* నేటి నుంచి భారత్ లో Moto G42 సేల్ ప్రారంభం.

* ఫ్లిప్ కార్ట్ తో పాటు కంపెనీ అఫీషియల్ వెబ్ సైట్ ద్వారా కొనుగోలు చేయవచ్చు.

* భారత్ లో మోటో జీ42 ధర రూ.13,999.

గత నెలలో గ్లోబల్ గా విడుదలయ్యాక మోటో జీ42 వారం క్రితం భారత గడ్డపై కూడా అడుగు పెట్టింది. ఇక ఈ ఫోన్ నేటి నుంచి భారత్ లో ఫ్లిప్ కార్ట్ ద్వారా సేల్ కి అందుబాటులోకి వచ్చింది. నేడు మధ్యాహ్నం 12 గంటల నుంచి సేల్ ప్రారంభమైంది. మోటో జీ42 (రివ్యూ) ఫోన్ బ్యాక్ ప్యానెల్ పీఎంఎంఏ ఆక్రిలిక్ గ్లాస్ ఫినిష్ తో ట్రిపుల్ కెమెరా సెటప్ ను కలిగి ఉంది. ముందు భాగాన ఓఎల్ఈడీ ప్యానెల్ తో కూడిన పంచ్ హోల్ కటౌట్, సన్నని బెజెల్స్ ఉన్నాయి. మోటో జీ42 లో క్వాల్కమ్ స్నాప్ డ్రాగన్ 680 చిప్సెట్, 5,000ఎంఏహెచ్ బ్యాటరీ, 20 వాట్ ఫాస్ట్ ఛార్జింగ్ సపోర్ట్, 16ఎంపి సెల్ఫీ కెమెరా కీలకమైన ఫీచర్లు. భారత్ లో ఈ ఫోన్ ధర, ఇతర ఆఫర్లను గురించి తెలుసుకుందాం.

భారత్ లో Moto G42 ధర, లాంచ్ ఆఫర్లు

4జిబి ర్యామ్, 64జిబి స్టోరేజీ తో కూడిన సింగిల్ వేరియంట్ తో వస్తున్న మోటో జీ42 ఫోన్ ధర రూ.13,999. ఫ్లిప్ కార్ట్ తో పాటు మోటోరోలా కంపెనీ యొక్క అధికార వెబ్ సైట్ ద్వారా ఈ ఫోన్ ని కొనుగోలు చేయవచ్చు. ఈ ఫోన్ అట్లాంటిక్ గ్రీన్, మెటాలిక్ రోజ్ అనే రెండు రంగుల్లో లభ్యమవుతుంది.

ఎస్బీఐ కార్డు తో మోటో జీ42 ని కొనుగోలు చేస్తే రూ.1,000 ఇన్ స్టంట్ డిస్కౌంట్ లభిస్తుంది. అలాగే, జీ5 యాన్యువల్ మెంబర్షిప్ పై రూ.549 డిస్కౌంట్ కూడా లభిస్తుంది. అలాగే రూ.999 విలువ గల బైజుస్ మెంబర్షిప్, రూ.4,999 కి గూగుల్ నెస్ట్ హబ్, రూ.1,999 కి గూగుల్ నెస్ట్ మినీ లభిస్తాయి.

Moto G42 స్పెసిఫికేషన్స్

మోటో జీ42 లో 6.4 అంగుళాల ఫుల్ హెచ్డీ+ ఓఎల్ఈడీ డిస్ప్లే, డీసీఐ-పీ3 కలర్ గేముత్, ఆండ్రాయిడ్ 12 ఓఎస్, మైయూఎక్స్ స్కిన్, క్వాల్కమ్ స్నాప్ డ్రాగన్ 680 చిప్సెట్, 5,000ఎంఏహెచ్ బ్యాటరీ, 20వాట్ ఫాస్ట్ ఛార్జింగ్ సపోర్ట్, 4జిబి ర్యామ్, 64జిబి స్టోరేజీ, 1టీబీ ఎక్స్ పాండబుల్ మెమొరీ వంటి ఫీచర్లున్నాయి.

                 Moto G42 స్పెక్స్

• 6.4-ఇంచ్ ఫుల్ హెచ్డీ+ ఓఎల్ఈడీ డిస్ప్లే
• ఆండ్రాయిడ్ 12-ఆధారిత మైయూఎక్స్
• క్వాల్కమ్ స్నాప్ డ్రాగన్ 680
• 5,000ఎంఏహెచ్ బ్యాటరీ, 20 వాట్ ఛార్జింగ్
• 16ఎంపి సెల్పీ షూటర్
• 59ఎంపి ట్రిపుల్ రియర్ కెమెరాస్
• ఐపీ52 రేటింగ్

మోటో జీ42 సెల్ఫీలు, వీడియో కాలింగ్ కోసం 16ఎంపి కెమెరా ఉంది. అలాగే వెనుక వైపు ట్రిపుల్ కెమెరాలున్నాయి. వీటిలో 50ఎంపి ప్రైమరీ కెమెరా, 8ఎంపి అల్ట్రా వైడ్/డెప్త్ హైబ్రిడ్ కెమెరా, 2ఎంపి మైక్రో కెమెరాలున్నాయి. అలాగే ఈ ఫోన్ ఐపీ52 వాటర్ రెసిస్టెంట్ ఫీచర్ కలిగి ఉంది.

The post భారత్ లో నేటి నుంచి మొదలైన Moto G42 సేల్స్ first appeared on 91Mobiles Telugu.