ओप्पोनं आज भारतीय बाजारात आपल्या ‘एफ’ सीरीजचा विस्तार करत नवीन स्मार्टफोन OPPO F23 5G भारतात लाँच केला आहे. हा ओप्पो मोबाइल स्टाईलिश लुकसह अॅडव्हान्स फीचर्स आणि शानदार स्पेसिफिकेशन्सला सपोर्ट करतो. ओप्पो एफ23 5जी च्या किंमतीसह संपूर्ण माहिती पुढे देण्यात आली आहे.
ओप्पो एफ23 5जी फोन सिंगल मेमरी व्हेरिएंटमध्ये भारतात लाँच झाला आहे. यात 8जीबी रॅमसह 256जीबी स्टोरेज देण्यात आली आहे ज्याची किंमत 24,999 रुपये आहे. हा मोबाइल फोन आगामी 18 मे पासून Bold Gold आणि Cool Black कलरमध्ये विकत घेता येईल. ICICI Bank, Kotak Mahindra Bank, HDFC आणि SBI Cards वर कंपनी 10 टक्के अतिरिक्त सूट देईल.
OPPO F23 5G फोनमध्ये 2400 x 1080 पिक्सल रिजोल्यूशन असलेल्या 6.72 इंचाच्या फुलएचडी+ पंच-होल डिस्प्ले देण्यात आला आहे. ही स्क्रीन एलसीडी पॅनलवर बनली आहे जी 120हर्ट्ज रिफ्रेश रेट आणि 240हर्ट्ज वर चालते. डिस्प्लेवर 680निट्स ब्राइटनेस आणि 391पीपीआय सारखे फीचर्स पण मिळतात. कंपनीनं हा फोन पांडा ग्लासनं प्रोटेक्ट केला आहे.
ओप्पो एफ23 5जी अँड्रॉइड 13 वर लाँच झाला आहे जो कलरओएस 13.1 सह चालतो. प्रोसेसिंगसाठी या स्मार्टफोनमध्ये क्वॉलकॉम स्नॅपड्रॅगन 695 ऑक्टाकोर प्रोसेसर देण्यात आला आहे जो 2.2गीगाहर्ट्ज क्लॉक स्पीडवर चालतो. हा ओप्पो फोन 8जीबी वचुर्अल रॅमला सपोर्ट करतो ज्यामुळे इंटरनल रॅम वाढतो. तसेच ग्राफिक्ससाठी यात एड्रेनो 619 जीपीयू आहे.
फोटोग्राफीसाठी OPPO F23 5G मध्ये ट्रिपल रियर कॅमेरा देण्यात आला आहे. ह्याच्या पॅनलवर एफ/1.7 अपर्चर असलेला 64 मेगापिक्सलचा प्रायमरी सेन्सर देण्यात आला आहे जो एफ/2.4 अपर्चर 2 मेगापिक्सल मोनो लेन्स आणि एफ/3.3 अपर्चर 2 मेगापिक्सलच्या मायक्रो सेन्सरसह येतो. सेल्फी आणि व्हिडीओ कॉलिंगसाठी हा ओप्पो मोबाइल एफ/2.4 अपर्चर असलेला 32 मेगापिक्सलच्या फ्रंट कॅमेऱ्याला सपोर्ट करतो.
OPPO F23 5G फोनमध्ये पावर बॅकअपसाठी 5,000एमएएच बॅटरी देण्यात आली आहे. तसेच हा ओप्पो मोबाइल 67वॉट फास्ट चार्जिंग टेक्नॉलॉजीसे सादर करण्यात आला आहे. कंपनीचा दावा आहे की फक्त 18 मिनिटांत या फोनची बॅटरी 0 ते 50% पर्यंत चार्ज होऊ शकते.