స్మార్ట్‌ఫోన్‌లు సంవత్సరాలుగా పెద్దవిగా మరియు మెరుగ్గా మారాయి. ఇందులో, మీరు మెరుగైన ప్యానెల్‌లతో పాటు స్టీరియో స్పీకర్లు మొదలైనవాటిని పొందడం సాధరణమైన విషయమైపోయింది. అయితే ఇంట్లో కూర్చొని సినిమాలు లేదా వీడియోలు చూడటం విషయానికి వస్తే, టీవీ పెద్ద స్క్రీన్‌పై కంటెంట్‌ను చూడటం ఇప్పటికీ మానలేకపోయాం. అయితే, ఈ రోజుల్లో స్మార్ట్‌ఫోన్‌లు టీవీకి కనెక్ట్ చేసుకుని కంటెంట్ ని వాడుకునే సౌలభ్యాన్ని అందిస్తున్నాయి. మీరు కూడా స్మార్ట్‌ఫోన్‌లో ఉన్న వీడియోలు, ఫోటోలు మొదలైనవాటిని టీవీలో చూడాలనుకుంటే, దానిని వైర్‌లెస్‌గా ఎలా కనెక్ట్ చేయవచ్చో ఇక్కడ తెలుసుకోండి.

ఆండ్రాయిడ్ ఫోన్ ని స్మార్ట్ టీవీ (2023) కి కనెక్ట్ చేయడం ఎలా?

ఈ రోజుల్లో చాలా స్మార్ట్‌ఫోన్‌లలో స్క్రీన్ మిర్రరింగ్ ఆప్షన్ అనేది ఉంటోంది. మీ Android ఫోన్ స్క్రీన్‌ని స్మార్ట్ టీవీకి వైర్‌లెస్‌గా కనెక్ట్ చేయడానికి, ఈ క్రింది స్టెప్స్ ని ఫాలో అవ్వండి.

• స్మార్ట్‌ఫోన్ యొక్క క్విక్ సెట్టింగ్స్ ప్యానెల్‌కు వెళ్లడం దీనికి సులభమైన మార్గం. ఇక్కడ మీకు Cast ఆప్షన్ కనిపిస్తుంది.
• మీకు క్విక్ సెట్టింగ్స్ ప్యానెల్ లో ఈ ఆప్షన్ కనిపించకుంటే, ఎడిట్ బటన్‌ను నొక్కి, స్క్రీన్ కాస్ట్ టోగుల్ కోసం చూడండి.
• Cast బటన్‌ను నొక్కి పట్టుకుని, దాన్ని క్విక్ సెట్టింగ్స్ ట్రే మీదకు లాగండి.
• స్క్రీన్ కాస్ట్ బటన్‌ను ఆన్ చేసి, మీ స్మార్ట్ టీవీ ఆ జాబితాలో కనిపిస్తుందో లేదో చూడండి.
• ఇప్పుడు మీ Android ఫోన్‌ను మిర్రర్ చేసేందుకై మీ టీవీ పేరుపై నొక్కండి.

మీరు Android స్క్రీన్ కాస్టింగ్‌ని నిలిపివేయాలనుకుంటే, క్విక్ సెట్టింగ్స్ ప్యానెల్ లో Cast టోగుల్‌ను నొక్కండి. ఆండ్రాయిడ్ స్క్రీన్ మిర్రరింగ్ ఆండ్రాయిడ్ 5.0 లేదా తర్వాతి వెర్షన్‌లలో అందుబాటులో ఉంది. క్విక్ సెట్టింగ్స్ ప్యానెల్ స్క్రీన్ కాస్ట్ ఆప్షన్ కనిపించకపోతే, ఆండ్రాయిడ్ ఫోన్‌ను టీవీకి వైర్‌లెస్‌గా కనెక్ట్ చేసే ఆప్షన్ కి మీ డివైజ్ సెట్టింగ్స్ వేరే పేరును కలిగి ఉన్నాయో లేదో చూడండి. ఉదాహరణకు, Xiaomi డివైజెస్, స్క్రీన్ మిర్రరింగ్‌ని అందించే సెట్టింగ్స్ లో రెండు ఆప్షన్స్‌ని కలిగి ఉంటాయి – Cast మరియు Wireless Display. చాలా మంది వినియోగదారులు వైర్‌లెస్ డిస్‌ప్లే సహాయంతో తమ Xiaomi స్క్రీన్‌ను కాస్ట్ చేయవచ్చు. దీని కోసం, మీరు Xiaomi ఫోన్‌లో సెట్టింగ్‌లు > కనెక్షన్ & షేరింగ్ > వైర్‌లెస్ డిస్ప్లేకి వెళ్లాలి.

ఆండ్రాయిడ్ ఫోన్ స్క్రీన్ ని గూగుల్ హోమ్ యాప్ తో మిర్రర్ చేయడం ఎలా?

ఫోన్ స్క్రీన్ కాస్ట్ ఫీచర్ సహాయంతో మీరు ఆండ్రాయిడ్ ఫోన్‌ను టీవీకి కనెక్ట్ చేయలేకపోతే, మీరు Google హోమ్ యాప్ సహాయం కూడా తీసుకోవచ్చు. ఆండ్రాయిడ్ స్క్రీన్‌ని మీ స్మార్ట్ టీవీకి కనెక్ట్ చేయడానికి ఇది కూడా మంచి మార్గం. మీరు Chromecastని కలిగి ఉంటే లేదా Chromecast ఇన్‌బిల్ట్ Android TVని కలిగి ఉంటే ఈ పద్ధతి పని చేస్తుంది.

• Google Play Store నుండి Google Home యాప్‌ని డౌన్‌లోడ్ చేయండి.
• మీరు ఇప్పటికే Google Chromecastని సెటప్ చేయకుంటే, ముందుగా దాన్ని సెటప్ చేయండి. మీ స్మార్ట్ టీవీలో Chromecast ఇన్‌బిల్ట్ గా ఉంటే, అది ఆటోమేటిక్‌గా యాప్‌లో చూపబడుతుంది.
• డివైజ్ పై నొక్కండి, ఆపై దిగువన మీరు Cast my screen ఆప్షన్‌ని చూస్తారు. దానిపై నొక్కండి.
• Cast స్క్రీన్‌పై నొక్కిన తర్వాత, ఇప్పుడు ప్రారంభించుపై క్లిక్ చేయండి. దీని తరువాత, స్మార్ట్ ఫోన్ యొక్క స్క్రీన్ టీవీలో కనిపిస్తుంది.
• మీరు స్మార్ట్ టీవీలో ఆండ్రాయిడ్ ఫోన్‌ మిర్రరింగ్ ని ఆపివేయాలనుకుంటే, స్టాప్ మిర్రరింగ్ ఆప్షన్ ని ఎంచుకోవాలి.

ఐఫోన్స్, స్మార్ట్ టీవీలను కనెక్ట్ చేయడం ఎలా (2023)?

మీరు మీ ఐఫోన్‌లు మరియు ఐప్యాడ్‌లను మీ టీవీకి సులభంగా మిర్రరింగ్ చేయవచ్చు. కానీ మీకు AirPlay 2కి సపోర్ట్ చేసే Apple TV లేదా Smart TV అవసరం. మీ టీవీకి iPhoneని వైర్‌లెస్‌గా కనెక్ట్ చేయడానికి ఈ క్రింది స్టెప్స్ ని ఫాలో అవ్వండి.

• ముందుగా మీ iPhone/iPad మరియు Smart TVని ఒకే WiFi నెట్‌వర్క్‌కి కనెక్ట్ చేయండి.
• కంట్రోల్ సెంటర్ కి వెళ్లడానికి టాప్ రైట్ కార్నర్ నుంచి క్రిందికి స్వైప్ చేయండి.
• స్క్రీన్ మిర్రరింగ్‌పై నొక్కండి మరియు జాబితా నుండి స్మార్ట్ టీవీ ఆప్షన్ ని ఎంచుకోండి.

మీకు Apple TV లేదా AirPlay 2 సపోర్ట్ ఉన్న స్మార్ట్ టీవీ లేకుంటే, మీరు ఇప్పటికీ మీ iOS డివైజ్ లో Chromecast ప్రారంభించబడిన యాప్‌ల నుండి కంటెంట్‌ను ప్రసారం చేయవచ్చు. యాప్‌ని తెరవండి (ఉదా. YouTube), Cast బటన్‌ను నొక్కండి మరియు జాబితా నుండి మీ టీవీని ఎంచుకోండి. ఈ ఫీచర్ iOS 13 మరియు ఆపైన వచ్చిన ఓఎస్‌లు ఉన్న డివైజెస్ లో మాత్రమే పని చేస్తుంది.

తరచూ అడగబడే ప్రశ్నలు (FAQ)

స్క్రీన్ మిర్రరింగ్ అంటే ఏంటి?

ఈ రోజుల్లో చాలా స్మార్ట్‌ఫోన్‌లు స్క్రీన్ మిర్రరింగ్ (కాస్టింగ్) ఫీచర్‌తో వస్తున్నాయి. దీని సహాయంతో మీరు స్మార్ట్ టీవీలో స్మార్ట్‌ఫోన్ కంటెంట్ ని వైర్‌లెస్‌గా చూడవచ్చు. మీరు పెద్ద స్క్రీన్‌పై చిత్రాలను చూడాలనుకునే, గేమ్‌లు ఆడాలనుకునే మరియు సినిమాలను చూడాలనుకునే సందర్భాల్లో ఈ ఫీచర్ మరింత ఉపయోగకరంగా ఉంటుంది. స్మార్ట్ టీవీలు స్క్రీన్ మిర్రరింగ్ ఫంక్షనాలిటీని ఇన్‌బిల్ట్ గా కలిగి ఉంటాయి. అయితే పాత టీవీలకు మీడియా స్టిక్ లేదా మీడియా ప్లేయర్ అవసరం. ఉదాహరణకు Google Chromecast, Amazon Fire Stick, Roku మొదలైనవి. అయినప్పటికీ, స్మార్ట్ టీవీకి స్మార్ట్‌ఫోన్‌ కంటెంట్ ని ప్రసారం చేయడం చాలా ముఖ్యం. మీ స్మార్ట్‌ఫోన్ మరియు టీవీ రెండూ ఒకే వైఫై నెట్‌వర్క్‌కి కనెక్ట్ చేయబడాలి. అలాగే, మీ స్మార్ట్ టీవీలో తప్పనిసరిగా Chromecast ఇన్‌బిల్ట్ గా ఉండాలి. లేదా మీరు స్క్రీన్ మిర్రరింగ్‌కు సపోర్ట్ చేసే స్ట్రీమింగ్ డివైజ్ ని కలిగి ఉండాలి.

మీ పాత టీవీకి ఆండ్రాయిడ్ ఫోన్‌ని కనెక్ట్ చేయడం ఎలా?

సాధారణంగా, సాంప్రదాయ టీవీలు స్క్రీన్ మిర్రరింగ్ లేదా స్క్రీన్‌కాస్టింగ్ ఫీచర్‌తో రావు. ఎందుకంటే వాటిలో Wi-Fi ఇంటిగ్రేషన్ ఉండదు. అయితే, Google Chromecast, Apple Fire TV Stick లేదా ఏదైనా ఇతర ఆండ్రాయిడ్ ఆధారిత డాంగిల్‌ని స్మార్ట్‌ఫోన్‌ను సంప్రదాయ టీవీలో మిర్రరింగ్ చేసేందుకై ఉపయోగించవచ్చు. నాన్-స్మార్ట్ టీవీలలో డాంగిల్‌ని HDMI పోర్ట్‌కి కనెక్ట్ చేయాలి. ఆపై పైన తెలిపిన స్టెప్స్ ని ఫాలో అయ్యి ప్రసారం చేయండి.

స్మార్ట్ టీవీకి స్మార్ట్ ఫోన్ ని కనెక్ట్ చేయడం ఎలా?

మీరు మీ టీవీలో మీ స్మార్ట్‌ఫోన్‌ను మిర్రరింగ్ చేయలేకపోతే, ముందుగా మీ టీవీ మరియు స్మార్ట్‌ఫోన్ రెండింటినీ రిస్టార్ట్ చేయండి. మీ ఫోన్ మరియు స్మార్ట్ టీవీ ఒకే Wi-Fi నెట్‌వర్క్‌కి కనెక్ట్ అయ్యాయని కన్ఫర్మ్ చేసుకోండి. ఈ ప్రక్రియ పూర్తయిన తర్వాత, మీ స్మార్ట్‌ఫోన్‌ను మీ స్మార్ట్ టీవీకి కనెక్ట్ చేయడానికి ప్రయత్నించండి. మీరు ఇప్పటికీ ఈ సమస్యను ఎదుర్కొంటున్నట్లయితే, మీ Wi-Fi రూటర్‌ని రీబూట్ చేసి, ఆపై మళ్లీ ప్రయత్నించండి.

The post మొబైల్ ఫోన్‌ని చిటికెలో టీవీతో కనెక్ట్ చేయవచ్చు; ఎలాగో తెలుసుకోండి! first appeared on 91Mobiles Telugu.

• రూ.47,990 ధర కలిగిన 43-ఇంచ్ స్మార్ట్ టీవీ పై భారీ డిస్కౌంట్
• ఫ్లిప్ కార్ట్ బిగ్ బిలియన్ డేస్ సేల్ ఆఫర్ లో రూ.9,999 లకే మీ సొంతం కానున్న స్మార్ట్ టీవీ
• 43-అంగుళాల 4కే డిస్ప్లే, హెచ్డీఆర్10 సపోర్ట్ కలిగిన ఐఫాల్కన్ కే61 టీవీ

సెప్టెంబర్ 23 నుంచి ఫ్లిప్ కార్ట్ బిగ్ బిలియన్ డేస్ సేల్ ప్రారంభం అవుతోంది. ఇప్పటికే ప్లస్ మెంబర్స్ కి సేల్ లైవ్ లో ఉంది. ఈ సేల్ సందర్భంగా, అమేజింగ్ ఆఫర్స్ మిమ్మల్ని పలకరించబోతున్నాయి. ఎన్నో ఉత్తమ ఉత్పత్తులపై భారీ డిస్కౌంట్స్ లభించనున్నాయి.

మీరు కనుక ఒక కొత్త స్మార్ట్ టీవీ కొనాలనుకుంటే ఈ సేల్ సమయాన్ని వృథా చేయకండి. తక్షణం మీ అభిరుచికి తగిన టీవీని కొనుగోలు చేయండి. అది కూడా తక్కువ ధరలోనే. సరే ఇప్పుడు ఒక 43-ఇంచుల స్మార్ట్ టీవీని రూ.9,999 కే సొంతం చేసుకునే చక్కటి అవకాశం వచ్చింది. ఈ టీవీ అసలు ధర రూ.47,990. అంటే మీకు మొత్తంగా రూ.37,991 డిస్కౌంట్ వస్తుందన్న మాట. మరింకెందుకు ఆలస్యం ఆ టీవీ వివరాలు ఏంటో తెలుసుకుందాం పదండి.

రూ.9,999 ధరలో 43-inch Smart TV

ఫ్లిప్ కార్ట్ బిగ్ బిలియన్ డేస్ సేల్ లో భాగంగా iFFALCON 43-inch (43K61) స్మార్ట్ టీవీ పై 56 శాతం డిస్కౌంట్ లభిస్తోంది. వెబ్ సైట్ లో ఈ టీవీ ధర రూ.20,999 గా కనిపిస్తోంది. బ్యాంక్ ఆఫర్లతో పాటు ఫ్లిప్ కార్ట్ యాక్సిస్ బ్యాంక్ కార్డు పై టీవీని కొనుగోలు చేస్తే 5 శాతం క్యాష్‌బ్యాక్ లభించనుంది. దీనికి తోడు రూ.11,000 ఎక్స్‌చేంజ్ ఆఫర్ కూడా ఇస్తున్నారు. అన్ని ఆఫర్లు కలుపుకుని యూజర్లకు ఈ టీవీ రూ.9,999 ధరకే లభించనుంది. అంతే కాదండోయ్, మీరు కనుక ఈఎంఐ లావాదేవీని ఎంచుకుంటే ప్రతి నెల రూ.728 చెల్లింపు పై ఈ టీవీని సొంతం చేసుకోవచ్చు. మరి ఈ టీవీ యొక్క ఫీచర్లు, స్పెసిఫికేషన్స్ ఎలా ఉన్నాయో చూద్దాం పదండి.

ఫీచర్ల గని ‘iFFalcon K61’

• iFFalcon K61 టీవీ 4కే డిస్ప్లే, 1,296 మైక్రో డిమ్మింగ్ జోన్స్, హెచ్డీఆర్10 సపోర్ట్ తో వస్తోంది.
• క్లారిటీ, కలర్ కంపెన్సేషన్, ఫ్రీక్వెన్సీ కంపెన్సేషన్ లతో కలగలిసిన ఫోర్ డైమెన్షనల్ వీడియో మరియు పిక్చర్ క్వాలిటీ ఈ టీవీ సొంతం.
• 24 వాట్స్ అవుట్‌పుట్ ఇవ్వనున్న 12 వాట్స్ కలిగిన రెండు స్పీకర్లు ఈ టీవీలో ఉన్నాయి. అలాగే ఇందులో డాల్బీ సపోర్ట్ ఉంది.
• నెట్‌ఫ్లిక్స్, యూట్యూబ్, అమెజాన్ ప్రైమ్ వీడియో లతో పాటు గూగుల్ ప్లే స్టోర్ లో ఉన్న 5000 యాప్స్ కి ఈ టీవీ సపోర్ట్ చేస్తుంది. ఆండ్రాయిడ్ 9 ఓఎస్ పై ఈ టీవీ పని చేస్తుంది.
• 2 జిబి ర్యామ్, 16 జిబి స్టోరేజీ, 64-బిట్ క్వాడ్-కోర్ ప్రాసెసర్ ని ఇందులో అందించారు.

లేటెస్ట్ టెక్నాలజీ, స్మార్ట్ ఫోన్, ఆటోమొబైల్, టెలీకామ్, ఎంటర్టెయిన్మెంట్ న్యూస్ కోసం 91మొబైల్స్ తెలుగు వెబ్ సైట్ విజిట్ చేయండి.

The post రూ.9,999 కే, రూ.47,990 విలువ గల 43-inch స్మార్ట్ టీవీ first appeared on 91Mobiles Telugu.