ప్రముఖ చైనీస్ స్మార్ట్ఫోన్ బ్రాండ్ Vivo తాజాగా భారతీయ మార్కెట్ లో వై-సిరీస్ లో కొత్త ఫోన్ లాంచ్ చేసింది. Vivo Y300 Plus 5G పేరుతో ఈ ఫోన్ విడుదలైంది. 32ఎంపి సెల్ఫీ కెమెరా, 50ఎంపి రియర్ కెమెరా, 6.78-ఇంచ్ 3డీ కర్వ్డ్ అమోలెడ్ స్క్రీన్ ఈ ఫోన్ లో ఉన్నాయి. రూ.23,999 ప్రారంభ ధరతో వచ్చిన ఈ ఫోన్ యొక్క పూర్తి స్పెసిఫికేషన్స్ మరియు సేల్ వివరాలను ఇప్పుడు తెలుసుకుందాం.
Vivo Y300 Plus ధర, సేల్ వివరాలు
Vivo Y300 Plus స్మార్ట్ఫోన్ 8జిబి ర్యామ్, 128జిబి స్టోరేజీతో లాంచ్ అయ్యింది. దీని ధరను రూ.23,999 గా నిర్ణయించారు. అక్టోబర్ 10వ తేదీ నుంచి ఈ ఫోన్ సేల్ ప్రారంభమైంది. రిటైల్ స్టోర్స్ మరియు సాధారణ మొబైల్ షాప్స్ లో కూడా ఈ ఫోన్ కొనుగోలు చేయవచ్చు.
Vivo Y300 Plus 5G స్పెసిఫికేషన్స్
డిస్ప్లే: Vivo Y300 Plus 5G లో 6.78-ఇంచ్ 3డీ కర్వ్డ్ అమోలెడ్ స్క్రీన్, ఫుల్హెచ్డీ+ (2400*1080 పిక్సెల్స్) రెజుల్యూషన్, 120 హెర్ట్జ్ రిఫ్రెష్ రేట్, 1300 నిట్స్ పీక్ బ్రైట్నెస్, ఇన్-డిస్ప్లే ఫింగర్ప్రింట్ స్కానర్ ఉన్నాయి.
ప్రాసెసర్: Vivo Y300 Plus 5G లో క్వాల్కమ్ స్నాప్డ్రాగన్ 695 చిప్సెట్ వాడారు. ఈ ఆక్టా-కోర్ ప్రాసెసర్ 6 నానోమీటర్ ఫ్యాబ్రికేషన్స్ పై తయారైంది. దీని హయ్యస్ట్ క్లాక్ స్పీడ్ 2.2 గిగాహెర్ట్జ్.
మెమొరీ: Vivo Y300 Plus 5G స్మార్ట్ఫోన్ లో 8జిబి ర్యామ్, 8జిబి వర్చువల్ ర్యామ్, 128జిబి స్టోరేజీ ఉన్నాయి. మెమొరీ కార్డ్ సాయంతో 1టిబి వరకు స్టోరేజీని పెంచుకునే వీలుంది.
బ్యాటరీ, చార్జింగ్: Vivo Y300 Plus 5G లో 5000 ఎంఏహెచ్ బ్యాటరీ ఉంది. ఇది 44 వాట్ ఫాస్ట్ చార్జింగ్ కి సపోర్ట్ చేస్తుంది.
కనెక్టివిటీ: Vivo Y300 Plus 5G లో డ్యూయల్ సిమ్, 5జీ, 4జీ, బ్లూటూత్, వై-ఫై, యూఎస్బీ టైప్-సీ పోర్ట్ వంటి ఆప్షన్స్ ఉన్నాయి.
ఇతర ఫీచర్లు: Vivo Y300 Plus 5G లో భద్రత కోసం ఐపీ54 స్ప్లాష్ అండ్ డస్ట్ రెసిస్టన్స్ రేటింగ్ అందించారు. ఇది తేలికపాటి నీటి జల్లులు మరియు దుమ్ము నుంచి ఫోన్కి రక్షణ అందిస్తుంది.
