टेक ब्रँड ओप्पोनं आपल्या होम मार्केट चीनमध्ये ‘ए’ सीरीजचा नवीन स्मार्टफोन OPPO A1 5G सादर केला आहे. हा मोबाइल फोन 50MP dual Camera, Qualcomm Snapdragon 695 प्रोसेसर आणि 5,000mAh battery सारख्या स्पेसिफिकेशन्सना सपोर्ट करतो जो गेल्यावर्षी लाँच झालेल्या OPPO A1 Pro चा डाउनग्रेड व्हर्जन आहे. पुढे तुम्ही ओप्पो ए1 प्राइस, फीचर्स व स्पेसिफिकेशन्सची माहिती जाणून घेऊ शकता.
किंमत पाहता चायना मध्ये ओप्पो ए1 सिंगल मेमरी व्हेरिएंटमध्ये लाँच झाला आहे. हा 5जी फोन 12जीबी रॅम + 256जीबी इंटरनल स्टोरेजला सपोर्ट करतो ज्याची किंमत RMB 1999 आहे. ही प्राइस भारतीय करंसीनुसार 23,900 रुपयांच्या आसपास आहे.
OPPO A1 5G फोन 2412 X 1080 पिक्सल रिजोल्यूशन असलेल्या 6.72 इंचाच्या मोठ्या फुलएचडी+ डिस्प्लेला सपोर्ट करतो. ही स्क्रीन एलसीडी पॅनलवर बनली आहे जो 120हर्ट्ज रिफ्रेश रेट आणि 240हर्ट्ज टच सॅम्पलिंगला सपोर्ट करतो. डिस्प्लेवर 680निट्स ब्राइटनेस मिळते.
ओप्पो ए1 5जी फोन अँड्रॉइड 13 वर लाँच झाला आहे जो कलरओएस 13 सह चालतो. प्रोसेसिंगसाठी या फोनमध्ये क्वॉलकॉम स्नॅपड्रॅगन 695 चिपसेट देण्यात आला आहे तसेच ग्राफिक्ससाठी हा फोन 619 जीपीयूला सपोर्ट करतो. हा फोन 1टीबी पर्यंतच्या मेमरी कार्डला सपोर्ट करतो.
फोटोग्राफीसाठी ओप्पो ए1 5जी ड्युअल रियर कॅमेऱ्याला सपोर्ट करतो. फोनच्या बॅक पॅनलवर एफ/1.8 अपर्चर असलेला 50 मेगापिक्सलचा प्रायमरी सेन्सर देण्यात आला आहे जो एफ/2.0 अपर्चर असलेल्या 2 मेगापिक्सलच्या मोनो पोर्टरेट लेन्ससह चालतो. सेल्फी आणि व्हिडीओ कॉलिंगसाठी 8 मेगापिक्सल सेन्सर आहे.
OPPO A1 5G मध्ये पावर बॅकअपसाठी 5,000एमएएचची मोठी बॅटरी देण्यात आली आहे. तसेच फोन वेगानं चार्ज करण्यासाठी यात 67वॉट सुपरवूक टेक्नॉलॉजी देण्यात आली आहे.
OPPO A1 5G फोन ड्युअल सिमला सपोर्ट करतो ज्यावर 5जी व 4जी दोन्ही वापरता येतं. कनेक्टिव्हिटीसाठी वायफाय 6, ब्लूटूथ 5.2, एनएफसी, जीपीएस व यूएसबी टाईप-सी पोर्ट मिळतो. सिक्योरिटीसाठी यात साइड माउंटेड फिंगरप्रिंट सेन्सर आहे.