दक्षिण कोरियन ब्रँड DAEWOO ने भारतीय बाजारपेठेत अनेक अँड्रॉईड आणि webOS टेलिव्हिजन लाँच केल्यानंतर आपला नवीन Android Smart LED TV सादर केला आहे. हा शक्तिशाली डिझाईन, नवीन तंत्रज्ञान आणि उत्कृष्ट वैशिष्ट्यांसह सुसज्ज आहे. विशेष म्हणजे सर्व फीचर्स असूनही त्याची किंमत खूपच कमी आहे. चला, आम्ही तुम्हाला स्मार्ट टीव्हीच्या संपूर्ण स्पेक्स आणि किंमतीची माहिती देतो.
DAEWOO Android Smart LED TV ची वैशिष्ट्ये
- कंपनीने दिलेल्या माहितीनुसार, DAEWOO Android Smart LED TV मध्ये 1GB पर्यंत रॅम मिळेल. हा स्लिम डिझाईनसह सुलभ नेव्हिगेशनसाठी क्वाड-कोर प्रोसेसरद्वारे समर्थित आहे.
- टीव्हीच्या 32 इंचाच्या मॉडेलमध्ये 1366×786 चे रिझोल्यूशन मिळत आहे. तर 43 इंचामध्ये 1920×1080 चे रिझोल्यूशन दिले गेले आहे.
- उत्कृष्ट चित्र गुणवत्तेसाठी या टीव्हीमध्ये A+ ग्रेड पॅनेल आहे. यात अँटी-ग्लेअर स्क्रीन आहे. जे तुमच्या डोळ्यांचे रक्षण करण्यास मदत करते.
- DAEWOO TV हा Android आवृत्ती 11.1 वर चालतो. यामध्ये PAL, NTSC, MPEG-2, MPEG-4, H.264 आणि इतर अनेक व्हिडिओ सिस्टम आहेत. यामुळे वापरकर्त्यांना कोणत्याही समस्येशिवाय विविध प्रकारचे कन्टेन्ट पाहण्याची संधी मिळते.
- DAEWOO Android Smart LED TV मध्ये 8-ohm impedance सह 10 वॉटला सपोर्ट करणारे दोन स्पीकर दिले गेले आहेत. याबाबतीत असेही सांगितले जात आहे की, हे कमीतकमी डिस्टॉर्शनसह स्पष्ट आवाजाची गुणवत्ता प्रदान करते.
DAEWOO TV ची किंमत
भारतात DAEWOO Android Smart LED TV च्या 32 इंचाच्या (DW32S) व्हेरिएंटची किंमत फक्त 13,490 रुपये आहे. तर 43 इंचाच्या मॉडेल (DW43S) ची किंमत 22,490 रुपये निश्चित करण्यात आली आहे. या टीव्हीमध्ये 1GB रॅम आणि 8GB इंटरनल स्टोरेज देण्यात आले आहे. हे दोन्ही टीव्ही मॉडेल कंपनीच्या अधिकृत वितरक आणि किरकोळ विक्रेत्यांकडून खरेदी केले जाऊ शकतात.