Whatsapp చాలా ప్రజాదరణ పొందిన తక్షణ సందేశ సేవ మరియు ప్రపంచవ్యాప్తంగా 2 బిలియన్ల కంటే ఎక్కువ మంది ప్రజలు సందేశం పంపడం, వీడియో కాల్‌లు, ఫైల్ బదిలీ మొదలైన వాటి కోసం దీనిని ఉపయోగిస్తున్నారు. ఇది ఫోన్‌తో ప్రారంభమైంది, అయితే మీరు దీన్ని ల్యాప్‌టాప్ మరియు కంప్యూటర్‌లో కూడా సులభంగా ఉపయోగించవచ్చు. మేము ఈ పద్ధతులను మరింత వివరించాము.

కంప్యూటర్ మరియు ల్యాప్‌టాప్స్ లో WhatsApp వాడటం ఎలా?

కంప్యూటర్ లేదా ల్యాప్‌టాప్ లో వాట్సాప్ ని రెండు విధాలుగా వాడవచ్చు.

1. వెబ్ వర్షన్
2. డెస్క్ టాప్ యాప్ (వాట్సాప్ డెస్క్‌టాప్ యాప్)

WhatsApp వెబ్ ద్వారా రన్ చేయడం ఎలా?

మీరు వాట్సాప్ యాప్ ని డౌన్‌లోడ్ చేయవద్దనుకుంటే, అప్పుడు ల్యాప్‌టాప్ ద్వారా వాట్సాప్ వెబ్ ని ఉపయోగించవచ్చు. అందుకోసం క్రింద స్టెప్స్ ఫాలో అవ్వండి.

• స్టెప్ 1: మొదట మీరు, web.whatsapp.com ని మీ డెస్క్‌టాప్ బ్రౌజర్ పై ఓపెన్ చేయండి.
• స్టెప్ 2: ఆపై మీ Android లేదా iPhoneలో లింక్డ్ డివైజ్ మెనుని తెరవండి. దీని తరువాత మీరు పైన పేర్కొన్న పద్ధతులను ఉపయోగించవచ్చు.
• స్టెప్ 3: తర్వాత ల్యాప్‌టాప్ లేదా డెస్క్‌టాప్ స్క్రీన్‌పై కనిపించే QR కోడ్‌ను స్కాన్ చేయండి.
• స్టెప్ 4: ఇప్పుడు WhatsApp కోసం నోటిఫికేషన్ అనుమతిని ఇవ్వండి. ఇందుకోసం అడ్రస్ బార్‌లో ఇచ్చిన లాక్ ఐకాన్‌పై క్లిక్ చేసి సైట్ సెట్టింగ్‌లను తెరవండి.
• స్టెప్ 5: ఇక్కడ మీరు నోటిఫికేషన్‌ల కోసం అనుమతించు ఆప్షన్‌ను ఎంచుకోవాలి.

మీరు ఇదే ట్రిక్ ని ఐప్యాడ్ లేదా ఆండ్రాయిడ్ ట్యాబ్లెట్ పై వాట్సాప్ వాడేందుకు ఉపయోగించవచ్చు.

ల్యాప్‌టాప్, కంప్యూటర్స్ పై డెస్క్‌టాప్ యాప్ ద్వారా WhatsApp ని రన్ చేయడం ఎలా?

వాట్సాప్ తన డెస్క్‌టాప్ యాప్‌లో చాలా మార్పులు చేసింది. మీరు Mac లేదా Windows కోసం WhatsApp యాప్‌ని డౌన్‌లోడ్ చేసుకోవచ్చు. వాట్సాప్ కొత్త ఇంటర్‌ఫేస్ మరియు కాలింగ్ ఫీచర్‌లతో విండోస్ యాప్‌ను పూర్తిగా రీడిజైన్ చేసింది. మీరు కావాలనుకుంటే Microsoft Store లేదా Mac App Store నుండి WhatsApp డెస్క్‌టాప్ యాప్‌ను డౌన్‌లోడ్ చేసుకోవచ్చు. దీన్ని సెటప్ చేసే విధానం కాస్త అటూఇటూగా ఒకేలా ఉంటుంది. మీరు క్రింద ఇవ్వబడిన స్టెప్స్ అనుసరించడం ద్వారా మీ ల్యాప్‌టాప్‌లో WhatsApp యాప్‌ని డౌన్‌లోడ్ చేసుకోవచ్చు మరియు సెటప్ చేయవచ్చు.

స్టెప్ 1: మీరు గనుక విండోస్ యాప్ వాడుతున్నట్లయితే, మొదట వాట్సాప్ యాప్ ని డౌన్‌లోడ్ చేసేందుకై మైక్రోసాఫ్ట్ స్టోర్ ని ఓపెన్ చేయండి.

స్టెప్ 2: ఇప్పుడు సెర్చ్ బార్ లో వాట్సాప్ ని టైప్ చేసి, డౌన్‌లోడ్ చేయండి. తర్వాత గెట్ స్టార్టెడ్ బటన్ పై క్లిక్ చేయండి.

స్టెప్ 3: ఇప్పుడు మీ ఫోన్ తో లింక్ చేసేందుకై ఒక క్యూఆర్ కోడ్ కనిపిస్తుంది. మీ ఆండ్రాయిడ్ ఫోన్ పై వాట్సాప్ ఓపెన్ చేసి, పైన కుడివైపు మూలలో కనిపిస్తోన్న 3 చుక్కల మెను బటన్ ని క్లిక్ చేయండి.

స్టెప్ 4: ఇక్కడ మీరు లింక్ ఏ డివైజ్ అనే బటన్ పై క్లిక్ చేసి, మీ ఐడెంటిటీని ఆథంటికేట్ చేయండి. తర్వాత మీ డెస్క్‌టాప్ లేదా ల్యాప్‌టాప్ పై కనిపిస్తోన్న క్యూఆర్ కోడ్ ని స్కాన్ చేయండి.

స్టెప్ 5: ఇప్పుడు, కాసేపటి తర్వాత వాట్సాప్ మెసేజెస్ మీ ల్యాప్‌టాప్ పై కనిపించడం ప్రారంభమవుతుంది. ఇదే విధానాన్ని ఫాలో అయి మీ మ్యాక్ లో కూడా వాట్సాప్ ని డౌన్‌లోడ్ చేసి వాడుకోవచ్చు.

The post WhatsApp ని కంప్యూటర్, ల్యాప్‌టాప్‌లలో వాడటం ఎలాగో తెలుసుకోండి! first appeared on 91Mobiles Telugu.

కంప్యూటర్ పై పని చేస్తున్నప్పుడు మనం తరచూ స్క్రీన్ షాట్స్ తీసుకునే అవసరం ఏర్పడుతుంది. మొబైల్ ఫోన్లలో అయితే స్క్రీన్ షాట్స్ ని తేలిగ్గా తీసుకోవచ్చు. కానీ, కంప్యూటర్లలో స్క్రీన్ షాట్ తీయడం సులభమేమీ కాదు. మీరు గనుక కంప్యూటర్ పైన స్క్రీన్ షాట్ తీయాలని అనుకుంటున్నారా? అయితే ఇక్కడ మీకోసం విండోస్ మరియు మ్యాక్ కంప్యూటర్లపై స్క్రీన్ షాట్స్ ఎలా తీయాలో తెలియజేసే సమాచారం అందిస్తున్నాం. ఓసారి చదివి తెలుసుకోండి.

విండోస్ కంప్యూటర్ పై స్క్రీన్ షాట్ తీసుకోవడం ఎలా?

ప్రింట్ స్క్రీన్ బటన్

• మీరు గనుక విండోస్ కంప్యూటర్ పై స్క్రీన్ షాట్ తీయాలనుకుంటే, కీబోర్డ్ పైన ప్రింట్ స్క్రీన్ (PrtScn) అనే బటన్ ఉంటుంది.
• PrtScn బటన్ ద్వారా స్క్రీన్ షాట్ తీయవచ్చు. ఈ బటన్ నొక్కిన వెంటనే స్క్రీన్ షాట్ క్లిప్‌బోర్డ్ కి కాపీ అవుతుంది.
• అప్పుడు మీరు దాన్ని మైక్రోసాఫ్ట్ వర్డ్ లేదా మైక్రోసాఫ్ట్ పెయింట్ పై పేస్ట్ చేసి సేవ్ చేసుకోవాల్సి ఉంటుంది.

విండోస్ కీ + ప్రింట్ స్క్రీన్

• విండోస్ 10 లేదా విండోస్ 11 ఓఎస్ కలిగిన కంప్యూటర్లు అయితే విడోస్ కీ + PrtScn బటన్ లను కలిపి నొక్కాల్సి ఉంటుంది.
• అప్పుడు స్క్రీన్ షాట్ ఆటోమేటిక్ గా స్క్రీన్ షాట్స్ ఫోల్డర్ లో సేవ్ అవుతుంది.
• స్క్రీన్ మొత్తం స్క్రీన్ షాట్ గా సంబంధిత ఫోల్డర్ లో సేవ్ అవుతుంది. దానిని మీ అవసరాలకు అనుగుణంగా వాడుకోవచ్చు.

Alt + Print Screen

• విండోస్ కంప్యూటర్ పై మీరు Alt + PrtScn బటన్స్ ని ఒకేసారి నొక్కడం ద్వారా కూడా స్క్రీన్ షాట్ తీయవచ్చు.
• ఇలా చేయడం వల్లన, స్క్రీన్ షాట్ క్లిప్‌బోర్డ్ కి కాపీ అవుతుంది.
• స్క్రీన్ షాట్ ని సేవ్ చేయాలంటే, మైక్రోసాఫ్ట్ పెయింట్ లేదా మైక్రోసాఫ్ట్ వర్డ్ పై పేస్ట్ చేసి తర్వాత సేవ్ చేసుకోవచ్చు.

Snipping Tool

• మీరు గనుక కస్టమైజ్డ్ స్క్రీన్ షాట్ తీసుకోవాలంటే, స్నిప్పింగ్ టూల్ అందుకు ఉపయోగపడుతుంది.
• ఈ టూల్ ద్వారా యూజర్లు తమకు స్క్రీన్ మొత్తం కాకుండా, తమకు కావాల్సిన భాగాన్ని మాత్రమే స్క్రీన్ షాట్ తీసుకునే వీలుంది.
• స్నిప్పింగ్ టూల్ ని వాడాలంటే మీరు ఒకేసారి Windows Key + Shift + S బటన్స్ ని నొక్కాలి.
• ఈ టూల్ ద్వారా మీరు రెక్టాంగ్యులర్, ఫ్రీఫామ్, ఫుల్ విండో.. ఇలా మూడు రకాలుగా స్క్రీన్ షాట్ తీసుకోవచ్చు. ఇది కూడా చదవండి: ఇంటి వద్ద నుంచే ట్రాఫిక్ చలాన్‌ని చెక్ చేసి, పేమెంట్ చేయవచ్చు; ఎలాగో తెలుసుకోండి!

Mac పై స్క్రీన్ షాట్ తీయడం ఎలా?

• మ్యాక్ పైన స్క్రీన్ షాట్ తీసుకోవడం చాలా తేలికైన పని.
• Command + Shift మరియు నంబర్ కీ ని ఒకేసారి నొక్కాలి.
• అప్పుడు మీకు స్క్రీన్ షాట్ తీసుకునేందుకు షాట్ కట్ విధానానికి సంబంధించిన సమాచారం వస్తుంది.

Shift + Command + 3: ఈ కమాండ్ ద్వారా, మీరు మ్యాక్ సిస్టమ్ పై పూర్తి స్క్రీన్ ని స్క్రీన్ షాట్ గా తీసుకోవచ్చు.

Shift + Command + 4: మీరు గనుక స్క్రీన్ పైన ఒక భాగాన్ని మాత్రమే స్క్రీన్ షాట్ గా తీసుకోవాలని భావిస్తే, అప్పుడు ఈ కమాండ్ ని వాడుకోండి.

Shift + Command + 5: ఈ కమాండ్ ద్వారా, స్క్రీన్ షాట్ మెనూ ఓపెన్ అవుతుంది. అప్పుడు మీరు స్క్రీన్ ని రికార్డు చేయవచ్చు.

Source: 91mobiles Hindi

The post విండోస్, మ్యాక్ ల్యాప్‌టాప్స్ లో స్క్రీన్‌షాట్ తీయడం ఎలా? తేలికైన మార్గం తెలుసుకోండి! first appeared on 91Mobiles Telugu.