भारतासमवेत संपूर्ण जगासाठी चिंतेचा विषय असलेल्या कोरोना वायरसमुळे वीवोने आपल्या वीवो वी19 आणि Realme ने Narzo 10 व Narzo 10A स्मार्टफोनचा लॉन्च रद्द केला होता. या यादीत आता शाओमीचे नाव पण समाविष्ट झाले आहे. देशात पसरलेल्या Coronavirus चा प्रभाव पाहता शाओमीने आपल्या 108 मेगापिक्सल कॅमेरा असलेल्या Mi 10 5G चा लॉन्च रद्द केला आहे.
शाओमी Mi 10 चा लॉन्च 31 मार्चला ऑनलाइन इवेंटच्या माध्यमातून केला जाणार होता. पण कोरोना वायरसचा वाढत धोका बघून कंपनीने हा लॉन्च पण रद्द केला आहे. कंपनीने अधिकृत माहिती देत सांगितले आहे कि येत्या काही दिवसांत Mi 10 कधी लॉन्च केला जाईल हे ठरवले जाईल. सध्या COVID19 मुळे हा लॉन्च स्थगित करण्यात आला आहे.
Xiaomi Mi 10
शाओमी मी 10 बद्दल आधी बोलूया, हा स्मार्टफोन 1080 × 2340 पिक्सल रेज्ल्यूशन असलेल्या 6.67 इंचाच्या फुलएचडी+ पंच-होल कर्व्ड एमोलेड डिस्प्लेला सपोर्ट करतो. या फोनची स्क्रीन 90हर्ट्ज रिफ्रेश रेट वर चालते तसेच शाओमीने फोन इन-डिस्प्ले फिंगरप्रिंट सेंसर टेक्नॉलॉजीने सुसज्ज केला आहे. हा स्मार्टफोन एंडरॉयडच्या लेटेस्ट ओएस एंडरॉयड 10 वर लॉन्च झाला आहे जो मीयूआई 11 वर चालतो. तसेच प्रोसेसिंगसाठी Xiaomi Mi 10 मध्ये क्वॉलकॉमचा स्नॅपड्रॅगॉन 865 चिपसेट देण्यात आला आहे. विशेष म्हणजे हा चिपसेट 5G कनेक्टिविटीला सपोर्ट करतो.
फोटोग्राफी सेग्मेंट पाहता Xiaomi Mi 10 च्या बॅक पॅनल वर चार रियर कॅमेरा सेंसर्स देण्यात आले आहेत ज्यात 108 मेगापिक्सलचा प्राइमरी ISOCELL Bright HMX सेंसरचा समावेश आहे. त्याचबरोबर हा फोन एफ/2.4 अपर्चर असलेल्या 13 मेगापिक्सलच्या वाइड अँगल लेंस आणि दोन एफ/2.4 अपर्चर असलेल्या 2 मेगापिक्सलच्या कॅमेरा सेंसर्सला सपोर्ट करतो. तसेच सेल्फी आणि वीडियो कॉलिंगसाठी या फोन मध्ये 20 मेगापिक्सलचा फ्रंट कॅमेरा देण्यात आला आहे. शाओमी मी10 30वॉट फास्ट चार्जिंगला सपोर्ट असलेल्या 4,780एमएएच च्या बॅटरी सह लॉन्च केला गेला आहे.