూల్’ విడుదల తేదీ వెల్లడైంది. ఈ చిత్రం 2024 ఆగష్టు 15న ప్రపంచవ్యాప్తంగా థియేటర్లలో విడుదల కానుంది. ఈ చిత్రం రావడం ఇంకా ఆలస్యం అయినప్పటికీ మీరు నిరాశ చెందాల్సిన అవసరం లేదు. ఎందుకంటే అల్లు అర్జున్ యొక్క అనేక యాక్షన్-కామెడీ సినిమాలు OTTలో అందుబాటులో ఉన్నాయి, వీటిని మీరు ఇంట్లో కూర్చొని టీవీలో చూడవచ్చు. ఈ ఆర్టికల్ లో Disney+ Hotstar ఓటీటీ లో ఉన్న అల్లు అర్జున్ సినిమాల జాబితాను అందిస్తున్నాం. ఈ జాబితాలో సినిమాల పేర్లు, వాటి ఐఎండిబి రేటింగ్, నటీనటులు తదితర వివరాలను కూడా ఇస్తున్నాం. ఓసారి చదివేయండి మరి.

డీజే: దువ్వాడ జగన్నాథమ్

దువ్వాడ జగన్నాథమ్ చిత్రంలో ఐకన్ స్టార్ అల్లు అర్జున్, పూజా హెగ్డే ప్రధాన పాత్రలు పోషించారు. ఈ చిత్రానికి హరీశ్ శంకర్ దర్శకత్వం వహించారు. దేవి శ్రీ ప్రసాద్ సంగీతం సమకూర్చారు. 2017 జూన్ 23 న ఈ చిత్రం థియేటర్లలో విడుదలైంది.

• థియెటర్ రిలీజ్: జూన్ 23, 2017
• ఐఎండిబి రేటింగ్: 5.9/10
• నటీనటులు: అల్లు అర్జున్, పూజా హెగ్డే
• ఓటీటీ: డిస్నీ+ హాట్‌స్టార్

S/O సత్యమూర్తి

సన్నాఫ్ సత్యమూర్తి చిత్రంలో అల్లు అర్జున్, సమంతా జంటగా నటించారు. ఈ చిత్రానికి త్రివిక్రమ్ శ్రీనివాస్ దర్శకత్వం వహించారు. హారికా అండ్ హాసిని క్రియేషన్స్ పతాకం పై ఎస్. రాధాకృష్ణ ఈ చిత్రాన్ని నిర్మించారు. ప్రసాద్ మూరెళ్ళ ఈ చిత్రానికి సినిమాటోగ్రఫర్ గా పని చేశారు.

• థియెటర్ రిలీజ్: ఏప్రిల్ 8, 2015
• నటీనటులు: అల్లు అర్జున్, సమంతా
• ఐఎండిబి రేటింగ్: 7/10
• ఓటీటీ: డిస్నీ+ హాట్‌స్టార్

జులాయి

త్రివిక్రమ్ శ్రీనివాస్ దర్శకత్వంలో వచ్చిన జులాయి చిత్రంలో అల్లు అర్జున్, ఇలియాన ప్రధాన పాత్రలు పోషించారు. సోను సూద్ విలన్ గా చేశారు. హారికా అండ్ హాసిని క్రియేషన్స్ సంస్థ ఈ చిత్రాన్ని నిర్మించింది. దేవి శ్రీ ప్రసాద్ ఈ చిత్రానికి సంగీతం అందించారు. చోటా కే నాయుడు, శ్యామ్ కే నాయుడు సినిమాటోగ్రఫర్లుగా చేశారు.

• థియెటర్ రిలీజ్: ఆగస్టు 9, 2012
• నటీనటులు: అల్లు అర్జున్, ఇలియాన
• ఐఎండిబి రేటింగ్: 7.2/10
• ఓటీటీ: డిస్నీ+ హాట్‌స్టార్

ఎవడు

ఎవడు చిత్రంలో రామ్ చరణ్, శృతి హాసన్, అమీ జాక్సన్ ప్రధాన పాత్రలు పోషించారు. అల్లు అర్జున్, కాజల్ అగర్వాల్ ఈ చిత్రంలో ప్రత్యేక పాత్రల్లో కనిపిస్తారు. జయసుధర, సాయి కుమార్, రాహుల్ దేవ్, బ్రహ్మానందం సహాయక పాత్రలు పోషించారు. దేవి శ్రీ ప్రసాద్ ఈ చిత్రానికి సంగీతం అందించారు. వంశీ పైడిపల్లి ఈ చిత్రానికి దర్శకత్వం వహించారు. దిల్ రాజు నిర్మించిన ఈ చిత్రానికి సీ రాంప్రసాద్ సినిమాటోగ్రఫర్ గా చేశారు.

• థియెటర్ రిలీజ్: జనవరి 14, 2014
• నటీనటులు: రాం చరణ్, శృతి హాసన్, అల్లు అర్జున్
• ఐఎండిబి రేటింగ్: 5.8/10
• ఓటీటీ: డిస్నీ+ హాట్‌స్టార్

The post పుష్ప 2 (Pushpa 2) రిలీజ్‌కి ముందు Disney+ Hotstar లో ఉన్న అల్లు అర్జున్ సినిమాలు చూడండి; లిస్ట్ చెక్ చేయండి! first appeared on 91Mobiles Telugu.

ఇప్పుడంతా ఓటీటీల హవా నడుస్తోంది. ఏ కొత్త సినిమా అయినా సరే, థియేటర్లలో విడుదలైన కొన్ని రోజులకే ఓటీటీల్లో ప్రత్యక్షమవుతోంది. అయితే ఆడని సినిమాలు ఓటీటీల్లోకి త్వరగా రావడం మామూలు విషయమే. కానీ, ఇటీవలి కాలంలో థియేటర్లలో సినిమా ఆడినా, ఆడకపోయినా సరే, ఓటీటీల్లోకి వెంటనే వచ్చేస్తున్నాయి. థియెట్రికల్ రిలీజ్ కి ముందు నిర్మాతలు చేసుకున్న ఒప్పందాల మేరకు ఈ విధంగా డిజిటల్ రిలీజెస్ త్వరగా అవుతున్నాయని చెప్పవచ్చు. ఇక థియేటర్లలో సరిగా ఆడని సినిమాలను ఓటీటీ సంస్థలు అంత ఈజీగా కొనడం లేదు. అంతేకదా, సినిమాలో దమ్ము లేకపోతే ఓటీటీల్లో అయినా ఏ ప్రేక్షకుడు చూస్తాడు చెప్పండి?

సరే, విషయంలోకి వద్దాం. 2023 లో విడుదలై ప్రస్తుతం ఓటీటీల్లో బాగా అలరిస్తోన్న తెలుగు సినిమాలేవో ఇక్కడ తెలుసుకుందాం. ఈ జాబితాలో మెగాస్టార్ నటించిన వాల్తేరు వీరయ్య, బాలయ్య నటించిన వీర సింహారెడ్డి, నాని నటించిన దసరా, నాగ శౌర్య ‘రంగబలి’ వంటి ఎన్నో చిత్రాలున్నాయి. సరే, పదండి మరి ఆ జాబితాపై ఓ లుక్ వేద్దాం.

Best Telugu Films On Netflix (2023)

రంగబలి

రంగబలి చిత్రం 2023 జులై 7 న థియేటర్లలో విడుదలైంది. ప్రస్తుతం ఈ చిత్రం నెట్‌ఫ్లిక్స్ లో చూసేందుకు అందుబాటులో ఉంది. ఈ చిత్రంలో నాగశౌర్య, యుక్తి తరేజా ప్రధాన పాత్రలు పోషించారు.

• సినిమా పేరు: రంగబలి
• ఐఎండీబి రేటింగ్ – 4.9/10
• ఎక్కడ చూడాలి – నెట్‌ఫ్లిక్స్
• నటీనటులు – నాగశౌర్య, యుక్తి తరేజా
• విడుదల తేదీ – 7 జులై 2023

వాల్తేరు వీరయ్య

వాల్తేరు వీరయ్య చిత్రంలో మెగాస్టార్ చిరంజీవి, మాస్ మహారాజా రవితేజ, శృతిహాసన్ ప్రధాన పాత్రలు పోషించారు. ఈ సినిమా ప్రస్తుతం నెట్‌ఫ్లిక్స్ లో స్ట్రీమ్ అవుతోంది. 2023 జనవరి 12 న ఈ చిత్రం థియేటర్లలో విడుదలైంది.

• సినిమా పేరు: వాల్తేరు వీరయ్య
• ఐఎండిబి రేటింగ్– 6.2/10
• ఎక్కడ చూడాలి – నెట్‌ఫ్లిక్స్
• నటీనటులు – చిరంజీవి, రవితేజ, శృతిహాసన్
• విడుదల తేదీ – 12 జనవరి 2023

దసరా

దసరా చిత్రంలో నేచురల్ స్టార్ నాని, కీర్తి సురేశ్ ప్రధాన పాత్రలు పోషించారు. ఈ సినిమా నెట్‌ఫ్లిక్స్ లో స్ట్రీమ్ అవుతోంది. ఈ చిత్రం 2023 మార్చి 30 న థియేటర్లలో విడుదలైంది.

• సినిమా పేరు: దసరా
• ఐఎండిబి రేటింగ్ – 6.7/10
• ఎక్కడ చూడాలి – నెట్‌ఫ్లిక్స్
• నటీనటులు – నాని, కీర్తి సురేశ్
• విడుదల తేదీ – 30 మార్చి 2023

Best Telugu Films On Amazon Prime (2023)

ఆదిపురుష్

ఆదిపురుష్ చిత్రంలో ప్రభాస్, కృతిసనన్, సైఫ్ అలీఖాన్ ప్రధాన పాత్రలు పోషించారు. రామాయణ గాథను స్పూర్తిగా తీసుకుని ఈ చిత్రాన్ని రూపొందించారు. ఈ చిత్రం 2023 జూన్ 16 న థియేటర్లలో విడుదలైంది. అమెజాన్ ప్రైమ్ వీడియో లో ఈ చిత్రం స్ట్రీమ్ అవుతోంది.

• సినిమా పేరు: ఆదిపురుష్
• ఐఎండీబి రేటింగ్ – 3.2/10
• ఎక్కడ చూడాలి – అమెజాన్ ప్రైమ్ వీడియో
• నటీనటులు – ప్రభాస్, కృతీసనన్
• విడుదల తేదీ – 16 జూన్ 2023

రుద్రాంగి

జగపతి బాబు, మమతా మోహన్ దాస్ ప్రధాన పాత్రల్లో నటించిన రుద్రాంగి చిత్రం 2023 జులై 7 న థియేటర్లలో విడుదలైంది. ప్రస్తుతం ఈ సినిమా అమెజాన్ ప్రైమ్ వీడియో లో స్ట్రీమ్ అవుతోంది. ఈ చిత్ర ప్రేక్షకులను అమితంగా ఆకట్టుకుంది. విభిన్న నేపథ్యం ఉన్న చిత్రాన్ని చూడాలనుకుంటే రుద్రాంగి ని చూసేయండి.

• సినిమా పేరు: రుద్రాంగి
• ఐఎమ్‌డిబి రేటింగ్ – 7.3/10
• ఎక్కడ చూడాలి – అమెజాన్ ప్రైమ్ వీడియో
• నటీనటులు – జగపతి బాబు, మమతా మోహన్ దాస్
• విడుదల తేదీ – 7 July 2023

స్పై

నిఖిల్ సిద్ధార్థ్, ఐశ్వర్య మేనెన్ ప్రధాన పాత్రలు పోషించిన స్పై సినిమా 2023 జూన్ 29 న థియేటర్లలో విడుదలైంది. ఈ చిత్రం ప్రస్తుతం అమెజాన్ ప్రైమ్ వీడియో లో స్ట్రీమ్ అవుతోంది.

• సినిమా పేరు: స్పై
• ఐఎండిబి రేటింగ్ – 5.4/10
• ఎక్కడ చూడాలి – అమెజాన్ ప్రైమ్ వీడియో
• నటీనటులు – నిఖిల్ సిద్ధార్థ్, ఐశ్వర్య మేనెన్
• విడుదల తేదీ – 29 జూన్ 2023

రావణాసుర

రవితేజ, దక్షా నగర్కర్, ఫరియా అబ్దుల్లా ప్రధాన పాత్రలు పోషించిన రావణాసుర చిత్రం 2023 ఏప్రిల్ 7 వ తేదీన థియేటర్లలో విడుదలైంది. ప్రస్తుతం ఈ సినిమా అమెజాన్ ప్రైమ్ వీడియో లో స్ట్రీమ్ అవుతోంది.

• సినిమా పేరు: రావణాసుర
• ఐఎండిబి రేటింగ్र – 5.7/10
• ఎక్కడ చూడాలి – అమెజాన్ ప్రైమ్
• నటీనటులు – రవితేజ, దక్షా నగర్కర్, ఫరియా అబ్దుల్లా
• విడుదల తేదీ – 7 ఏప్రిల్ 2023

Best Telugu Films on Disney+ Hotstar (2023)

వీరసింహారెడ్డి

వీరసింహారెడ్డి చిత్రం డిస్నీ+ హాట్‌స్టార్ లో అందుబాటులో ఉంది. ఈ చిత్రంలో బాలకృష్ణ, హనీరోజ్, శృతీహాసన్ ప్రధాన పాత్రలు పోషించారు. 2023 జనవరి 11 న ఈ సినిమా థియేటర్లలో విడుదలైంది.

• సినిమా పేరు: వీర సింహారెడ్డి
• ఐఎండిబి రేటింగ్ – 4.9/10
• ఎక్కడ చూడాలి – డిస్నీ+ హాట్‌స్టార్
• నటీనటులు – బాలకృష్ణ, హనీరోజ్, శృతీహాసన్
• విడుదల తేదీ – 11 జనవరి 2023

బిచ్చగాడు 2

బిచ్చగాడు 2 చిత్రంలో విజయ్ ఆంటోని, కావ్యా తాపర్ ప్రధాన పాత్రలు పోషించారు. ఈ సినిమా 2023 మే 19 వ తేదీన థియేటర్లలో విడుదలైంది. ఈ చిత్రం డిస్నీ+ హాట్‌స్టార్ లో స్ట్రీమ్ అవుతోంది.

• సినిమా పేరు: బిచ్చగాడు 2
• ఐఎండిబి రేటింగ్ – 5.6/10
• ఎక్కడ చూడాలి – డిస్నీ+ హాట్‌స్టార్
• నటీనటులు – విజయ్ ఆంటోని, కావ్యా తాపర్
• విడుదల తేదీ – 19 మే 2023

Best Telugu Films on Sony Liv (2023)

పరేషాన్

పరేషాన్ చిత్రంలో తిరువీర్, పావని కరణం ప్రధాన పాత్రలు పోషించారు. ఈ సినిమా సోని లివ్ లో స్ట్రీమ్ అవుతోంది. 2023 జూన్ 2 వ తేదీన థియేటర్లలో విడుదలైంది.

• సినిమా పేరు: పరేషాన్
• ఐఎండిబి రేటింగ్ – 6.1/10
• ఎక్కడ చూడాలి – సోని లివ్
• నటీనటులు – తిరువీర్, పావని కరణం
• విడుదల తేదీ – 2 June 2023

Best Telugu Films On Zee5 (2023)

రైటర్ పద్మభూషణ్

రైటర్ పద్మభూషణ్ చిత్రంలో సుహాస్, టీనా శిల్పరాజ్, శ్రీ గౌరి ప్రియ ప్రధాన పాత్రలు పోషించారు. 2023 ఫిబ్రవరి 3 వ తేదీన ఈ సినిమా థియేటర్లలో విడుదలైంది. జీ5 లో ఈ చిత్రం స్ట్రీమ్ అవుతోంది.

• సినిమా పేరు: రైటర్ పద్మభూషణ్
• ఐఎండిబి రేటింగ్ – 7.7/10
• ఎక్కడ చూడాలి – జీ5
• నటీనటులు – సుహాస్, టీనా శిల్పరాజ్, శ్రీ గౌరి ప్రియ
• విడుదల తేదీ – 3 ఫిబ్రవరి 2023

The post OTT: ఓటీటీల్లో ఉన్న బెస్ట్ తెలుగు సినిమాలు (2023) first appeared on 91Mobiles Telugu.

విజయ్ సేతుపతికి ఉన్న క్రేజ్ గురించి ప్రత్యేకంగా చెప్పనవసరం లేదు. తమిళంలో తన కెరీర్ ని ప్రారంభించిన విజయ్ సేతుపతి అనతి కాలంలోనే తెలుగు, హిందీ భాషల్లో నటించారు. విజయ్ సేతుపతికి యూత్ తో పాటు ఫ్యామిలీ ఆడియన్స్ లోనూ క్రేజ్ ఉంది.

ఎన్నో విజయవంతమైన చిత్రాల్లో నటించిన విజయ్ సేతుపతి ప్రస్తుతం హిందీలో అట్లీ దర్శకత్వంలో జవాన్ అనే చిత్రంలో నటిస్తున్నారు. ఈ చిత్రంలో షారుఖ్ ఖాన్, నయనతార ప్రధాన పాత్రలు పోషిస్తున్నారు. మరి ఈ చిత్రంతో సేతుపతి తన నట విశ్వరూపం చూపిస్తారేమో చూడాలి. విజయ్ నటించిన ఎన్నో సినిమాలు వివిధ ఓటీటీ సైట్స్ లో అందుబాటులో ఉన్నాయి. ప్రస్తుతం మనం Netflix లో అందుబాటులో ఉన్న విజయ్ సేతుపతి చిత్రాలేవో తెలుసుకుందాం.

Netflix లో అందుబాటులో ఉన్న విజయ్ సేతుపతి సినిమాలు

1. డీఎస్పీ (DSP)

తమిళంలో రూపొందిన ఈ యాక్షన్ కామెడీ చిత్రానికి పొన్‌రామ్ దర్శకత్వం వహించారు. ఈ చిత్రం తెలుగు డబ్బింగ్ వర్షన్ నెట్‌ఫ్లిక్స్ లో అందుబాటులో ఉంది. ఈ చిత్రంలో విజయ్ సేతుపతి, అనుకీర్తి వ్యాస్ ప్రధాన పాత్రలు పోషించారు. ప్రభాకర్ విలన్ పాత్ర పోషించారు. పుగళ్, ఇళవరసు, జి. జ్ఞానసంబంధం, దీప, సింగంపులి ఇతర కీలక పాత్రల్లో నటించారు.

2. సూపర్ డీలక్స్

ఈ చిత్రంలో తమిళం, తెలుగు భాషల్లో నెట్‌ఫ్లిక్స్ లో అందుబాటులో ఉంది. ఈ చిత్రానికి త్యాగరాజన్ కుమారరాజా దర్శకత్వం వహించారు. విజయ్ సేతుపతి, ఫహాద్ ఫాజిల్, సమంతా రుత్ ప్రభు, రమ్య కృష్ణన్ ఈ చిత్రంలో ప్రధాన పాత్రలు పోషించారు. విజయ్ సేతుపతి ఈ చిత్రంలో ట్రాన్స్‌జెండర్ గా నటించారు.

3. లాభం

లాభం చిత్రంలో విజయ్ సేతుపతి, జగపతి బాబు, శృతిహాసన్ ప్రధాన పాత్రలు పోషించారు. ధన్సికా, కళయరసన్ కీలక పాత్రల్లో నటించారు. డి. ఇమ్మాన్ సంగీతం అందించారు. ఈ చిత్రానికి జననాదన్ దర్శకత్వం వహించారు. నెట్‌ఫ్లిక్స్ లో ఈ చిత్రం తమిళంతో పాటు తెలుగు భాషలో అందుబాటులో ఉంది. చూసి ఆనందించండి.

4. తుగ్లక్ దర్బార్

తుగ్లక్ దర్బార్ రాజకీయాలపై వ్యంగ్యాస్త్రంగా రూపొందింది. ఈ చిత్రంలో విజయ్ సేతుపతి, రాశీ ఖన్నా, ఆర్. పార్తీబన్ ప్రధాన పాత్రలు పోషించారు. మంజిమా మోహన్, కరుణాకరన్, భగవతి పెరుమాళ్, రాజ్ కుమార్ ఇతర కీలక పాత్రల్లో నటించారు. గోవింద్ వసంత ఈ చిత్రానికి సంగీతం అందించారు. ఈ చిత్రం నెట్‌ఫ్లిక్స్ లో తమిళంతో పాటు తెలుగులో అందుబాటులో ఉంది.

5. ఉప్పెన

ఈ తెలుగు రొమాంటిక్ డ్రామా లో విజయ్ సేతుపతి ప్రతినాయకుడిగా చేశారు. ఈ చిత్రంలో పంజా వైష్ణవ్ తేజ్, కృతి శెట్టి ప్రధాన పాత్రలు పోషించారు. కాకినాడ బ్రాక్‌డ్రాప్ లో రూపొందిన ఈ ప్రేమకథా చిత్రంలో విజయ్ సేతుపతి జమిందారుగా నటించారు. దేవి శ్రీ ప్రసాద్ ఈ చిత్రానికి సంగీతం అందించారు. ఈ చిత్రం నెట్‌ఫ్లిక్స్ లో అందుబాటులో ఉంది.

లేటెస్ట్ స్మార్ట్ ఫోన్, ఆటోమొబైల్, టెక్నాలజీ, టెలీకామ్, ఎంటర్టెయిన్మెంట్ న్యూస్ కోసం 91మొబైల్స్ తెలుగు ఫేస్‌బుక్ పేజీని లైక్ చేసి ఫాలో అవ్వండి.

The post Netflix లో అందుబాటులో ఉన్న విజయ్ సేతుపతి చిత్రాలు first appeared on 91Mobiles Telugu.

• ఇటీవలె థియేటర్లలోకి వచ్చి విజయవంతంగా ప్రదర్శితమవుతోన్న సార్ సినిమా
• డిజిటల్ స్ట్రీమింగ్ రైట్స్ సొంతం చేసుకున్న ఓటీటీ దిగ్గజం నెట్‌ఫ్లిక్స్
• శాటిలైట్ హక్కులను కైవసం చేసుకున్న సన్ నెట్వర్క్, త్వరలో జెమినీ టీవీలో ప్రసారం కానున్న సార్
• సార్ చిత్రంలో ప్రధాన పాత్రలు పోషించిన ధనుష్, సంయుక్తా మీనన్

తమిళంతో పాటు తెలుగునాట కూడా క్రేజ్ ఉన్న నటుడు ధనుష్. తమిళంలో స్టార్ స్టేటస్ ని అనుభవిస్తోన్న ధనుష్ భాషా బేధం లేకుండా తమిళం, హిందీ, ఇంగ్లీషు అంటూ అన్ని భాషల్లోనూ నటిస్తూ పోతున్నాడు. తాజాగా తెలుగులో నేరుగా ఓ చిత్రానికి కమిట్ అయ్యాడు ధనుష్. ఆ చిత్రం పేరు సార్. ఈ ద్విభాషా చిత్రం తమిళంలో వాతి అనే పేరుతో విడుదలైంది. తెలుగు, తమిళ భాషల్లో ఏకకాలంలో రిలీజ్ అయిన ఈ చిత్రం హిట్ టాక్ తో దూసుకెళ్తోంది.

ధనుష్ నటించిన గత చిత్రాలు తిరు, నేనే వస్తున్నా చిత్రాలు ఆశించిన ఫలితాన్ని ఇవ్వలేదు. దీంతో అభిమానుల గురి ధనుష్ తదుపరి చిత్రమైన సార్ పై పడింది. ఈ సినిమాతో తమ హీరోకి హిట్టు పడాలి అని అనుకున్న వారి కోరిక ఫలించింది. ప్రస్తుతం తెలుగుతో పాటు తమిళంలో సార్ చిత్రం మంచి వసూళ్ళతో దూసుకెళ్తోంది. సార్ మూవీ ఓటీటీ హక్కులను నెట్‌ఫ్లిక్స్ కైవసం చేసుకోగా, శాటిలైట్ రైట్స్ ని సన్ నెట్వర్క్ కొనుగోలు చేసింది.

సార్ బాక్సాఫీస్ విశేషాలు

ఫిబ్రవరి 17 న సార్ చిత్రం తెలుగు, తమిళ భాషల్లో విడుదలైంది. ఇక ఆ రోజు నుంచి బాక్సాఫీస్ వద్ద సార్ మోత మోగిస్తోంది. సినిమా కంటెంట్ ప్రేక్షకులకు బాగా నచ్చడంతో పాజిటివ్ మౌత్ టాక్ తో సార్ దూసుకెళ్తోంది. ధనుష్ గత చిత్రాలు దాదాపుగా తమిళంతో పాటు తెలుగులో కూడా డబ్ అయిన సంగతి తెలిసిందే. ఈసారి తెలుగులో తన తొలి ప్రయత్నంలోనే విజయం సాధించిన ధనుష్ పాజిటివ్ ఎంట్రీతో అందరి మనసులు గెలుచుకున్నాడు.

సార్ (వాతి) చిత్ర కథ

విద్యా వ్యవస్థలోని లోపాలను ఎత్తిచూపే కథతో వచ్చిన సార్ చిత్రానికి ప్రేక్షకులు ఫిదా అవుతున్నారు. భారీ ఫీజులు వసూలు చేస్తూ సామాన్యుడి నడ్డి విరిచే కార్పొరేట్ మాఫియా ఆగడాలను చిత్రంలో బాగా చూపించారు. ప్రస్తుతం విద్యా వ్యవస్థ పరిస్థితి ఎలా ఉందో మనందరికీ తెలిసిందే. అదే బర్నింగ్ ఇష్యూని దర్శకుడు వెంకీ తన చిత్ర కథగా ఎంచుకుని వంద మార్కులు కొట్టేశాడు. ఇంకేముంది, ప్రేక్షకులు ఈ చిత్రానికి బ్రహ్మరథం పడుతున్నారు.

సార్ (వాతి) ఓటీటీ, శాటిలైట్ అప్డేట్

థియేటర్లకు వెళ్లి సినిమాలు చూడటం కుదరని వారి కోసం ఓటీటీ మరియు టీవీల రూపంలో వినోద మాధ్యమాలు ఎంతగానో ఉపకరిస్తున్నాయి. తాజాగా ఈ చిత్ర ఓటీటీ హక్కులను దిగ్గజ ఓటీటీ సంస్థ నెట్‌ఫ్లిక్స్ కైవసం చేసుకుంది. తెలుగు, తమిళ భాషా ఓటీటీ హక్కులు నెట్‌ఫ్లిక్స్ వద్ద ఉన్నాయి.

మరోవైపు సన్ నెట్వర్క్ సంస్థ సార్ చిత్రం యొక్క శాటిలైట్ హక్కులను కైవసం చేసుకుంది. సార్ చిత్రం జెమినీ టీవీలో ప్రసారం కానుంది. థియెట్రికల్ రన్ ముగిసాక ఈ చిత్రం టీవీ మరియు ఓటీటీలో ప్రసారం అవుతుంది. త్వరలోనే స్ట్రీమింగ్ డేట్ కన్ఫర్మ్ అవుతుంది.

లేటెస్ట్ స్మార్ట్ ఫోన్, ఆటోమొబైల్, టెక్నాలజీ, టెలీకామ్, ఎంటర్టెయిన్మెంట్ న్యూస్ కోసం 91మొబైల్స్ తెలుగు ఫేస్‌బుక్ పేజీని లైక్ చేసి ఫాలో అవ్వండి.

The post ధనుష్ నటించిన ‘సార్’ మూవీ ఓటీటీ మరియు శాటిలైట్ అప్డేట్ first appeared on 91Mobiles Telugu.

• ఓటీటీ ఎంట్రీకి సిద్ధమవుతోన్న మెగాస్టార్ చిరంజీవి నటించిన వాల్తేరు వీరయ్య
• ఫిబ్రవరి 27 నుంచి నెట్‌ఫ్లిక్స్ లో ప్రసారం కానున్న చిత్రం
• బాబీ దర్శకత్వంలో రూపొందిన వాల్తేరు వీరయ్య చిత్రంలో కీలక పాత్ర పోషించిన రవితేజ

మెగాస్టార్ చిరంజీవి చిత్రం వస్తుందంటే తెలుగు ప్రేక్షకుల్లో లేని ఉత్సాహం వచ్చేస్తుంది. ఎప్పుడెప్పుడు మెగాస్టార్ చిత్రం అనౌన్స్‌మెంట్ ఉంటుందా, ఇంకెప్పుడు థియేటర్లలో ఆ చిత్రాన్ని చూద్దామా అని మెగా అభిమానులు ఎదురు చూస్తుంటారు. ఆచార్య, గాడ్ ఫాదర్ చిత్రాలతో చిరు నిరాశలో కూరుకుపోయారు. అయినప్పటికీ రెట్టించిన ఉత్సాహంతో తన తదుపరి చిత్రాలను చేస్తూ పోతున్నారు. ఆయన కష్టానికి తగిన ఫలితం వాల్తేరు వీరయ్య రూపంలో దొరికింది.

బాబీ దర్శకత్వంలో రూపొందిన వాల్తేరు వీరయ్య చిత్రం బాక్సాఫీస్ వద్ద బంపర్ హిట్ కొట్టింది. కేవలం హిట్ మాత్రమే కాదండోయ్, చిరు కెరీర్ లో అత్యధిక వసూళ్ళు రాబట్టిన చిత్రాల జాబితాలో ఒకటిగా వాల్తేరు వీరయ్య నిలిచింది. తాజాగా వాల్తేరు వీరయ్య సినిమా ఓటీటీ అప్డేట్ వచ్చింది. ఆ వివరాలు ఏంటో తెలుసుకుందాం పదండి.

Netflix లో ప్రసారం కానున్న వాల్తేరు వీరయ్య

చిరంజీవి, శృతిహాసన్ జంటగా నటించిన వాల్తేరు వీరయ్య చిత్రం డిజిటల్ హక్కులను నెట్‌ఫ్లిక్స్ కైవసం చేసుకుంది. ఈ చిత్రం ఫిబ్రవరి 27 న నెట్‌ఫ్లిక్స్ లో ప్రసారం కానుందని సదరు సంస్థ ట్విట్టర్ ద్వారా ప్రకటించింది. నెట్‌ఫ్లిక్స్ ప్రకటనతో ఫ్యాన్స్ ఆనందానికి అవధుల్లేకుండా పోయింది. ఎప్పుడెప్పుడు ఫిబ్రవరి 27 వస్తుందా అని మెగా అభిమానులు ఎదురు చూస్తున్నారు. థియేటర్లలో మెగా మాస్ యాక్షన్ ని చూడని వారు ఓటీటీ స్ట్రీమింగ్ కోసం ఆత్రుతగా వేచి చూస్తున్నారు.

చిత్ర తారాగణం, సాంకేతిక వర్గం

వాల్తేరు వీరయ్య చిత్రంలో మెగాస్టార్ చిరంజీవి, శృతిహాసన్, రవితేజ ప్రధాన పాత్రలు పోషించారు. ప్రకాశ్ రాజ్, బాబీ సింహా, సత్యరాజ్, కేథరిన్, జాన్ విజయ్, నాజర్ ముఖ్య పాత్రలు పోషించారు. శ్రీనివాస రెడ్డి, వెన్నెల కిశోర్, సప్తగిరి, షకలక శంకర్, ప్రదీప్ రావత్ ఇతర పాత్రల్లో కనిపించారు. బాబీ ఈ చిత్రానికి దర్శకత్వం వహించారు. నవీన్ యెర్నేని, రవిశంకర్ ఈ చిత్రాన్ని నిర్మించారు. దేవి శ్రీ ప్రసాద్ సంగీతం అందించారు. ఆర్థర్ ఏ విల్సన్ సినిమాటోగ్రఫర్ గా చేశారు. నిరంజన్ దేవరమానే ఎడిటింగ్ బాధ్యతలు నిర్వర్తించారు.

చిత్ర కథ

2023 జనవరి 13 న వాల్తేరు వీరయ్య చిత్రం థియేటర్లలో విడుదలైంది. వైజాగ్ లో స్మగ్లింగ్ చేసే వీరయ్య (చిరంజీవి)ని, ఏసీపీ విక్రమ్ సాగర్ (రవితేజ) ఎలా అడ్డుకున్నాడు? తదనంతర పరిణామాలే చిత్ర కథ. వీరయ్య పాత్రలో చిరంజీవి తన నట విశ్వరూపం చూపించారు. మాస్ అవతారంలో చిరు రఫ్ గా కనిపంచారు. మరోవైపు పోలీసు అధికారి పాత్రలో రవితేజ తన మాస్ యాంగిల్ ని పర్ఫెక్ట్ గా చూపించారు. యాక్షన్ సీక్వెన్స్ లో ఇటు చిరు, అటు రవితేజ ఇరగదీశారు. కథానాయిక పాత్రలో శృతిహాసన్ బాగా చేశారు. చిరు, శృతి ఆన్‌స్క్రీన్ కెమెస్ట్రీ బాగుంది.

దేవి శ్రీ ప్రసాద్ అందించిన సంగీతం ప్రేక్షకులకు బాగా నచ్చింది. వీరయ్య టైటిల్ సాంగ్, నీకేమో అందమెక్కువ, బాస్ పార్టీ సాంగ్, పూనకాలు లోడింగ్ ఇలా అన్నీ పాటలు వేటికవే ప్రత్యేకంగా నిలిచాయి. బాబీ తన దర్శకత్వ ప్రతిభను మరోసారి చాటారు. ఆయన రాసుకున్న పాత్రలు, సన్నివేశాలు, చిత్రీకరణ బాగున్నాయి.

లేటెస్ట్ స్మార్ట్ ఫోన్, ఆటోమొబైల్, టెక్నాలజీ, టెలీకామ్, ఎంటర్టెయిన్మెంట్ న్యూస్ కోసం 91మొబైల్స్ తెలుగు ఫేస్‌బుక్ పేజీని లైక్ చేసి ఫాలో అవ్వండి.

The post మెగాస్టార్ చిరంజీవి నటించిన ‘వాల్తేరు వీరయ్య’ ఓటీటీ అప్డేట్ first appeared on 91Mobiles Telugu.

• రెండు ఓటీటీ ప్లాట్ఫామ్స్ లో ప్రసారమవుతోన్న తెలుగు రొమాంటిక్ కామెడీ చిత్రం 18 పేజెస్
• ఆహా, నెట్‌ఫ్లిక్స్ ఓటీటీల్లో స్ట్రీమ్ అవుతోన్న సినిమా; 18 పేజెస్ లో ప్రధాన పాత్రలు పోషించిన నిఖిల్ సిద్ధార్థ్, అనుపమ పరమేశ్వరన్
• 2023 జనవరి 27 న ఓటీటీలో విడుదలైన 18 పేజెస్ చిత్రం

2022 డిసెంబర్ 23 న 18 Pages సినిమా థియేటర్లలో విడుదలైంది. ఈ సినిమా నిడివి 137 నిమిషాలు. ఈ చిత్రానికి క్రిటిక్స్ నుంచి మిశ్రమం నుంచి పాజిటివ్ రివ్యూలు వచ్చాయి. 16 కోట్ల బడ్జెట్ తో 18 Pages చిత్రం రూపొందింది. బాక్సాఫీస్ వద్ద ఈ చిత్రం రూ.25 కోట్లు వసూలు చేసింది. సినిమా చిత్రీకరణ అప్పుడెప్పుడో 2020 డిసెంబర్ లో మొదలై, కరోనా కారణంగా ఆలస్యంగా పూర్తై, ఇటీవలె థియేటర్లలోకి వచ్చింది.

థియెట్రికల్ రన్ ముగించుకున్న 18 Pages చిత్రం విడుదలైన నెల రోజులకు డిజిటల్ స్ట్రీమింగ్ కి వచ్చేసింది. 2023 జనవరి 27 న ఈ సినిమా ఓటీటీలో విడుదలైంది. ప్రస్తుతం నెట్‌ఫ్లిక్స్ మరియు ఆహా ఓటీటీ ప్లాట్ఫామ్స్ లో 18 Pages చిత్రం ప్రసారమవుతోంది.

18 Pages సినిమా ఓటీటీ హక్కులను రెండు ప్రముఖ ఓటీటీ సైట్స్ దక్కించుకున్నాయి. 18 Pages చిత్రం నెట్‌ఫ్లిక్స్, ఆహా ఓటీటీల్లో స్ట్రీమ్ అవుతోంది. జనవరి 27, 2023 నుంచి రెండు ప్లాట్ఫామ్స్ లో 18 Pages ప్రసారమవుతోంది.

18 Pages నటీనటులు, సాంకేతిక బృందం

ఈ రొమాంటిక్ కామెడీకి ప్రముఖ దర్శకుడు సుకుమార్ కథను సమకూర్చారు. పల్నాటి సూర్య ప్రతాప్ ఈ చిత్రానికి దర్శకత్వం వహించాడు. బన్నీ వాస్ ఈ చిత్రానికి నిర్మాతగా వ్యవహరించాడు. సుకుమార్ రైటింగ్స్ మరియు జీఏ2 పిక్చర్స్ బ్యానర్స్ పై సినిమా రూపొందింది. నిఖిల్ సిద్ధార్థ, అనుపమ పరమేశ్వరన్ ఈ చిత్రంలో ప్రధాన పాత్రలు పోషించారు.

దినేశ్ తేజ్, అజయ్, సరయు రాయ్, రాజ్ తీరందాస్, మౌనికా రెడ్డి, గోల్డీ నిస్సీ, బ్రహ్మాజీ, పోసాని కృష్ణ మురళి ఈ చిత్రంలో ఇతర ముఖ్య పాత్రలు పోషించారు. అల్లు అరవింద్ ఈ చిత్రానికి సమర్పకులుగా వ్యవహరించారు.

18 Pages చిత్ర కథ

18 Pages చిత్ర కథ సిద్ధు (నిఖిల్ సిద్దార్థ), నందిని (అనుపమ పరమేశ్వరన్) పాత్రల చుట్టూ తిరుగుతుంది. నందిని షార్ట్-టర్మ్ మెమొరీ లాస్ తో బాధపడుతుంటుంది. కాబట్టి, తనకు సంబంధించిన అన్ని విషయాలను గుర్తు పెట్టుకునేందుకై ఒక డైరీని మెయింటైన్ చేస్తుంటుంది. అయితే నందిని తన డైరీని పోగొట్టుకోగా, అది కాస్తా సిద్ధ వద్దకు చేరుతుంది. డైరీని చదవడం ప్రారంభించిన సిద్ధు, మెల్లగా నందినికి ఎట్రాక్ట్ అవుతాడు. ఇక అంతే ఆమె కోసం వెతకడం మొదలెడతాడు. స్టోరీలోని అసలు విషయం డైరీలోని 18 పేజీల్లో దాగి ఉంటుంది. మరి చివరకు సిద్దు, నందిని కలుస్తారా? అనేది చిత్ర మిగతా కథ.

ఎంతో సరదాగా అలాగే ఎమోషనల్ గా సాగే ఈ చిత్రాన్ని మీ కుటుంబ సభ్యులతో కలిసి చూసేయండి. సినిమా చూడాలంటే మీరు నెట్‌ఫ్లిక్స్ లేదా ఆహా సబ్‌స్క్రిప్షన్ ని తీసుకోవాల్సి ఉంటుంది.

లేటెస్ట్ స్మార్ట్ ఫోన్, ఆటోమొబైల్, టెక్నాలజీ, టెలీకామ్, ఎంటర్టెయిన్మెంట్ న్యూస్ కోసం 91మొబైల్స్ తెలుగు ఫేస్‌బుక్ పేజీని లైక్ చేసి ఫాలో అవ్వండి.

The post Netflix, Aha ఓటీటీ ప్లాట్ఫామ్స్ లో స్ట్రీమ్ అవుతోన్న 18 Pages first appeared on 91Mobiles Telugu.

• నెట్‌ఫ్లిక్స్ లో స్ట్రీమ్ అవుతోన్న లేటెస్ట్ సినిమా ధమాకా
• ప్రస్తుతం టాప్-10 మూవీస్ లో ట్రెండ్ అవుతోన్న ధమాకా చిత్రం
• ధమాకా చిత్రంలో ప్రధాన పాత్రలు పోషించిన రవితేజ, శ్రీలీల.. దర్శకత్వం వహించిన త్రినాథరావు నక్కిన

రవితేజ నటించిన లేటెస్ట్ సినిమా ధమాకా థియేటర్లలో బంపర్ హిట్ అయ్యింది. వినోదంతో పాటు, యాక్షన్ అంశాలతో కూడిన ఈ చిత్రానికి ప్రేక్షకులు బ్రహ్మరథం పట్టారు. ఇక రవితేజ సినిమాలంటే యాక్షన్ కామెడీ చిత్రాలే గుర్తుకువస్తాయి. ఆ జోనర్ మాస్ మహారాజాకి బాగా కలిసొచ్చిన జోనర్. మాస్ మహారాజా చిత్రాలంటే ఇటు యూత్, అటు ఫ్యామిలీ ఆడియన్స్ కి బాగా కనెక్ట్ అవుతాయి. దీంతో సినిమా బాగుంటే కాసుల వర్షం కురవడం ఖాయమే.

ఎన్నో రోజులుగా సరైన హిట్ లేని రవితేజకి దర్శకుడు త్రినాథ రావు నక్కిన అద్భుతమైన విజయాన్ని అందించారు. ధమాకా దనాదన్ హిట్టు సాధించడంతో బాక్సాఫీస్ వద్ద మరోసారి రవితేజ మాస్ జాతర కొనసాగింది. ఇక థియెట్రికల్ రన్ సక్సెస్‌ఫుల్ గా ముగుంచికుని ఓటీటీలోకి వచ్చిన ధమాకా చిత్రం అక్కడ కూడా వంద మార్కులు సంపాదించింది.

ధమాకా చిత్రం కోసం ఎదురు చూసిన ఓటీటీ ఆడియన్స్ కోసం వారం క్రితం నెట్‌ఫ్లిక్స్ ఓటీటీకి వచ్చిన సినిమా ఓ రేంజ్ లో దూసుకెళ్తోంది. ప్రస్తుతం టాప్-2 లో ట్రెండ్ అవుతోందని నెట్‌ఫ్లిక్స్ అఫీషియల్ గా ప్రకటించింది. దీంతో మాస్ మహారాజా చిత్రానికి ఓటీటీ ఆడియన్స్ నుంచి ఎలాంటి స్పందన వస్తుందో అర్థమవుతోంది.

మాస్ అంశాలు పుష్కలంగా ఉండటం, రవితేజ యాక్షన్, శ్రీలీల అందం, భీమ్స్ సంగీతం, దర్శకుడి ప్రతిభ వెరసి ధమాకా చిత్రం ఓటీటీలో తన విజయపరంపరను కొనసాగిస్తోంది.

ధమాకా చిత్ర కథ

ఈ చిత్రంలో రవితేజ డ్యూయల్ షేడ్స్ ఉన్న పాత్రలో కనిపించారు. కథ విషయానికి వస్తే, కథానాయకుడి తండ్రి నుంచి కంపెనీని లాగేసుకోవాలని శతవిధాలా ప్రయత్నించే విలన్ ని హీరో ఎలా నిలువరించాడన్నదే కథ. కథానాయికగా శ్రీలీల నటించింది. విలన్ పాత్రలో జయరామ్ నటించారు. రావు రమేశ్, పవిత్ర లోకేశ్, సచిన్ ఖేడేకర్, తనికెళ్ళ భరణి, తులసి, అలీ, హైపర్ ఆది చిత్రంలో ముఖ్య పాత్రలు పోషించారు.

ధమాకా చిత్రానికి త్రినాథ రావు నక్కిన దర్శకత్వం వహించారు. ప్రసన్న కుమార్ బెజవాడ కథను సమకూర్చారు. కార్తీక్ ఘట్టమనేని సినిమాటోగ్రఫీ బాధ్యతలు నిర్వర్తించారు. ప్రవీణ్ పూడి ఎడిటింగ్ చేశారు. భీమ్స్ సెసిరొలియో సంగీతం అందించారు. పీపుల్ మీడియా ఫ్యాక్టరీ మరియు అభిషేక్ అగర్వాల్ ఆర్ట్స్ బ్యానర్స్ పై ఈ చిత్రం నిర్మితమైంది.

ధమాకా బాక్సాఫీస్

రవితేజ, శ్రీలీల ప్రధాన పాత్రల్లో, త్రినాథరావు నక్కిన దర్శకత్వంలో రూపొందిన ధమాకా చిత్రం 2022 డిసెంబర్ 23 న థియేటర్లలో విడుదలైంది. క్రిటిక్స్ నుంచి ఈ చిత్రానికి మిశ్రమ స్పందన వచ్చినప్పటికీ, ప్రేక్షకుల పాజిటివ్ మౌత్ టాక్ కారణంగా వెంటనే పుంజుకుంది. రూ.40 కోట్ల బడ్జెట్ తో తెరకెక్కిన ఈ చిత్రం బాక్సాఫీస్ వద్ద రూ.110 కోట్లను కలెక్ట్ చేసి మాస్ మహారాజా కెరీర్ లోనే అత్యధిక వసూళ్లు సాధించిన చిత్రంగా నిలిచింది.

లేటెస్ట్ స్మార్ట్ ఫోన్, ఆటోమొబైల్, టెక్నాలజీ, టెలీకామ్, ఎంటర్టెయిన్మెంట్ న్యూస్ కోసం 91మొబైల్స్ తెలుగు ఫేస్‌బుక్ పేజీని లైక్ చేసి ఫాలో అవ్వండి.

The post Netflix లో దూసుకెళ్తోన్న మాస్ మహారాజా నటించిన ధమాకా! first appeared on 91Mobiles Telugu.

• ఓటీటీ రిలీజ్ అడ్డంకులు తొలగడంతో స్ట్రీమింగ్ కి సిద్ధమైన ‘యశోద’
• యశోద ఓటీటీ హక్కులను కైవసం చేసుకున్న అమెజాన్ ప్రైమ్ వీడియో, డిసెంబర్ 10 నుంచి స్ట్రీమింగ్ ప్రారంభం
• యశోద చిత్రంలో ప్రధాన పాత్ర పోషించిన సమంతా

ప్రముఖ నటి సమంతా నటించిన యశోద చిత్రం నవంబర్ 11 న థియేటర్లలోకి వచ్చింది. ఈ చిత్రానికి ప్రేక్షకుల నుంచి మిశ్రమ స్పందన వచ్చింది. దీంతో బాక్సాఫీస్ వద్ద కలెక్షన్లు పర్వాలేదనిపించాయి. శుభారంభం చేసిన ఈ సినిమా తర్వాత నెమ్మదించింది. మీడియం రేంజ్ సినిమాకి పబ్లిక్ టాక్ ఎంతో కీలకం. అయితే యశోద విషయంలో పబ్లిక్ టాక్ మిక్స్‌డ్ గా ఉండటంతో థియేటర్లలో ఎక్కువ రోజులు నిలవలేకపోయింది. దీంతో వసూళ్ళు ఆశించిన రేంజ్ లో రాలేదు.

థియెట్రికల్ రన్ ముగిసిన వెంటనే చిత్రాన్ని ఓటీటీ లో విడుదల చేయాలని మేకర్స్ భావించారు. అయితే Eva IVF ఆస్పత్రి తో లీగల్ ఇష్యూ రావడంతో డిజిటల్ రిలీజ్ వాయిదా పడింది. యశోద సినిమాలో చూపించిన ఆస్పత్రి పేరు కూడా Eva నే కావడంతో చిక్కులు తప్పలేదు. చిత్రంలో చూపించిన ఆస్పత్రిని నెగటివ్ గా చూపించడంతో సదరు హాస్పటల్ వర్గాలు తీవ్ర అసంతృప్తిని వ్యక్తం చేశాయి. దీంతో Eva ఆస్పత్రి యాజమాన్యం విషయాన్ని కోర్టుకి తీసుకెళ్ళింది.

తాజా పరిస్థితులను చూస్తే, ఈ వివాదం సద్దుమణిగినట్లు కనిపిస్తోంది. ఈ కేసు సాధారణమైన అవగాహన లోపం మరియు కోఇన్సిడెన్స్ గా పరిగణించబడింది. ఇప్పుడు ఇరు వర్గాల మధ్య అవగాహన కుదిరి కాంప్రమైజ్ అయినట్లు తెలుస్తోంది. దీంతో యశోద ఓటీటీ విడుదలకు అడ్డంకులు తొలగిపోయినట్లైంది.

యశోద చిత్రం నవంబర్ 11 న తెలుగు, హిందీ, తమిళం, కన్నడ మరియు మలయాళ భాషల్లో విడుదలైంది. ఈ త్రిల్లర్ మూవీలో సమంతా ప్రధాన పాత్ర పోషించింది.

Amazon Prime Video లో స్ట్రీమ్ కానున్న యశోద

డిసెంబర్ 9 న అమెజాన్ ప్రైమ్ ఓటీటీ లో యశోద చిత్రం స్ట్రీమ్ కానుంది. ఈ చిత్రంలో సమంతా ప్రధాన పాత్ర పోషించింది. వరలక్ష్మి శరత్ కుమార్, ఉన్ని ముకుందన్, దివ్య శ్రీపాద ముఖ్యపాత్రలు పోషించారు. ఈ చిత్రానికి హరి-హరీశ్ దర్శకత్వం వహించారు. మణిశర్మ ఈ చిత్రానికి సంగీతం అందించారు. శివలెంక కే ప్రసాద్ ఈ చిత్రాన్ని నిర్మించారు.

చిత్ర కథ

భారతదేశంలో కమర్షియల్ సరోగసీ (అద్దె గర్భం) ని ప్రభుత్వం నిషేధించింది. అయితే పేదింటి అమ్మాయిలకు డబ్బులను ఎరగా చూపి, ఓ ఆస్పత్రి అద్దె గర్భం దందాని రహస్యంగా నిర్వహిస్తుంటుంది. ఈ విషయం తెలుసుకున్న కథానాయిక దీనికి వ్యతిరేకంగా జరిపే పోరే చిత్ర కథ. సమంతా తన పాత్రకు పూర్తిగా న్యాయం చేసింది. తన సహజ నటనతో అందరినీ ఆకట్టుకుంది. ఈ చిత్రంలో సమంతా ఫైట్స్ కూడా చేయడం విశేషం. తన స్టంట్స్ తో సమంతా ఆడియన్స్ ని ఎంతగానో మెప్పించింది. సమంతా ని అభిమానించే వారు, ఈ తరహా త్రిల్లర్స్ ని ఇష్టపడే వారు కచ్చితంగా సినిమాని చూడండి.

లేటెస్ట్ స్మార్ట్ ఫోన్, ఆటోమొబైల్, టెక్నాలజీ, టెలీకామ్, ఎంటర్టెయిన్మెంట్ న్యూస్ కోసం 91మొబైల్స్ తెలుగు ఫేస్‌బుక్ పేజీని లైక్ చేసి ఫాలో అవ్వండి.

The post సమంతా నటించిన ‘యశోద’ మూవీ ఓటీటీ అప్డేట్ first appeared on 91Mobiles Telugu.

• ప్రముఖ తమిళ దర్శకుడు లింగుసామి దర్శకత్వంలో రూపొందిన ది వారియర్ మూవీ
• చిత్రంలో ప్రధాన పాత్రలు పోషించిన రామ్ పోతినేని, కృతిశెట్టి
• తెలుగు, తమిళ భాషల్లో థియేటర్లలో విడుదలై నిరాశ పరిచిన సినిమా. ప్రస్తుతం హిందీ డబ్బింగ్ వర్షన్ కి భారీ స్పందన.

టాలీవుడ్ ఎనర్జిటిక్ హీరో రామ్ పోతినేని ఇటీవలె ది వారియర్ అనే సినిమాతో తెలుగు, తమిళ ప్రేక్షకుల ముందుకు వచ్చారు. అయితే ఈ చిత్రం ఇటు తెలుగు, అటు తమిళంలో ఆశించిన స్థాయిలో ఆడలేదు. దీంతో థియెట్రికల్ రన్ ముగించుకుని, వెంటనే ఓటీటీ లోకి వచ్చేసింది. డిస్నీ+ హాట్‌స్టార్ లో ప్రస్తుతం ఈ సినిమా స్ట్రీమ్ అవుతోంది.

విచిత్రమేంటంటే, తెలుగు, తమిళ భాషల్లో ప్రేక్షకులు పెదవి విరిచారు కానీ, హిందీ జనాలు మాత్రం వారియర్ ని ఆదరిస్తున్నారు. ఇటీవలె ది వారియర్ హిందీ డబ్బింగ్ వర్షన్ యూట్యూబ్ లో విడుదలైంది. విడుదలైన నాటి నుంచి ప్రేక్షకులు ఈ చిత్రానికి బ్రహ్మరథం పడుతున్నారు. భారీ వ్యూస్, లైక్స్ సాధించిన ది వారియర్ వారెవా అనిపిస్తోంది.

‘ది వారియర్’ హిందీ డబ్బింగ్ వర్షన్ కి యూట్యూబ్ లో భారీ స్పందన

రామ్ పోతినేని నటించిన ది వారియర్ చిత్రం యొక్క హిందీ డబ్బింగ్ వర్షన్ ఇటీవలె యూట్యూబ్ లో విడుదలైంది. విడుదలైన కొన్ని రోజులకే ఈ సినిమా 50 మిలియన్ వ్యూస్ ని క్రాస్ చేసి మేకర్స్ ని ఆశ్చర్యపరిచింది. అంతే కాదు, ఈ మూవీకి యూట్యూబ్ లో 1 మిలియన్ లైక్స్ కూడా వచ్చాయి. వెండితెరపై మెరుపులు మెరిపించలేకపోయిన ది వారియర్ యూట్యూబ్ లో మాత్రం ప్రభంజనం సృష్టించింది. మొత్తానికి రామ్ కి యూట్యూబ్ ద్వారా హిందీ ఆడియన్స్ మూలంగా భారీ హిట్ లభించినట్లైంది.

చిత్ర నటీనటులు:

ది వారియర్ చిత్రాన్ని శ్రీనివాసా సిల్వర్ స్క్రీన్ పథాకం పై శ్రీనివాస్ చిట్టూరి నిర్మించారు. కథను అందించిన ఎన్ లింగుసామి చిత్ర దర్శకత్వ బాధ్యతలను నిర్వర్తించారు. రామ్ పోతినేని, ఆది పినిశెట్టి, కృతిశెట్టి, అక్షర గౌడ, నదియ తదితరులు చిత్రంలో ప్రధాన పాత్రలు పోషించారు. సుజిత్ వాసుదేవ్ కెమెరామెన్ గా పని చేయగా, నవీన్ నూలి ఎడిటింగ్ చేశాడు. దేవి శ్రీ ప్రసాద్ సంగీతం సమకూర్చాడు.

చిత్ర కథ:

కర్నూలు నగరంలో డీఎస్పీగా బాధ్యతలు స్వీకరించిన సత్య అనే పోలీసు అధికారి, స్థానిక గూండా గురుని ఎలా ఎదుర్కున్నాడన్నదే చిత్ర ప్రధాన కథ. అయితే ఈ చిత్రంలో హీరో ఒక డాక్టర్, కానీ వ్యవస్థను బాగు చేసేందుకు పోలీసుగా మారతాడు. కథలో విలన్ పాత్ర పోషించిన ఆది పినిశెట్టి, మర్డర్ చేసిన ప్రతిసారి ఒక మొక్క నాటుతుంటాడు. సినిమాలో ఇదొక రకం ఆకర్షణ. ఇక కథానాయిక కృతిశెట్టి రేడియో జాకీ గా చేసింది. విజయ్ మహాలక్ష్మి పాత్రలో కృతి మెప్పించింది. అక్షర గౌడ, నదియా తమ పాత్రలకు న్యాయం చేశారు.

లేటెస్ట్ స్మార్ట్ ఫోన్, ఆటోమొబైల్, టెక్నాలజీ, టెలీకామ్, ఎంటర్టెయిన్మెంట్ న్యూస్ కోసం 91మొబైల్స్ తెలుగు ఫేస్‌బుక్ పేజీని లైక్ చేసి ఫాలో అవ్వండి.

The post హిందీలో దూసుకెళ్తోన్న రామ్ పోతినేని నటించిన ‘ది వారియర్’ first appeared on 91Mobiles Telugu.

మాస్ మహారాజా రవితేజ కు ఉన్న క్రేజ్ గురించి ప్రత్యేకంగా చెప్పనవసరం లేదు. తెలుగు రాష్ట్రాలతో పాటు ఆయన డబ్బింగ్ సినిమాల ద్వారా రవితేజకు దేశ వ్యాప్తంగా క్రేజ్ వచ్చింది. ఎక్కువగా యాక్షన్ కామెడీ జోనర్ సినిమాలతో ప్రేక్షకులను అలరించారు రవితేజ. హిట్లు, ఫ్లాపులతో సంబంధం లేకుండా రవితేజ తన స్టార్డమ్ ని అలాగే నిలబెట్టకుంటున్నారు. ప్రేక్షకుల్లో కూడా రవితేజ కొత్త సినిమా ఎప్పుడస్తుందా అనే ఉత్సుకత ఉంటుంది.

ఆమధ్య కరోనా తో ప్రపంచం అతలాకుతలమైపోతున్న సమయంలో సినీ పరిశ్రమ దారుణంగా కుదేలైన సంగతి తెలిసిందే. అప్పుడొచ్చింది రవితేజ నటించిన క్రాక్ సినిమా. మళ్ళీ థియేటర్లకు జనాలను రాబట్టడమే కాదు, బ్లాక్‌బస్టర్ కొట్టి బాక్సాఫీస్ వద్ద కాసుల వర్షం కురిపించింది. 50 శాతం ఆక్యుపెన్సీ రేషియోతోనే క్రాక్ సినిమా రూ.50 కోట్లకు పైగా వసూలు చేసి రవితేజ్ స్టామినా ఏంటో నిరూపించింది.

త్వరలో రవితేజ, చిరంజీవి ప్రధాన పాత్రలో రూపొందుతోన్న వాల్తేరు వీరయ్య చిత్రంతో ప్రేక్షకుల ముందుకు వస్తున్నారు. ఇందులో రవితేజ కీలక పాత్ర పోషించినట్లు సమాచారం. అలాగే రవితేజ ప్రధాన పాత్రలో ధమాకా అనే సినిమా కూడా త్వరలో రాబోతోంది.

అమెజాన్ ప్రైమ్ వీడియో ఓటీటీలో స్ట్రీమ్ అవుతోన్న రవితేజ సినిమాల జాబితాను ఇక్కడ అందిస్తున్నాం. ఓసారి కన్నేయండి.

Amazon Prime Video లో రవితేజ సినిమాలు

1. విక్రమార్కుడు

మాస్ మహారాజా రవితేజ, అనుష్క శెట్టి ఈ చిత్రంలో ప్రధాన పాత్రలు పోషించారు. ఎస్ఎస్ రాజమౌళి దర్శకత్వంలో వచ్చిన ఈ చిత్రం బాక్సాఫీస్ వద్ద బ్లాక్‌బస్టర్ గా నిలిచింది. రవితేజ ఈ చిత్రంలో పోలీస్ ఆఫీసర్ గా, దొంగగా డ్యూయల్ రోల్ లో కనిపించారు. ఈ చిత్రానికి కీరవాణి సంగీతం అందించారు. యాక్షన్, కామెడీ, సెంటిమెంట్ తో కూడిన ఈ సినిమా కుటుంబ సమేతంగా చూడదగిన చిత్రం.

2. భద్ర

రొమాంటిక్ యాక్షన్ ఎంటర్టెయినర్ గా వచ్చిన భద్ర చిత్రంలో రవితేజ, మీరా జాస్మిన్ ప్రధాన పాత్రలు పోషించారు. ఈ చిత్రానికి బోయపాటి శ్రీను దర్శకత్వం వహించారు. దేవి శ్రీ ప్రసాద్ సంగీతం సమకూర్చారు. బాక్సాఫీస్ వద్ద ఈ చిత్రం ఘన విజయం సాధించింది.

3. కృష్ణ

వివి వినాయక్ దర్శకత్వంలో రూపొందిన ఈ చిత్రం బాక్సాఫీస్ వద్ద విజయం సాధించింది. చక్రి ఈ చిత్రానికి సంగీతం సమకూర్చారు. ఈ చిత్రంలో రవితేజ, త్రిష జంటగా నటించారు.

4. సింధూరం

క్రియేటివ్ డైరెక్టర్ కృష్ణవంశీ దర్శకత్వంలో సింధూరం చిత్రం రూపొందింది. ఈ చిత్రంలో బ్రహ్మాజీ, రవితేజ ప్రధాన పాత్రలు పోషించారు. ఈ చిత్రంలో రవితేజ తన నటనతో నవ్వులు పూయించారు. సంఘవి కథానాయికగా చేసింది.

5. టచ్ చేసి చూడు

ఈ యాక్షన్ కామెడీ చిత్రంలో రవితేజ, రాశీ ఖన్నా, సీరత్ కపూర్ ప్రధాన పాత్రలు పోషించారు. ఫ్రెడ్డీ దారువాలా, మురళీశర్మ, సుహాసిని మణిరత్నం ఇతర ముఖ్యపాత్రల్లో కనిపించారు. ఈ చిత్రంతో విక్రమ్ సిరికొండ దర్శకుడిగా పరిచయమయ్యారు.

6. అమర్ అక్బర్ ఆంటోని

శ్రీను వైట్ల దర్శకత్వంలో రూపొందిన అమర్ అక్బర్ ఆంటోని చిత్రం బాక్సాఫీస్ వద్ద అనుకున్న ఫలితాన్ని రాబట్టలేదు. ఈ చిత్రంలో రవితేజ, ఇలియాన జంటగా నటించారు. సునీల్, సాయాజీ షిండే, అభిమన్యు సింగ్, ఆదిత్య ఈ చిత్రంలో కీలక పాత్రలు పోషించారు.

లేటెస్ట్ స్మార్ట్ ఫోన్, ఆటోమొబైల్, టెక్నాలజీ, టెలీకామ్, ఎంటర్టెయిన్మెంట్ న్యూస్ కోసం 91మొబైల్స్ తెలుగు ఫేస్‌బుక్ పేజీని లైక్ చేసి ఫాలో అవ్వండి.

The post Prime Video లో స్ట్రీమ్ అవుతోన్న మాస్ మహారాజా సినిమాలు first appeared on 91Mobiles Telugu.