స్మార్ట్‌ఫోన్ కొనేముందు అందరూ చూసే ముఖ్యమైన ఫీచర్లలో చార్జింగ్ స్పీడ్ ఒకటి. తొందరగా చార్జ్ అయ్యే ఫోన్ ఉంటే, పనులు కూడా త్వరగా పూర్తవుతాయి. అర్జంటుగా బయటకు వెళ్ళాల్సి వచ్చినప్పుడు, చార్జింగ్ తక్కువగా ఉంటే, ఫాస్ట్ చార్జింగ్ తో ఇట్టే ఫోన్ చార్జ్ చేసుకోవచ్చు. ఇలా ఫాస్ట్ చార్జింగ్ వల్లన ఎన్నో లాభాలు ఉంటాయి. మరీ ముఖ్యంగా సమయం వృథా కాదు. బిజీ బిజీగా ఉండే వారికి ఈ చార్జింగ్ స్పీడ్ ఫీచర్ ఎంతో మేలు చేస్తుంది. రూ.20,000 లోపు ధరలో భారత్ లో అందుబాటులో ఉన్న ఉత్తమమైన ఫాస్టెస్ట్ చార్జింగ్ స్మార్ట్‌ఫోన్ల జాబితాను మీకోసం అందిస్తున్నాం.

Realme Narzo 70 Pro

Realme Narzo 70 Pro స్మార్ట్‌ఫోన్ 67 వాట్ ఫాస్ట్ చార్జింగ్ అడాప్టర్ తో వచ్చింది. 20 శాతం నుంచి 100 శాతం వరకు చార్జ్ అయ్యేందుకు 42 నిమిషాల సమయం పడుతుంది. ఈ ఫోన్ లో 5000 ఎంఏహెచ్ బ్యాటరీ అందించారు. పీసీమార్క్ బ్యాటరీ టెస్ట్ లో ఈ ఫోన్ 16 గంటల 24 నిమిషాల స్కోర్ నమోదు చేసింది.

యూట్యూబ్ లో 30 నిమిషాలు వీడియోలు చూస్తే, కేవలం 4 శాతం బ్యాటరీ ఖర్చయ్యింది. ఇక ఈ ఫోన్ లో మీడియాటెక్ డైమెన్సిటీ 7050 చిప్సెట్, 50ఎంపి ఓఐఎస్ ప్రైమరీ కెమెరా, 16ఎంపి ఫ్రంట్ కెమెరా ఉన్నాయి. ఈ ఫోన్ యొక్క 8జిబి ర్యామ్ + 128జిబి స్టోరేజీ మోడల్ ధరను రూ.19,999 గా పెట్టారు. 8జిబి/256జిబి మోడల్ ధర రూ.21,999 గా ఉంది.

Realme P1

Realme P1 స్మార్ట్‌ఫోన్ 45 వాట్ ఫాస్ట్ చార్జర్ తో వచ్చింది. 20 శాతం నుంచి 100 శాతం చార్జ్ అయ్యేందుకు 48 నిమిషాల సమయం పడుతుంది. పీసీమార్క్ బ్యాటరీ టెస్ట్ లో ఈ ఫోన్ 16 గంటల 20 నిమిషాల స్కోర్ నమోదు చేసింది. ఈ ఫోన్ లో 5000 ఎంఏహెచ్ బ్యాటరీ అందించారు.

ఇప్పుడు టెస్టింగ్ వివరాలు తెలుసుకుందాం. 30 నిమిషాల పాటు యూట్యూబ్ వీడియోలను చూస్తే, 3 శాతం బ్యాటరీ ఖర్చయ్యింది. ఈ ఫోన్ లో 6.67-ఇంచ్ ఫుల్ హెచ్డీ+ 120 హెర్ట్జ్ అమోలెడ్ డిస్ప్లే, 50ఎంపి ప్రైమరీ కెమెరా, మీడియాటెక్ డైమెన్సిటీ 7050 చిప్సెట్ ఉన్నాయి.

Realme P1 స్మార్ట్‌ఫోన్ యొక్క 6జిబి ర్యామ్ + 128జిబి స్టోరేజీ మోడల్ ధర రూ.15,999 గా ఉంది. 8జిబి+256జిబి వేరియంట్ ధర రూ.18,999 గా ఉంది.

OnePlus Nord CE 4 Lite

OnePlus Nord CE 4 Lite స్మార్ట్‌ఫోన్ 80 వాట్ ఫాస్ట్ చార్జర్ తో వచ్చింది. 20 శాతం నుంచి 100 శాతం చార్జ్ అయ్యేందుకు 50 నిమిషాల సమయం పడుతుంది. పీసీమార్క్ బ్యాటరీ టెస్ట్ లో ఈ డివైజ్ 11 గంల 30 నిమిషాల స్కోర్ నమోదు చేసింది. ఈ ఫోన్ లో 5,500 ఎంఏహెచ్ బ్యాటరీ ఇచ్చారు.

ఇప్పుడు టెస్ట్ వివరాలు చూద్దాం. 30 నిమిషాల పాటు యూట్యూబ్ వీడియోలు చూస్తే 3 శాతం బ్యాటరీ డ్రాప్ అయ్యింది. ఈ ఫోన్ లో 50ఎంపి మెయిన్ కెమెరా, స్నాప్‌డ్రాగన్ 695 చిప్సెట్, 6.67-ఇంచ్ ఫుల్‌హెచ్డీ+ అమోలెడ్ డిస్ప్లే, 120 హెర్ట్జ్ రిఫ్రెష్ రేట్, 16ఎంపి ఫ్రంట్ కెమెరా ఉన్నాయి.

OnePlus Nord CE 4 Lite యొక్క 8జిబి ర్యామ్ + 128జిబి స్టోరేజీ వేరియంట్ ధర రూ.19,999 గా ఉంది. 8జిబి ర్యామ్ + 256జిబి స్టోరేజీ మోడల్ ధర రూ.22,999 గా ఉంది.

Tecno POVA 6 Pro

Tecno POVA 6 Pro స్మార్ట్‌ఫోన్ 70 వాట్ ఫాస్ట్ చార్జింగ్ సపోర్ట్ తో వచ్చింది. ఈ ఫోన్ 20 శాతం నుంచి 100 శాతం చార్జ్ అయ్యేందుకు 51 నిమిషాల సమయం పడుతుంది. ఈ ఫోన్ లో 6000 ఎంఏహెచ్ బ్యాటరీ వాడారు. పీసీమార్క్ బ్యాటరీ టెస్ట్ లో ఈ ఫోన్ 15 గంటల 56 నిమిషాల స్కోర్ నమోదు చేసింది.

30 నిమిషాల పాటు యూట్యూబ్ లో వీడియోలు చూస్తే 3 శాతం బ్యాటరీ ఖర్చయ్యింది. ఈ ఫోన్ లో 6.78-ఇంచ్ ఫుల్‌హెచ్డీ+ డిస్ప్లే, 120 హెర్ట్జ్ రిఫ్రెష్ రేట్, అమోలెడ్ ప్యానెల్, డైమెన్సిటీ 6080 చిప్సెట్, 108ఎంపి ప్రైమరీ కెమెరా, 32ఎంపి సెల్ఫీ కెమెరా ఉన్నాయి.

Tecno POVA 6 Pro స్మార్ట్‌ఫోన్ యొక్క 8జిబి ర్యామ్ + 256జిబి స్టోరేజీ వేరియంట్ ధర రూ.19,999 గా ఉంది. 12జిబి ర్యామ్ + 256జిబి స్టోరేజీ మోడల్ ధర రూ.21,999 గా ఉంది.

Realme Narzo 70

Realme Narzo 70 స్మార్ట్‌ఫోన్‌ 45 వాట్ సూపర్‌వూక్ ఫాస్ట్ చార్జింగ్ సపోర్ట్ తో వచ్చింది. బ్యాటరీ 20 శాతం నుంచి 100 శాతం వరకు చార్జ్ అయ్యేందుకు 52 నిమిషాల సమయం పడుతుంది. ఈ ఫోన్ లో 5000 ఎంఏహెచ్ బ్యాటరీ ఇచ్చారు. పీసీమార్క్ బ్యాటరీ టెస్ట్ లో ఈ ఫోన్ 14 గంటల 49 నిమిషాల స్కోర్ నమోదు చేసింది.

30 నిమిషాల పాటు యూట్యూబ్ లో వీడియోలు చూస్తే 4 శాతం బ్యాటరీ ఖర్చయ్యింది. Realme Narzo 70 లో 50ఎంపి ప్రైమరీ కెమెరా, మీడియాటెక్ డైమెన్సిటీ 7050 చిప్సెట్, 6.67-ఇంచ్ ఫుల్ హెచ్డీ+ అమోలెడ్ స్క్రీన్, 120 హెర్ట్జ్ రిఫ్రెష్ రేట్, 16ఎంపి ఫ్రంట్ కెమెరా ఉన్నాయి.

Realme Narzo 70 యొక్క 6జిబి ర్యామ్ + 128జిబి స్టోరేజీ వేరియంట్ ధర రూ.15,999 గా ఉంది. 8జిబి ర్యామ్ + 256జిబి స్టోరేజీ మోడల్ ధర రూ.16,999 గా ఉంది.

The post Fastest charging phones: రూ.20,000 లోపు ఫాస్టెస్ట్ చార్జింగ్ ఫోన్స్ (జులై 2024) first appeared on 91Mobiles Telugu.

• ఏప్రిల్‌లో లాంచైన Realme Narzo 70 5G
• 8జిబి ర్యామ్, 50ఎంపి ప్రైమరీ కెమెరా
• డివైజ్ లాంచ్ ధర రూ.15,999

ప్రముఖ స్మార్ట్‌ఫోన్ బ్రాండ్ Realme ఏప్రిల్ నెలలో భారతీయ మార్కెట్ లో Realme Narzo 70 5G డివైజ్ ను లాంచ్ చేసింది. ఈ ఫోన్ తక్కువ బడ్జెట్ లో మంచి ఫీచర్లతో వచ్చింది. ఈ ఫోన్ లో 50ఎంపి కెమెరా, 8జిబి ర్యామ్, 120 హెర్ట్జ్ రిఫ్రెష్ రేట్, డైమెన్సిటీ 7050 చిప్సెట్ వంటి స్పెసిఫికేషన్స్ ఉన్నాయి. తాజాగా రియల్మీ ఈ ఫోన్‌పై రూ.2,000 డిస్కౌంట్ ప్రకటించింది. ఓసారి పూర్తి వివరాలు తెలుసుకుందాం.

Realme Narzo 70 5G ఆఫర్, ధర

Realme Narzo 70 5G స్మార్ట్‌ఫోన్ యొక్క రెండు వేరియంట్స్ పై రూ.2,000 డిస్కౌంట్ అందుబాటులో ఉంది. 6జిబి ర్యామ్ మోడల్ ధర రూ.15,999 కాగా, డిస్కౌంట్ తర్వాత దీన్ని రూ.13,999 కి లభించనుంది. 8జిబి ర్యామ్ వేరియంట్ ధర రూ.16,999 గా ఉంది. తగ్గింపు తర్వాత రూ.14,999 కే ఈ ఫోన్‌ని సొంతం చేసుకోవచ్చు.

Realme Narzo 70 5G స్మార్ట్‌ఫోన్ పై ఆఫర్‌ను రియల్మీ వెబ్‌సైట్ మరియు అమెజాన్ ద్వారా పొందవచ్చు. అయితే ఈ ఆఫర్ పరిమిత కాలం పాటు మాత్రమే అందుబాటులో ఉంటుంది. అంతేకాదు, ఈ ఫోన్‌ని 3 నెలల వ్యవధితో నో కాస్ట్ ఈఎంఐ ఆఫర్ లో కొనుగోలు చేయవచ్చు.

Realme Narzo 70 5G స్పెసిఫికేషన్స్

డిస్ప్లే: Realme Narzo 70 5G లో 6.67-ఇంచ్ ఫుల్ హెచ్డీ+ స్క్రీన్, 2412*1080 పిక్సెల్స్ రెజుల్యూషన్, అమోలెడ్ ప్యానెల్, ఇన్-డిస్ప్లే ఫింగర్‌ప్రింట్ స్కానర్, 120 హెర్ట్జ్ రిఫ్రెష్ రేట్, 240 హెర్ట్జ్ టచ్ శాంప్లింగ్ రేట్, 600 నిట్స్ బ్రైట్నెస్, రెయిన్‌వాటర్ స్మార్ట్ టచ్ ఉన్నాయి.

ప్రాసెసర్: Realme Narzo 70 5G లో మీడియాటెక్ డైమెన్సిటీ 7050 చిప్ వాడారు. ఇది 6 నానోమీటర్ ఫ్యాబ్రికేషన్ పై తయారైన ఆక్టా-కోర్ చిప్. ఈ ఫోన్ లో మాలి-జీ68 జీపీయూ గ్రాఫిక్స్, 3డీ వీసీ కూలింగ్ సిస్టమ్ ఉన్నాయి.

కెమెరా: Realme Narzo 70 5G లో డ్యూయల్ రియర్ కెమెరా సెటప్ ఉంది. ఇందులో 50ఎంపి సోని ఎల్‌వైటీ600 మెయిన్ సెన్సర్, 2ఎంపి బ్లాక్ అండ్ వైట్ కెమెరా ఉన్నాయి. సెల్ఫీస్, వీడియో కాల్స్ కోసం ఈ ఫోన్ లో 16ఎంపి ఫ్రంట్ కెమెరా అందించారు.

బ్యాటరీ: Realme Narzo 70 5G లో పవర్ బ్యాకప్ కోసం 5000 ఎంఏహెచ్ బ్యాటరీ ఇచ్చారు. ఇది 45 వాట్ ఫాస్ట్ చార్జింగ్ టెక్నాలజీతో వచ్చింది.

సాఫ్ట్‌వేర్: Realme Narzo 70 5G ఆండ్రాయిడ్ 14 ఓఎస్ ఆధారిత రియల్మీ యూఐ 5.0 కస్టమ్ స్కిన్ పై పని చేస్తుంది. ఈ ఫోన్‌కి 3 ఏళ్ళు మేజర్ ఓఎస్ అప్డేట్స్, 2 ఏళ్ళు సెక్యూరిటీ అప్డేట్స్ లభిస్తాయి.

కనెక్టివిటీ: Realme Narzo 70 5G లో డ్యూయల్ సిమ్, 5జీ, 4జీ, బ్లూటూత్, వై-ఫై వంటి ఆప్షన్స్ ఉన్నాయి.

The post Realme Narzo 70 5G స్మార్ట్‌ఫోన్‌పై రూ.2,000 డిస్కౌంట్, పూర్తి వివరాలు తెలుసుకోండి first appeared on 91Mobiles Telugu.